ايه رأيكم فى الجيلد ده.. SilkRoad4Arab بس الحكاية عايزة تضحية من الاعضاء الكبار

[X_HellCall_X]

السلام عليكم ورحمة الله وبركاته

والله وانا ماشية كل يوم فى سيلك رود - اللعبة اللى خدت من وقتنا الكثير والكثير - الاقى مثلا عضو من مثلا Viet4Ever والاقى مكتوب جنب اسمه Engineer Commander او حاجة زى كده.. وبما اننى فى كلية هندسة :D قولت فى نفسى والله انا نفسى اوصل للصفة دى

فقولت فى نفسى ليه منعملش جيلد اسمه SilkRoad4Arab وتبقى دعاية للعرب ودعاية للمنتدى كمان :D .. ويضم الجيلد ده العرب بس بس بس من كل الدول

يا جماعة انا عارفة ان حكاية الجيلد العربى ده طرحت من زمان ولمدة طويلة جدا واكيد اكيد لم تنجح لثلاث اسباب مهمين جدا فى رأيى :.

1- ان الناس يائسة من الفكرة اصلا بسبب ان اصحاب اللفلات العالية ( العرب ) الى مترستقين فى جيلدات قوية جدا و يونيونز قوية جدا قربت انها فعلا تاخد الـ Fortress War
تقولك انا اسيب الجيلد بتاعى بكل معارفى ولسه اغامر بفكرة جديدة وجيلد جديد لسه محدش سمع عنه وهياخد وقت لغاية ميصبح قوى.

2- العرب كلهم متفرقين فى جيلدات مختلفة - نفس الحال على ارض الواقع - يعنى مثلا المصريين.. ناس عملين Mafia Egypt وناس تانية Egy Fighters وناس تانية Egy Warriors . ويا ريت اى جيلد فيهم فالح - اعذرونى - وشفت اسمه على الـ Fortress
مرة واحدة بس.

3- وسبب مهم اخر هو الخناق على "الزعامة" .. فكله خايف من الحته دى ..... وانا بقول فى رأيى المتواضع ... اكيد هيحصل بعض الحاجات اللى لا نتمناها .. لكن احنا ناس كبار واكيد هنقدر نحل خلافاتنا وطالمنا احنا واضعين قدامنا مصلحة الفريق فى المرتبة الاولى
يبقى كلنا هنبقى متفقين
وحاجة كمان تساعدنا ان ممكن المشرف يفتحلنا قسم هنا خاص بالجيلد ده بس نتكلم ونتناقش فيه

وفى النهاية

والله الموضوع سهل جدا بس عايز تفاهم وصبر وتضحيه ( وعلى الاقل فيه امل ان يوم من الايام تشوف اسم العرب اللى بيتشتموا طول الليل والنهار مروفوع على الحصن) :) فالمهم حد الوقتى يتبرع ويكون من اصحاب الاموال العالية - ما شاء الله - ان يبدأ الجيلد (بعد أخذ الاراء) ولازم ناخد راى المشرف العام الاول لاننا هنلعب ياسم المنتدى ان شاء الله

وهنعمل اّلية فيما بننا فى حكاية مين الزعيم ومين ومين ومين .... ان شاء الله فى المستقبل عما نلاقى اصحاب اللفلات العالية ردوا وكانوا مستعدين للفكرة

شكرا على حسن القراءة
موضوع طويل بس يستاهل

والسلام عليكم ورحمة الله وبركاته