|
|
31-08-2009, 10:15 PM
|
#1 | ||||||||||
  
|
الموضوع ده معمول علشان نفرفش شويه بدل ما كل شويه سرقه واعتزال ويونيون فرفشه بقي حتسقط يعنى حتسقط يا جمعاوى!!!!!! ده أحلى يوم في حياتي..يوم الامتحان..عارفين ليه؟؟ عشان ده اليوم اللي ببخ فيه الإجابة في الورقة بعد ما قعدت أحشي المعلومات في دماغي طول أيام المذاكرة المخنقة..لبست هدومي..وقبل أن أخرج من باب البيت..نظرت إلى الكتاب.. وقولتله: وربنا..وربنا ما حذاكرك تاني.. ثم ذهبت إلى اللجنة مسرعاً وأنا سعيد إني خلاص حفضي دماغي من مادة كاملة- طبعاً ده إن نجحت فيها إن شاء الله-وصلت إلى مكاني في اللجنة..وبعد أن جلست وزعوا علينا ورقة الإجابة..وطبعاً زي كل الشعب..سطرت الورقة وجهزتها للفرم اللي حيحصلها..وفجأة!!!!!! وزعوا علينا ورقة الأسئلة..نظرت إلى الامتحان وأنا لا أصدق نفسي..يا حومتي!!!..إيه ده يا واد يا جمعاوي .. معقول .. هو ده امتحان؟؟ .. مش ممكن!! .. ده امتحان محصلش في الأرجنتين.. -متسألوش اشمعنا الأرجنتين؟طبعاً عشان بحب ديفيد بيكهام- لقيت الورقة..عجيبة..غريبة..كالآتي الاسم:اكتب اسم الحاجة أمك :........... .. رقم موبيلك:........... .... الإيميل:........... ......... السيبر المفضل:........... ... السؤال الأول:اختار من بين الأقواس الكلام الصح: 1- حنان ترك اتحجبت يعني............ (لبست جزمة - لبست ساعة - لبست ايشرب) 2- اللي بنى هرم خوفو............ ..(طلعت مصطفى - المقاولون العرب - مقاول عادي - خوفو) 3- اللي بنى..بنى مصر كان في الأصل......(حلاق - نجار - تاجر مخدرات - السيد - حلواني) 4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر) 5 - مصر هى أمي نيلها جوا...........(بطني - رجلي - جيبي - دمي) 6- رئيس مصر القادم السيد......(جمال مبارك - جمال مبارك - جمال مبارك - كل ما سبق) السؤال الثاني:أكمل الجمل الآتية بكلام م الآخر: 1- انتبه من فضلك السيارة ترجع إلى............ ......... ... 2- ماما زمنها............ ....... 3- من خلال تجاربك السابقة...البامبرز استيك منه............ . 4- طلعت أدّب نزلت أدّب لقيت الدب بيأزز............ 5- اسم والد اللاعب وائل جمعة الحاج............ .. السؤال الثالث:ضع علامة nike أو علامة غلط أمام الكلام الجاي: 1- بابا فين؟؟ ..بابا هنا..قوله مين؟؟ قوله عمو ( ) 2- الشرطة دائما في خدمة الشعب ( ) 3- اللي بيته من سيراميك ميحدفش الناس بالبلاط ( ) 4- شاي الجوهرة حتة سكرة ( ) 5- يحكم مصر النظام الملكي ( ) "ملحوظة:لو معرفتش سؤال ابقى طلع البرشام اللي معاك يا جمعاوي..غش براحتك..كده كده حتسقط يا جمعاوي عشان تحرم تقول لكتاب المادة بتاعتي كده..ماشي يا جمعاوي!!!! " قريت الورقة وأنا في اسبهلال تام..فركت عيني مرة وأتنين..والورقة زي ما هيا..قريت الملحوظة اللي في آخر الورقة تاني.. وتالت ..وأنا مش مصدق إن الدكتور كاتبلي ..ماشي يا جمعاوي..ماشي يا جمعاوي-جمعاااااااااااااااوي..أنت يا وااااااااااد يا جمعاااااااااااوي قوم بقى..عشان تروح الامتحان-استيقظت من نومي..ثم نظرت حولي..إيه ده أنا لسه في البيت مرحتش اللجنة..الحمد لله كنت بحلم..ووجدت الكتاب جنبي ع السرير..فأخذته في حضني وقولتله...يا لهوي يا كتاب..بحبك يا كتاب.. بموت فيك يا كتاب.. بعشقك يا كتاب .. مقدرش أعيش من غيرك يا كتاب ..هو أنا ليا بركة ألا انت يا كتاب. |
||||||||||
|
| إعلانات google |
|
|
|
31-08-2009, 10:16 PM
|
#2 | ||||||||||
|
مساطيل 2010 اتنين مساطيل واحد بيقول للتانى : تصدق ان بوش جاى مصر بكره قاله : و ايه يعنى علىِِ الطلاق الاهلى يغلبه ----------------- اتنين مساطيل واقفين مستنيين الاوتوبيس فالاول بيسال هنعرف الاتوبيس ازاى التانى قاله بسيطه اللى هيجى يقف هنا يبقى اتوبيس قاله طب والكومسارى قاله: بسيطه اللى هيحط ايده على كتفك يبقى الكومسارى ...ندفعله الاجره فجه الاتوبيس ركبوا جه واحد حط ايده عليهم فطلعوله الاجره وبيدوهالوا.. فقالهم: انا مش الكومسارى انا ضابط بحريه.... قاللوا شوفت شورتك المنيله ..ادينا ركبنا باخره ----------------- مرة اتنين مساطيل قوي راحوا المتحف الاثري فشاف واحد منهم هيكل عظمي فكان مكتوب جنب الهيكل الف وستمية ق.م فقال لزميلوا ايه ق.م ديه قالوه التاني ده تقريبا رقم العربية الي داسيتو ----------------- مرة إتنين محششين دخلو قهوة وقعدوا قدام مراية فطلبوا إتنين شاى فواحد منهم بص فى المراية لقى إتنين قل للقهوجى خليهم أربعة ----------------- اتنين محششين سايقين سيارة بسرعة مرة يمين و مرة شمال ....لحقهم شرطي و وقفهم....قال الشرطي:رخصك؟....السايق مد ايده على جيبته....قال المحشش التاني:لا و الله ما بتدفع....المحشش الأول:اسكت انا اللي عازمك ----------------- اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر----------------- |
||||||||||
|
التعديل الأخير تم بواسطة ™SilverEye™ ; 31-08-2009 الساعة 10:19 PM
|
|
31-08-2009, 10:16 PM
|
#3 | ||||||||||
|
يوميات الكفار نيو قريش تعالوا مع بعض نشوف قريش المودرن جدآ - عمت صباحا يا ابا الحكم..الى اين انت ذاهب الليله - ساذهب مع الرفاق فى الوادى لنلعب البولينج- البولينج ؟؟ -ويحك يا رجل هل تركت العاب آبائنا من البلياردو و الفيديو جيم ؟ - اسكت يا صحصاح يا بن الكحكوح..تالله لاقلحشن راسك و ازفلطن فلنشاتك - اذن فهى الحرب - يا قوم .. يا معشر قريش.. يا معشر قريش - لقد صبأ الشعبان بن عبد الرحيم - لقد صبأ الشعبان بن عبد الرحيم - اين انت يا ابا جهل ؟؟ امازلت تاكل البيتزا مع شخلوله بنت الاقرع فى خزاعه -هت ؟ - لا يا رجل انه فى قريش مول..يلعب البلياردو مع المحمول بن العبيط - يجب ان اذهب له سريعا ايها العبد تامر...ايها العبد تااااااامر - احضر لى الناقه الفور باى فور - سيدى..لا يوجد فى الجراج الا الحمار الالى هل احضره؟؟ - و اين الناقه ؟؟ - ركبتها سيدتى زعزوعه و فعلت بها امريكانى فغرزت فى الصحراء - ويل لكم..و يل لكم - تيت تيت تييييت - ربى ما هذا الصوت ؟ اهو صوت سياره ابى لهب النيو ايز !! - لا يا سيدى انه صوت المحمول لقد انتهت البطاريه - اللعنه شيت .. و ماذا افعل مع الزمران بن طبله و كيف ارسل له sms أو مسد كول - ايتها الجاريه انجى يا انجججييييييي - نعم يا سيدى - اعطينى محمولك يا جاريه - لقد قطعت الشبكه يا سيدى..و انت تعلم انى اتعامل مع شبكه حمقاء - اعرفها انها شبكه ام نبيل الحمقاء- ششيت ششيت |
||||||||||
|
التعديل الأخير تم بواسطة ™SilverEye™ ; 31-08-2009 الساعة 10:20 PM
|
|
31-08-2009, 10:17 PM
|
#4 | ||||||||||
|
ومع زلك الصعايده بردوا اجدع ناس صعيدي اشترى بي إم دبليو بمواصفات خاصة ، فيها الكمبيوتر يصلح كل شيء من غير ما يروح التوكيل! حب الصعيدي يجربها فكسر الباب اللي ع اليمين، فرد الكمبيوتر: يا أيها الباب ارجع كما كنت ، فرجع الباب ، وكسر الباب اللي ع الشمال، فرد الكمبيوتر يا أيها الباب ارجع كما كنت!!! عجبته الحكاية قام جربها وطار من فوق الكوبري!! فرد الكمبيوتر: يا أيتها النفس المطمئنة ارجعي إلى ربك راضية مرضية ********* صعايده سمعوا عن اختراع أسمه السيفون حبوا يعرفوا هو إيه بعتو واحد منهم القاهرة لما رجع قالهم أما السيفون ده حتة اختراع يا رداله تدوس على السيفون تنزلك الميه ويا تلحق تشرب يا متلحقش... ********* صعيدي راح لدكتور بلدياته قاله يا دكتور كل أما أحط إيدي على عيني مشوفش... الدكتور خرمله أيده . ********* صعيدي عمل عمليه نجحت عملها تاني . ********* صعيدى عرف ان الجلد موضة مشى عريان . ********* صعيدى و صاحبه قاعدين عالقهوة بقالهم يجى ساعة ده يقوله دش والتانى يقوله لع ده دبش يقوله لع دش يقوله وانى بجولك دبش صاحب القهوة نادى عالصبى قاله روح يابنى شيل الشطرنج ده من ادامهم. ********* 10 صعايده بيتعلموا ربط الكرافتة 6 ماتوا و 4 في حاله حرجه. ********* صعيدي مات خبي على أهله . ********* صعيدى لقى كنز قال يابوى لسه هدور عالخريطة . ********* صعيدى طلع رحلة و قعد جنب السواق ، فالسواق نزل استراحة ورجع لقى الفتيس مش موجود قالوا الفتيس راح فين ... قالوا لجيتك طول الطريق عمال تشد فيه مش عارف تخلعه جولت اشلهولك . ********* واحد بلدياتنا دخل حمام افرنجي اخد معاه مترجم. ********* صعيدى واقف قدامه خمس شياطين واحد يوسوسله و اربعه يفهموه . ********* اربع صعايدة راحو يلعبو بلياردو، واحد منهم وقف فوق الطرابيزة وقال لهم انا الجوووون. ********* صعايده بيلعبوا شطرنج الملك مات مشلول . ********* مجموعة صعايده ماتوا غرقانين في غواصة بعد التحقيق في الحادث اكتشفوا أن واحد فيهم سمع خبط بره فتح يشوف مين . ********* صعيدي أشترى تاكسي كل لما حد يقوله تاكسي يقوله أيوه تاكسي. ********* صعايده بلعبوا على قهوة واحد قال كش ملك والتاني قال دبش والثالث راح واخد الكوتشينة وماشى . ********* واحد صعيدي ماشي في الشارع لقى قشرة موز ... قال ييييه حاتزحلق تاني!!. ********* واحد صعيدي بيدهن الحيطة ..قالوله حط جرنال تحتيك ..قالهم لأ أنا كده طايل كويس . ********* صعيدي وقع في حفرة حدفوله حبل طلع مشنوق . ********** صعيدي جاى ينزل من باب العربية لقي الدنيا بتمطر راح نازل من الباب التاني ********* بلدياتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة انجليزية من هناك عشان يعرف يتكلم انجليزى، راح فى الصباحية بيقولها: "إز مستر هريدى ذير؟" قالتله: "نجولو مين؟" ********* الواد: بتعمل ايه يابا؟؟ ابوه: بكتب جواب لعمك . الواد: هو انت بتعرف تكتب؟؟ ابوه: يعني هو عمك اللي بيعرف يقرا يا فالح . |
||||||||||
|
التعديل الأخير تم بواسطة ™SilverEye™ ; 31-08-2009 الساعة 10:22 PM
|
|
31-08-2009, 10:21 PM
|
#5 | ||||||||||
  
|
ههههههههههههههه ولله حاجه جامدا |
||||||||||
|
|
|
31-08-2009, 10:22 PM
|
#6 | ||||||||||
 
|
حلوه أنا أدخل كليه الطب و همه بيتحيلوه عليه لو جالى الامتحان ده أنا كنت لسه هعمل موضوع نقس الفكره بس مش نفس المحتواه |
||||||||||
|
|
|
31-08-2009, 11:58 PM
|
#7 | ||||||||||
 
|
عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده. مرة واحد كدااااااب قوي قاعد على القهوة مع واحد صاحبه وقالوا إن أبو جهل كان بيتعشى معاه أمبارح في البيت فرد صاحبه وقالو يا كداب أبو جهل مات من الف وربعميت سنه قام الكداب منادي على جاره قالوه مش أبو جهل كان بيتعشى معايا أمبارح جاره قال الكدب خيبه .... بس كان فيه عربيه راكنه هنا أمبارح نمرها ملاكي قريش واحد ركب اتوبيس.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: أبراهيم شرطه الصداقة بين النساء : لم تعد الزوجة بيتها ذات ليلة .. وفي اليوم التالي قالت لزوجها أنها كانت نائمة عند صديقة لها ..! اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك الليلة . الصداقة بين الرجال : لم يعد الزوج لبيته ذات ليلة ..وفي اليوم التالي قال لزوجته أنه كان نائماً عند صديق له ..! اتصلت الزوجة بأفضل 10 أصدقاء للزوج لتتأكد من صحة كلامه ... ثمانية منهم أكدوا أنه كان نائماً عندهم تلك الليلة .. فيما أقسم اثنان أنه لا يزال عندهم إلى الآن انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة . واحد بيقول لخطيبته لما ازمرلك انزليلي قالتله:انت جبت عربيه جديده ... قالها:لا جبت زماره ... مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا ال*** بتاع الفيات اللى بيرعشلهم وعايز يعدى منهم مرة واحد ندل ركب اتوبيس شاف واحدة قاعدة، بصلها بصتله، غمزلها غمزتله، قالها انزلي المحطة اللي جاية، نزلت راح قاعد مكانها مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد! مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها |
||||||||||
|
|
|
01-09-2009, 12:00 AM
|
#8 | ||||||||||
|
ايوه كده يا جدعان فرفشه وضحك مشكور يا لورد ياريت لو نعمل فيه مشاركات كتير وكده ويبقي في القسم قرفشه وكده |
||||||||||
|
|
|
01-09-2009, 12:25 AM
|
#9 | ||||||||||
|
اليسا وهيفاء وهبي ونانسي عجرم راكبين قطر وبيكلموا عن فارس أحلامهم إليسا قالت : نفسي أتجوز ضابط هيفا قالت : نفسي أتجوز صيني نانسي قالت : نفسي أتجوز لاعب كرة مشهور سمعهم واحد متطفل دخل عليهم وقالهم معاكوا العقيد شونج يونج الشهير بأبوتريكة قرار جمهوري الى كل المصريين تم تغيير تحية العيد من (عيد مبارك ) الى (يا جمال العيد ) وهذا يسري على جميع الاعياد الرسمية والدينية بدوي تزوج بدوية كتب الخيمة بإسمها فرخة اتجوزت فيل ..جابوا تـشكـِن فيليه مرة فار سكران على الاخر شافة قط جعان قعد يجرى وراة فعدت عربية بسرعة فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة) واحد سباك نفسه اتسدت غرقت الشقة واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر نذل يبكي في جنازة سألوه تعرفه ؟ قال: لا بس سمعت ان البكاء يعذب الميت مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟ المصري: فول بالزيت. الاسرائيلي: طب بتاكلوا ايه ع الغدا؟؟؟ المصري: فول بالطماطم. الاسرائيلي: أمال بتاكلوا ايه بقى ع العشا؟؟ المصري: فول بالبيض. الاسرائيلي (بتريقة): أمال ايه الفرق بينكم وبين والبهايم؟؟ المصري: سيناء مرة واحد دخل على مراته البيت لقى معاها راجل..قالها : و الله عال..النهاردة راجل...بكرة سجاير !!! بلديات فتح محل انابيب غاز .. فجّر اسطوانتين فى وسط البلد .دعاية تلاتة ركبوا طيارة ...واحد صعيدي و واحد فرنساوي و واحد امريكاني جت المضيفة :"تشرب ايه يا فندم" رد الامريكاني قالها اشرب مانجة يا مانجا و رد الافرنساوي اشرب فراولة يا فراولة و رد الصعيدي اشرب لبن يا جاموسة!!!!!! واحد من الشام راح لبنان و دخل علي محل مستحضرات تجميل و سأل البائع الشامي: بدي ( لبنان بو) البائع: شو ؟؟؟؟!! الشامي : بدي لبنان بو البائع: شو ها اللبنان بو الشامي : مبتعرف شو اللبنان بو!!! البائع: لا خيي مبعرف الشامي : غريبة عندنا بالشام في ( شام بو)!!!!! مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!! مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب بيقولولوا اهلك بيسلموا عليك نفر نفر وبيقلولك الصابون الى انت باعته بي*** الهدوم مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه اتنين بيدوروا على زوجاتهم فى السوق, فاتفقوا كل واحد يدور على مرات التانى , فاللبنانى بيوصف زوجته للصعيدى وقاله: شعرها أصفر وعيونهازرق وقوامها سامبتيك , ها وشو أوصاف زوجتك؟ رد الصعيدى وقاله: سيبك من مراتى ويلا بينا ندور على مراتك واحد راح يعزى رجع من العزا, مراته بتقوله عزيت؟؟ قالها لأ ع السمنة مرة واحد بلديتنا خرج من محطة مصر لقي بتاع الانابيب بيخبط قاله افتحلى وحدة بس تكون سقعة واحد هو وابنة مش عارفين ايه هو الاسانسير , كل شوية يشوفوا الحيطة بتفتح و بتقفل ,المهم شافوا ست عجوزة دخلت جواه وداست على الزر وطلعت بعد شوية نزل الاسانسير واتفتح خرجت منة شابة جميلة ..فقال لابنه :روح هات امك هنا واحد بلدياتنا اتعزم فى حفلة تنكرية قام غسل وشه ومرة مدرس بيسأل تلميذ المدرس: الثعلب يا حبيبى بيبض ولا بيولد التلميذ: أصل التعلب ده يا استاذ مكار وممكن يعمل أي حاجة واحد بيسأل خطيبته : حد قبلى لمسك ؟ سكتت قالها : زعلتى قالت له : بأعدهم صعيدي سألوه ماهو السيفون؟؟ قال:صندوق بحبل لما تشده يا تلحق تشرب يا متلحقش مره واحد سواق قلبه وقف نزل يزقه صعايدة بيكتبوا محاضرة مع الدكتور كل ما يمسح السبورة يقطعوا الورقة صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع رئيس عربى فى مرض الموت قاله السكرتير الشعب جاى يودعك يا ريس قال الرئيس ليه هو الشعب مسافر ولا إيه واحد محشش راح يخطب واحده .. ابوها قاله:" انا عليا الشقة.." رد عليه وقاله :" وانا عليا البنات والبيره !" مسطول راح المحكمة القاضى بيسأله انت متجوز مين؟ قاله:متجوز واحدة ست القاضى قاله انت هتهرج؟ أمال فى حد بيتجوز راجل؟ قاله:اه اختى حشاش بيقول لصاحبه: انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك صرصور بيقفز (بينط) من بلوعه لبلوعه ليه ؟ بيوزع جرايد اتمنى انه النكت تعجبكم وتفرحكم مرة واحد بلدياتنا ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة ------------------------- مره واحد بلديتنا كان بيدق مسمار فى الحائط فالمسمار وقع منه فقال له :تعالى مجاش, فقال له: تعالي مجاش. فراح بلديتنا رامي على المسمار شوية مسمامير وقال: هاتوه. --------------------------- اربعه بلدياتنا بيلعبو علي الطريق السريع الي العربيه تخبطه مرتين يطلع بره -------------------------- واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد ------------------------- جماعة بلدياتنا عملوا أتوبيس بالعرض عشان يركبون كلهم قدام ------------------------ مرة واحد بلدياتنا عرف ان الجلد موضة مشى عريان ------------------------ واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور ------------------------ مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه" ------------------------ صعيدي عايز يعمل عمليه انتحاريه عمل بروفة قبلها بجمعه ----------------------- واحد بلدياتنا واقف قدامه خمس شياطين .... واحد يوسوسله و اربعه يفهموه ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى __________________________________________________ ___________ مسطول لابس جزمة ، فردة بيضة والتانية سوده .... قابله مسطول تاني وقاله: "ايه ياواد الجزمه الشيك دي. راح المسطول الاولاني حط رجل علي رجل وقاله: وشرفك إنت.. عندي جوز جزم تاني فى البيت شبهه بالظبت __________________________________________________ _____________ جماعة بيحششوا ... فجت كبسه... كل واحد اسـتخبه في شوال جه الظابط ضرب الشوال الاول برجله خرج واحد منهم و اعد يكاكي وعمل نفسه فرخه ضرب التاني خرج واعد يدن وعمل نفسه ديك ضرب التالت مخرجش ضربه تاني مخرجش ضربه جامد المره دي خرج وقال له شوال بطاطس بطاااااااطس انت مابتفهمش __________________________________________________ _____________ جماعة مساطيل بيتفرجوا على الاخبار .... فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة؟ فراح التانى رد عية وقال معلش اصل شكلها كدة النهاردة اخر حلقة __________________________________________________ _____________ مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه __________________________________________________ _____________ مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة __________________________________________________ _____________ مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية __________________________________________________ _____________ مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني بيقولوا لا انا الي شايفك تلاته فقالوا الاول لا انا الي شايفك اتنين المهم قالوا خلاص احنا نروح لشيح المساطيل فقال خلاص نروح لشيخ المساطيل فراحوا وعرضوا عليه المشكله. فقالهم خلاص اصحاب المشكله يقعدوا على جنب والباقي ده كولوا يروح __________________________________________________ ____________ سكران بيقول سبحان الله الانسان زي البني ادم لما بيتوفى بيموت __________________________________________________ ____________ اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر __________________________________________________ ____________ فار محشش قال : كل القطط تحت جزمتى لقى وراه قط اسود قال الا ابو سمره حبيبى __________________________________________________ ____________ واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا جايين ننشنق ولا جايين نلعب __________________________________________________ ____________ واحد مسطول بيسال صاحبه المسطول ايه اسماء اخوتك الشباب؟ قاله:كلهم محسن الا ادهم اسمه تامر __________________________________________________ ____________ واحد مسطول دخل مطعم وقال لصاحب المطعم عندك حلقات بصل قاله صاحب المطعم ايوه فقاله ادينى الحلقه الاخيره __________________________________________________ ____________ مرة اتنين مساطيل قاعدين فالاول بيقول للتاني هو النهاردة السبت ولا الاحد قام التاني قائل له لا الاتنين ....قام الاول قاله.... جايين مع بعض __________________________________________________ ____________ مره واحد بيحشش بيقول لصحبه امبارح جيت اسحب نفس قالوا لى ملكش رصيد __________________________________________________ _________ مرة واحد بخيل جدا تزوج راح يقضى شهر العسل وحدة __________________________________________________ _________ اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله دة باين مافيش حد.. قاله إزاى ده النور منور __________________________________________________ _________ واحد سكران كان بيعاكس وحدة وحشةاوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوء بكرة وانتي __________________________________________________ _________ سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه __________________________________________________ _______ واحد سكران فتح التلاجه وبص للجلي ...وجده بيرتعش :قالوه متخفش هاخد عصير __________________________________________________ _______ واحد سكران اتصل على مصر للطيران بيسأل الرحله من القاهره للندن هاتخد اد ايه فرد عليه الاستعلامات وقاله ثانيه قاله السكران طب شكرا __________________________________________________ _______ مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة) __________________________________________________ _______ مرة واحد مسطول وقف تاكسي كان سواقه برده مسطول قاله تاخد كام وتوديني فين قاله هات اللي تجيبه وانزل هنا __________________________________________________ _______ واحد مسطول راح مطعم وقال لصاحب المطعم سندوتش طعمية من غير سلطة.. صاحب المطعم كمان مسطول قال له من غير سلطة ايه؟ قال له : من غير سلطة قوطة - صاحب المطعم : ماعنديش سلطة قوطة اعمله من غير سلطة طحينة؟؟؟ __________________________________________________ _______ مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش __________________________________________________ _______ جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس |
||||||||||
|
|
|
01-09-2009, 12:50 AM
|
#10 | ||||||||||
  
|
الله الله انتوا قلبتوا المنتدى قهوة بقى طيب انا حعديها المرادى بس عشان الحاج طاهر الى سمع كلامى و رجع المنتدى تانى |
||||||||||
|
|
|
01-09-2009, 01:04 AM
|
#11 | |||||||||||
|
اقتباس:
|
|||||||||||
|
|
|
01-09-2009, 12:58 AM
|
#12 | ||||||||||
|
يا عم اتفرج على النكت بس و انت تعرف انها مش قهوة دى ................. |
||||||||||
|
|
|
01-09-2009, 02:42 AM
|
#13 | ||||||||||
|
دة اخرو قرفة اصلو مش عجبو الموضوع و مش عايز يضحك ياض اضحك كركر اوعى تفكر ولا هتنيم مقروف كدة و على راى المعلم stars_2 الشاى على حسابى انا ولا تيجى نلعب PVP على المشاريب |
||||||||||
|
|
|
01-09-2009, 02:44 AM
|
#14 | ||||||||||
|
تانى pvp انت مش بتحرم من اخر مرة |
||||||||||
|
|
|
01-09-2009, 02:48 AM
|
#15 | ||||||||||
|
انا بردو انا فاكر اخر مرة لما طلعت فيك 24 الف يا لول انا هنام دلوقتى و بكرة اكمل فضحتك |
||||||||||
|
|
 |
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| بجد بجد بجد 5 فرفشه | cotta | بـعـيـدآ عـن سـيـلـك رود | 47 | 30-01-2015 08:40 AM |
| `·.¸¸.·¯`··._.· ( حبه فرفشه) `·.¸¸.·¯`··._.· | mizo82 | Feronia | 6 | 16-07-2011 08:49 PM |
| `·.¸¸.·¯`··._.· ( حبه فرفشه) `·.¸¸.·¯`··._.· | mizo82 | Minerva | 3 | 30-06-2011 02:03 PM |
| ***فرفشه*** | kingragab | صـور سـيـلك رود | 14 | 15-07-2010 05:12 PM |
.gif){kind=icon}
العرض المتطور
