اصحابك زي لعبة الشطرنج بالظبط

[ST0P_IM_T0P]

“”اصحابك زي لعبة الشطرنج بالظبط “”

الوزير : وده صاحبك الجدع قوي اللي تلاقيه في اي وقت معاك وفي اي مكان جوه لعبة حياتك ممكن يتحرك .

الفيل: وده صاحبك اللي ما تحتاجوش غير في دور معين في حياتك ما بيعرفش يعمل غيره
...
الحصان : وده صاحبك الغتت اللي تلقاه ناططلك في كل حته شويه وهما تلت حاجات بيعملهم
1_معاك فلوس 2_عايز اكل 3_يلا ننزل

الطابيه: وده صاحبك اللي دايما ماشي دوغري و

لا يهمه حاجه ولا حد

واخيرا
العساكر: ودول بقي الناس اللي بتلقيها صدفه في حياتك وتختفي وكل دورها انها اتوجدت في اللعبة عشان تموت يا اما فجاءه تلاقي واحد منهم اترقي وبقي حاجه من اللي اتكلمنا عنهم

لازم تبقي عارف ان كل واحد في اللعبه ليه دوره اللي عمره ما يقدر يغيروا يعني لو طلبت حاجه من حد وكسفك ما تزعلش منه ازعل من نفسك لانك حطيت حد يلعب دور مش دوره
ينفع مثلا تحط عسكري مكان وزير ولا طابيه مكان فيل رتبهم صح والعب وساعتها حتي لو خسرت حد منهم مش هتزعل قوي لان "" اللعبه لو مافيهاش خساره مكانش حد كسب"".....



بجد كلام جميل