محستهـاش صعبـة ... ♥

[The_Mask]

القسم الدينى من اهم اقسام المنتدى فحاول ان تشارك به بقدر المستطاع .

لا تنسى ابدا ان تصلى على النبى .

لا تكن من الحقودين و المتمردين على قضاء الله .

اذا حدثت لك كارثة فقل انا لله و انا اليه راجعون .





محستهـاش صعبـة ... ♥

محستهاش صعبة

هي ايه دي؟؟
تعالوا اقولكوا على موقف ومن خلاله حتعرفوا انا بتكلم ع ايه

في مرة كنت في سفر وفي هذه البلد كانت السيارات تسير بسرعة جنونية
لدرجة ان العربية بتعدي من جنبي واسمع صوت جامد أوووي
مش عارفه ليه وقتها حسيت اني خلاص حموت بجد
ووقتها عدى شريط ذنوبي كلها قدامي
ووقتها مقولتش مفيش فايدة مني أو قلت انتي لسة فاكره ولا سمعت لكلام الشيطان اللي كل ماأجي أتوب
يقف لي زي المية في الزور

وقتها لقيتني بقول من جوايا أوووووي
تبت إليك يارب بقول تبت وانا بتذكر شروط التوبة كويس أووووي
وبفتكر كل ذنب وبستغفر منه وبعاهد ربي مرجعش للذنب دا تااااني أبدًا
والحمدلله عشت واكبر دليل اني بكتبلكم كلامي دلوقتي
بس بعد ما رحت البيت لقيت قلبي هادي ونفسي مطمئنة وحسة ان ربنا راضي أوووي
عارفين ليه؟؟
لأني عملت اكتر حاجة ربنا بيحبها
أحسنت ظني بيه وعاهدته بجد مرجعش،
عاهدت ربي حبيبي عهد طالع من قلبي بجد

تيجوا أقولكوا موقف تااااني
مااحنا فاضيين بقا
في يووووم كنت سهرانه بليل وحاسه إني مخنوقه ومضايقه اووووي ومش عارفه أنا مالي

رحت اخدت بعضي قعدت أقرأ الأخبار على أمل إني اخرج من مووود الكآبة دااا
أول ما طلعت وبقرأ أول حاجة عيني وقعت عليهـا هذه العبارات
" البُعدُ عَن الله يَجعلُ قُلوبَنا خَائِفة .. مُتوتّرة .. قَلقَة .. لَا تَدري ايْن تَذهَبْ !
هَذا سَببُ احْزانِنَا ..!
يَاربْ .. قرّبنا اليْكَ مَعَ كُلّ نَفس نَتنفّسُه "

قرأت الكلمات دي
ووقتها بس منطقتش بأي كلمة سوى دمعة باردة خارجة من قلب قاسي او ناسي
حسيتها رسالة من ربنـا ليا
حسيتها كلمات انا محتاجاها أوووووي
حسيت إن مهما أبعد أنا مليش حد غير ربي أرجعله
حسيت إني مستاهلش كل دا
مستاهلش ان ربنا يجعلني اضايق واحس ان في حاجة نقصاني
في وسط مافي ناس كتتتير اوي زيي بالضبط وفي وادي تاني خاااالص
لكن تذكرت ان ربنا كريم أوووووووي
إن ربي رحيم ودود

ياااه الرحمة والود
كتييييير فاهم ان العلاقة بينا وبين ربنا مجرد عبادة تصلي الصلوات وتقرأ قرآن وكدا تمام ياباشا انا أحسن من غيري

لكن في الحقيقة العلاقة أساسها حب وقرب من الرحمن
فكّر وبلاش يأس
حتبعد مهما تبعد وبعدين؟؟؟
أخرتها اييييه؟؟؟
أكيد حترجع
طيب ليه بتأخر التوبة والرجوع لله
ليه عمال تدوس على قلبك وتكسر في اي معنى حلو بيقربك من ربنا حبيبك
ليه عايز تسود كل حاجة وتعمل ذنوب اد كداااا وبعدين ترجع لربنا بعد ماتكون وصلت للصفر
ليه
وليه
اقف مع نفسك وقولها لحد امتة؟؟
ومستنية ايه عشان ترجعي
وقولها دايمًا
أين تذهبي
ألكِ رب سواه



يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير



و السلام عليكم ورحمة الله و بركاته