موضوع للنقاش : لكل الناس المحترفين اللى بيلعبوا من زمان

[khorshed]

السلام عليكم ورحمه الله وبركاته

اخوانى واخواتى اعضاء المنتدى الجميل ده اسعد الله يومكم :)

موضوع حبيت اتناقش معاكم فيه زى مانكون قاعدين على المصطبه كده :D

والموضوع بيعتمد على خبرتك العمليه مش على الخبره النظريه يعنى بيعتمد على التجربه

وموضوعنا متعلق بالشخصيات يعنى كل الناس المحترفه اللى بتلعب من زمان وعملت شخصيه واتنين وتلاته تقدر تقولنا ايه اكتر شخصيه لعبت بيها وحست معاها بالمتعه الحقيقيه سواء فى الـ Grinding , pvp , Guild Wars , FW , Job war

وياريت اللى يكلمنا عن شخصيته يقول ليه عجبته اوى وحبها اوى كانت ايه مميزاتها وكانت ايه عيوبها كانت ليفل كام وياترى مازالت معاه وبيلعب بيها والا اتسرقت والا اتباعت والا ايه اللى جرالها

وياريت اللى يشاركنا يكون على علم باللى بيقوله يعنى ماقصدش الناس اللى عندها اكونتات ليفل 30 والكلام ده انا باتكلم عن الناس اللى معاها اكونتات وليكن ليفل 70 + وفيما فوق عشان ده الوقت اللى بتحس فيه بقوه شخصيتك

انا عن نفسى احسن اكونت لعبت بيه كان بليدر ليفل 80 فول فارم ايام ماكانت اللعبه لحد ليفل 80 واللى كان عاجبنى فى الاكونت ده قوته وقوه تحمله الجامده فى حروب الوظيفه او الـ job war وفى حروب الجايلدات كان جامد موت فيها كان بيستحمل اى حد بس ايامها ماكانش فى حضارة اوروبيه :p

والاكونت ده للاسف بعته دلوقتى وياريتنى ماكنت بعته اول مافتحوا ليفل 90 وليفل 100 البليدر اخد حقه تالت ومتلت فى الاسكيلات الجباره الجديده

عملت شخصيات تانيه كتير بس اللى عجبنى بعد ماعملوا الحضاره الاوروبيه شخصيه الـBow pure str ودى مازلت بالعب بيها حاليا وهى شخصيه ممتعه جدا جدا جدا وطبعا كلنا عارفين مميزاتها وهى حاليا ليفل 82

يلا مستنيكم ومستنى اشوف خبراتكم فى اللعبه ;)

تحياتى للجميع :)