مشكلة كبيرة في الكمبيوتر+طلب صغير

[Metro]

انا هبدأ بالمشكلة الكمبيوتر عقدني في حياتي كل اما اخلص من مشكلة تطلع مشكلة اخرها الهارد

مشكلة الهارد هي

الهارد بتاعتي داتا اما بيفتح بيعمل صوت كدة كأنة قام زي صوت مروحة كدة دية عادية وموجودة بقالها كتير لاكن المشكلة الكبير بقي اللي ظهرت وانا قاعد علي الكمبيوتر الاقي صوت الهارد عمل والكمبيوتر قفل وعمل ريستارت والهارد ميرداش يقوم تاني والكمبيوتر ميرداش يفتح تاني

لازم افضل اشيل في الاسلاك واحطها اكتر من ساعة لغاية اما الهارد يقوم دة بعد عذاب دة غير انة ساعات بيعمل صوت كدة غريب تك تك تك تك كأنة هيتحرق لازم اقفل الكمبيوتر علي طول

الحاجة بقي اللي تحير انة قعد اكتر من ست شهور مبيعملش الحكاية دية ومرة واحدة يعملها وديتة عند راجل بتاع كمبيوتر هو نفسة مش عارف الغلط منين لو عيب هارد مكانش قعد 6 شهور من غير ما يعملها

مشكلتي بقي اللي ظهرت الايام دية اني اما اجي احط هارد تاني جنب الهارد الاصلي الهارد الاصلي ميرداش يقوم الا اماا اشيل الهارد التاني نفس الحكاية لو حبيت احط سي دي روم ميرداش الهارد يقوم خالص انا قعدت امبارح اجرب 3 ساعات بدون مبالغة لأن الويندوز سقط لوحدة عشان انزل ويندوز جديد االهارد مش عايز يقوم خالص حتي اما شيلت السي دي روم برضوا

شكيت انة العيب ممكن يكون من الباور صبلاي مبيديش باور زيادة انة يشغل اكتر من هارد ممكن تكون دي المشكلة ؟؟

ففكرت في حل اني انزل ويندوز عن طريق فلاشة وبما ان الويندوز مساحتة كبيرة فا انا عايز طلب صغير

الطلب

انا معايا فلاشة وعايز ادخل علي الدوس هو دة اللي انا طالبة عشان عندي نسخة ويندوز جوست لو حد يعرفها ودية بتنزل في 5 دقائق وياريت الحل يكون في اسرع وقت وشكرا لأني فقدت الامل اني انزل ويندوز من السي دي روم ومحتاج الكمبيوتر النهاردة بالذات ضروري