قــنــواتـــ الــمــصــارعـــه { تــألـيـفـى}

[Kemo Eagle]

بمناسبة انى غيرت ام الPower Supply اللى كان قارفنى وبقالى يوم ونص مدخلتش المنتدى وانتوا واحشنى موووت والمنتدى واحشنى وكل حاجه هنا وحشانى ندخل بقا فى الموضوع وانا قاعد كالمعتاد امبارح بليل قدام Panorama Action وكنت بتفرج على CareDevil ومات كان هيقتل "عيون الثور" وخلاص بقا اهو هيطلع عين امه
فى حاجه كده جت قالتلى قنوات المصارعه قولتلها مالها ؟
تعالوا نعرف مالها



♥♥♥♥♥♥•♥♥♥♥♥♥

قنوات المصارعه .. على فكره كلها من تأليفى
وحياتك انت عندى .. لا اكل البيفى على كيفى
ندخل بقا فى الموضوع .. اصل انا بقيت مسروع
مش عارف اتفرج ع انهى ماتش.. منا كده هبقى مفجووع
عايز كله فى وقت واحد ! .. والمعلق ده راجل جاحد
مش فاهم معنى الكلام .. واخره فيلم ركلام !
مش عارف اعمل ايه ؟ .. انا كده هموت م الجوع
اصل كل ماجى اقوم .. قدام الT.V ملخووم
امى تنادى عليا .. اقولها حاضر هاقووم !
ابويا يكون عاوزنى .. يا حاج جاى هاقووم !
ولسا قاعد قدام المصارع .. ومستقبلى انا ضايع
طب وقناة الحلبه ؟ .. دى قناه تيت ونجر عليها سلبه
خلينا نخلص منهوم .. ونفوق للمستقبل
مادام احنا جاهزين ! .. متيالا للمستقبل ؟
قاعد مستنى مين ؟.. ممدوح فرج ولا مين ؟
يا حبيبى الناس دوول .. اخرهم اعلانات فوول
هدفهم الاعلانات .. وطبعا احضار بنات
وانت قاعد ومركز .. ومشغل عداد السيئات !
وكل ده وانت .. بتروح منك حسنات
ايام ما كنت بتصلى . وتصوم لربنا !
دلوقتى انت مهموم .. والقنوات دى بقت حته مننا
لازم ناخد موقف .. ونقول للبت لأ
وخلاص من النهارده .. بلاش بص وزق !!!
نتعاهد مع بعضنا.. ولا حد يهزنا
ونحترم اهلنا .. ونقول "لـلـتـت" لأ
ما هو ده فى مصلحتنا .. اللى هما مش عايزينها !
هتقولى هما مين .. اقولك اللى خاربينها
عايزينا ملهيين .. وورى الشيطان ماشيين
جرب اسأل نفسك .. احنا على فين رايحين ؟
وتسيب كلام اللى خلقك .. وفى الصلاه تقول امين !
ماتيجى نتغير .. ونبص لأخرتنا
سيبك من المعاصى..ونعيش لأخرتنا
هتقولى فوكك يا عم .. سيبنا نعيش دنيتنا
هما كده نجحوا.. مع السلامه انا
وفى تغييبك نجحوا .. يا ريتنى كنت انا
ولا اشوف اخويا كده .. ويتعمل فيه كده
لازم نخاف على بعض . مع اسلامه انا


الى اللقاء بقا ^^ ولو كتبت حاجه تانى وانا قاعد زهقان اوعدكوا انى هنزلها هنا ^^
زلامووز