__دوري__

[Tau]

الايام زى امتحان
والنتايج بالميزان
كل واحد ليه معاد
لما بيأوون الاوان
واللى طالع فيها فوق
واللى طامع فى الحقوق
بكره يجى اليوم يفوق
دى الحياه داين تدان
واللى ظلم الناس فى ايده
ماشى متعكز عليه


دنيا تلاهى تمللى تدور
دنيا ملاهى ومش بالدور
واللى بيشبط فيها بيحلم
امتى تحن وياخد دور
بس هيعلى لغايه فين
برضه هينزل لكن فين
لما يشوف الناس من فوق
غيره بيجى عليه الدور
بالايام اتغطى وناسى
ان ساعتها بتعريه

قلب لكل الناس مفتوح
راضى برزقه وبالمسموح
تبتسم ايامه وتحلى
علشان هى حلاوه روح
لكن وقت ما يطمع فيها
حتى ترابها ما يملى عنيه