مشكله فى عمل السيرفر

[~™Detective_Conan™~]

انا كنت نزلت الحاجه وكله وبدات اعمله بس المشكله كل الشروح الموجوده على Windows 7

وانا شغال بويندز xp وينفعش استعمل 7 عشان جهازى بطىء انا كنت ماشى تمام بس جيت فى

مرحله تسطيب ال iis and ftp دى ومش عارف اعمل ايه لو حد بيفهم فى عمل السيرفر يقولى امشى

فى الجزئيه دى ازاى او يضفنى على Skype او fb ويساعدنى اذا سمح لحد اما اعمله

skype name : rageflakes

مستنى ردودكم

[tadros950]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[محمد سعييد]

اتفضل

المشاركة الأصلية كتبت بواسطة Mr_Matrix عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

" سلام عليكم "

اخيرا و بعد طول انتظار :ghostrider_h4h:
ازاى تزبط الخطوة بتاعة الـ IIS على ويندوز XP
طبعا انتا هتمشى عالشرح بتاع موسى عادى جدا جدا
بس تيجى عند الخطوة بتاعة الـ IIS و تفتح الموضوع دا و تتابع الشرح



بس الاول احب اقول حاجة , هييجى واحد كدا يطلع زى الـ
يقولى و اية الفرق بين ويندوز XP و 7 واكيد فى ناس هتقول ويندوز 7 احسن
هقولك انا بئا لا y.png" border="0" alt="" title="Competitivey" class="inlineimg" />
عشان السيرفر هيبئا شغال خفيف جدا جدا على XP و الجهاز مش هيهنج
انا فاتح كل الخرايط على رامات 4 و مش حاسس بالسيرفر اصلا
يلا نخش فى الشرح



دى اول خطوة هفتح المسار دا

Control Panel>>>>> Add or Remove Programs
و تدوس زى الى فى الصورة



هتتلعلك القائمة دى



تعلم علامة صح على Internet Information Services IIS

و بعد كدا تدوس Details

هتظهرلك القائمة دى



هتعلم صح على :

File Transfer Protocol FTP Service

و World Wide Web Service

و تدوس ok



و بعد كدا تدوس Next



ملحوظة : لازم تكون حاطط اسطوانة الويندوز



نخش على الخطوة اللى بعدها

هيكون خلاص اتسطب هتفتح ال IIS من المسار دا

Control Panel >>>>>Adminstrative Tools>>>>>>>Internet Information Services (IIS) Manager

هيكون بالشكل دا



تروح عند Web Sites

كليك يمين

و تختار زى الصورة دى



و بعد كدا هيفتحلك الفولدر اللى تنزل فى ال ملفات بتاعة DBConnect و الحجات دى
هتعدل علية طبعا و تسيفة

نيجى بئا للخطوة اللى كلو عمال بيسأل عليها

هتعمل زى الصورة دى



و تتأكد ان البورت بالشكل دا 8080



و بعد كدا تدوس ok

و تروح للـ FTP

وتعمل نفس الحكاية



بس تعمل البورت 80 زى الصورة دى



و بعد كدا تعمل Stop



و تعمل Start تانى



للاتنين للـ FTP و الـ WebSite

و كدا مبروك عليك السيرفر على XP من غير مشاكل

الموضوع مش موجود فى منتدى تانى يا رجالة

و الشرح كلو انا اللى عملو

و اى حد تواجهو مشكلة يورينى صورة منها

يلا سلام

[~™Detective_Conan™~]

الف شكر