مذكراتى مع ال*** الاحول !!

[محسن الكاشف]

فى موضوع منغص عليا حياتى .. كارثة حقيقية
الموضوع :
انا كنت ماشى فى الشارع من يومين كدة وفجأة وبدون سابق انذار لقيت *** شكلة كدة احول جاى يجرى عليا بسرعة قوى طبعا انا حاطيط ديلى فى سنانى وطيران فى قلب الشارع، ومش عارف مع انه *** بلدى من الهبل الى
سارحين فى الشوارع دول الا انه تجرأ وجرى ورايا انا بالذات.

المهم لقيت بوابة عمارة قدامى ماستنتش ورحت راشق فيها لكن للاسف البوابة طلعت باب واحد بس الباب اللى قدامة متشال انا مش عارف السكان الزبالة سايبنها بايظة لية ؟ ؟؟
المهم ال*** دخل ورايا البوابة وانا كملت جرى على السلم ولقيت باب عيادة من اللى هوة ادفع هواء مكيف دة فدخلت من غير حتى ما اعرف دى عيادة اية وقعدت على كرسى من غير مااتكلم مع حد وسط نظرات عجيبة من
التمرجى المهم قعدت 5 دقايق لحد مال*** يزهق ويمشى فسمعت صوتة ، فبصيت من بلكونة العيادة لقيت عيال صغيرة بتجرى بسرعة وال*** بيجرى برضة ، لكن للاسف ,,,,

ال*** كان بيجرى قدامهم !!!! آآآآآآآآآآآآآآآآآة
طبعا رحت فاتح باب العيادة ونازل من غير ما اكلم حد حتى التمرجى ماسالنيش انا عايز اية وبصيت على باب العيادة لقيتها عيادة امراض نسا فعرفت لية التمرجى ماكلمنيش !!

ماعلينا انا كل اللى حازز فيا هو منظرى وانا عمال اجرى قدام ال*** والناس عمالة تضحك عليا وكمان منظر العيال وهما بيجروا وراة .... طب اشمعنى انا يعنى؟؟

حد بقى يشوفلى دكتور نفسى احسن انا دلوقتى نفسيتى فى الحضيض ..

آآآآآآآآآآآآآآآآآآآآآآآآآآآآآآآآآآآآآآآآآآآآآآة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
ملحوظه :: القصه وهميه و انا مش البطل بتعها