ليه يمشي رمضان وتنسي .. وحبيبك مش بيغيب

[kingoffruits]

بسم الله الرحمن الرحيم


السلام عليكم ورحمة الله وبركاته
لكل رجاله المنتدى ^_*

همسه ... لعلها تنفعني وإياكم

رمضان خلاص ماشي .. ونقول

مع السلامة يا شهر الخير .. والسنة الجاية نقابلك

يعود عليكوا الايام بخير .. من دلوقتي بنشتقالك


خلااااااااااااااااااااااااااص يا جماعة .. الشهر يوشك أن ينقضي

ومش هنكرر ونقول لسه فيه فرصه .. لسه فيه وقت .. لسه فاضل 10 أيام وفيهم ليلة خير من ألف شهر

بس عاوزين نقول

أعبد ربنا .. بقلبك .. بحواسك .. بدمك

عارف لو تحبه بجد

تبقي السنة كلها عندك رمضااااااااااااان

في كل وقت بتعبده .. هتحس إنه هيديك

وكل وقت بتدعي .. تحس انه هيجيبك

إوعي رمضان يمشي وتنسي

يبقي إنت مش كنت بتعبد ربنا .. لااااااااااا إنت كنت بتعبد رمضااااااااااااااااان

لو بتحبه بجد .. هتفضل طاعتك زي ما هي بعد رمضان

مش هتسيب سنة

ومش هتقصر في ذكر

ومش هتنسي المصحف

لإن في الأصل العبادة موجودة في باقي الأشهر .. لكن ربنا مديك رمضان هدية

ربنا مش محتاجلك .. والله إنت اللي محتاجه

لو مطلعتش من رمضان بقلبك .. يبقي خساااااااااااارة كبيرة أوي

الليلة دي فرصتك

إجتهد في الوتر وفي الزوج .. عشان انت بتحبه

ربنا لو لقي من قلبك صدق ..

مش هيحرمك .. بس إحسن الظن بربك

حاول تعمل حاجة ربنا بيحبها

كتير بيصلي ويطول .. كتير بيستغفر .. كتير بيقرأ القران

متسبش العبادات دي .. لأ طبعا

بس دور علي حاجة ربنا بيحبها ومش كتير بيعملها

لو مخاصم حد .. صالحه .. وقول عشانك يا رب

عشان ترضي .. أصل أنا بحبك أوي

دور في لبسك علي طقم جديد بتحبه .. وإديه لفقير يعيد بيه

عشانك يارب .. بحبه .. بس بحبك أكتر

إشتري شكولاته وانت طالع من الجامع .. إديها لاي طفل .. هيفرح

وقوله عشانك يارب .. أنا نفسي أفرح

فرحني بليلة القدر .. وعبّد قلبي ليك .. لا يفتر

لو قلبك عبد ربنا بجد ..

نومك هيبقي عبادك .. سكوتك عبادة .. رؤيتك عباده

وصية أخيرة ..

أوعي تقطع عن نفسك خير كنت بتعمله في رمضان ..

حبيبك في رمضان وغير رمضان ..

لا تنسونا من دعوة صالحة لعل الله يشملنا برحمته ويعبّد قلوبنا له فلا نشغل عنه

والسلام عليكم ورحمة الله وبركاته