♥ ♥ ~ شرح إحترافي لواجهة اللعبه ~ ♥ ♥

[captin_Don]

ازيكم ياشباب ،،،

نبدأ الشروحات المفصلة بشرح واجهة اللعبه وكل حاجه فيها وبالتفصيل

دي واجهة


كل رقم مكتوب هتلاقيله شرح تحت ،،،

1- منطقة الشات ، ودي سهلة وبسيطة وليها شوية أكواد هكتبهم للي حابب .
لما يكون حد معاك في نفس السيرفر وبيكلمك
(سواء كان سيرفر الفاست تراك او سيرفرك اللى بتلعب عليه) عايز ترد عليه من غير ماتقعد تحرك الماوس وتلف وتدور ،
دوس حرف T وأنتر هتلاقي اسمه طلع في مكان الشات واكتبله عادي
ودي بعض أكواد للشات
/Whisper PlayerName عشان تكلم حد .. طبعاً غير كلمة PlayerName لإسم اللاعب
/S عشان تكتب في الشات العادي وكل اللى حوليك هيشوفوها
/G عشان تكتب في الجروب (البارتي)
/L عشان تكتب في الليجون (الجيلد)
حابب تعمل سبام في الجيلد وعايز تدخل ناس معاك في الجروب من غير ماتعمل ريفورم للجروب
خليك في شات الليجون واكتب كدا
/RecruitGroupMember عشان تجيب ناس في جروب (مع مراعاة الحروف الكابيتال).
/RecruitAllianceMember عشان تجمع ناس في إتحاد (مع مراعاة الحروف الكابيتال).
/Roll لما تكون في Alliance كامل يعنى 24 نفر ، لو وقع أيتم حلو ساعات مبيظهرلش للكل
عشان يعمل له رول ، فا بتكتب الامر دا وبعديه مسافة وتكتب 10.000 لو انت في Alliance
او 100.000 لو انت في League .
معلومة :
Group = 6 members
Alliance = 4 groups = 24 member
League = 8 Alliances = 192 Member


2- مكان الإسكيلات ، أول ما بتبدأ اللعبه بيكون شريطين بس .. ممكن تزودهم براحتك من أوبشن اللعبه.



3- Mini Map خريطة صغيرة للمكان اللى انت فيه ، ومن مميزاتها لما تكون بتدور علي ان بي سي بعيد عنك
ومش شايفة علي الخريطة وعامل له تحديد موقع .. بيجيبلك سهم ازرق في إتجاه الان بي سي دا ،
وكمان لو فيه عدو ليك بيبان فيها نقطة حمرا تقيلة.



4- أيكونة الطيران ، لما تكون باهته كدا زي في الصورة يبقي غير مسموح بالطيران في المكان دا
لو لونها اخضر .. دوس عليها هيطلع الأجنحة ويطير ، ولو وقفت عليها بس هيجيبلك معلومات الطيران بتاعتك
يعنى كام دقيقة تقدر تطيرهم وهل مسموح الطيران في المكان دا ولا لا إلخ ...



5- Profile ودي لما تدوس عليها بيجيبلك شكل مصغر للكراكتر بتاعتك واللبس اللى انت لابسة والحاجات اللى انت لابسها. (بالنسبة لباقي الحاجات اللى فوق زي Stigma - Abyss - Title - Motion هشرحها بعدين ).



6- Inventory الشنطة بتاعتك .... !



7- صفحة الاسكيلات بتاعتك



8- المهمات ، والمهمات نوعين :
Reguler Quests : كويستات عادية عشان تلفل نفسك عالسريع وفيها كويستات يومية بتعملها تديلك كوينز تشتري بيها لبس .
Campaign : بطولات ، ولما بتعملها بتفتحلك حاجات جديدة ومدن وحاجات كتير من الآخر لازم تتعمل



9- الخريطة الكبيرة الى تجيبلك المدينة او المكان الى انت فيه ، ولما تفتح الخريطة وعايز تشوف الخريطة الأكبر ، دوس كليك يمين علي الخريطة .



10- ماكرو ، يخلي الكراكتر يضرب لوحدة (زي بوت مصغر) ، دا لو انت في جروب مثلا وبتضربو مونستر دمه كبير وايدك واجعاك
بتجمع شوية اسكيلات وتحطهم في الماكرو دا وتاخد الناتج منه تحطه في الشريط الى تحت
وساعتها ابقي دوس علي اللى انت عملته دا وهو يضرب لوحدة



11- كشك تبيع فيه الحاجة الى معاك زي بتاع سيلك رود



12- معلومات عن الانستانسيز اللى تقدر تدخلها ولسه باقي لها وقت اد ايه ،
والإنستانسيز دي عبارة عن كهوف بتدخلها وفي نهايته بتلاقي مونستر فشيخ لو موته بيديلك ايتم دهبي وانت وحظك طبعاً .



13- الليسته بتاعت الـ Pet اللى بتمشي وراك ، زي مثلا حيوان يمشي وراك يلم الفلوس والحاجة اللى بتقع من المونسترات
أو حيوان يمشي وراك يحذرك لو قابلت عدو من علي بعد وهما انواعهم كتير فشخ هبقي اشرحهم بعدين.



14- LFG يعنى Looking for group برضو يعنى الليسته اللى فيها الجروبات ولو حابب تدخل مثلا إنيستانس معين او بتعمل كويست وكدا يعنى .



15- تغيير القناة ، ودي ميزة تحفة في اللعبه دي ، مثلا انت بتلعب في مكان وجنبك واحد رخم قاعد يخلص علي المونسترات اسرع منك
غير القناة هيوديك في نفس المكان بس مافيش ناس حوليك الا الناس اللى في القناة اللى انت فيها طبعاً ..
وهكذا، عندك 5 قنوات عيش فيهم .. بس تغيير القناة دا ممنوع في بعض أماكن



16- Community المجتمع ، ودي عن طريقها ممكن مثلا تدور علي أصدقاء في اللعبه وتعمل إضافات ،،
او تشوف الجروب بتاعك فيه مين ، او الإتحاد فيه مين ، وكدا ..



17- الدعم ، من الآخر دي الHelp فكك منها مالهاش اي 3 لازمة



18- Additional Function دي الزيادات في اللعبه وفيها حاجتين
Aion tweet ودي آداة بتخليك متصل بتويتر علي طول ولو خدت مثلا سكرين شوت ليك ممكن ترفعها علي تويتر.
و Relics Calculator ودي آداة بتحسبلك معاك أد ايه أبيس بوينتس في حالة انك شايل معاك Relics
والRelics دي بتقعلك من صناديق ومونسترات وبتغيرها بنقط أبيس .



19- System info ودي اللى بتجيبلك تغيير الأوبشن بتاع اللعبه بقي والجرافيك والصوت والكلام دا .



20- العنوان اللى جنب الإسم ، ودا بيجيلك بعد الكويستات البطولة وانت اللى بتختار المناسب معاك ،
بمعنى انك لما تخلص كويستات البطولة بيديلك عنوان لو استخدمته هيديلك مثلا ديفينس زيادة
او أتش بي زيادة وهكذا .



21- دي بقة بتعرف منها نسبة زيادة الأسعار في السيرفر كله ، حسب الـ Race بتاعك
والنسبة الأقل بتكون الأقل في الأسعار طبعا، والنسبة متغيرة
ومعتمدة علي انهو Race متحكم في كم فورتريس من الـ 17 فورتريس الموجودين في اللعبه بصفة عامة



تم بحمد الله ....
ليس منقول او مقتبس او مترجم،،،