المفروض يتغير اسمها ويكون جولد بوت مش سلك رود

[bird-m00n]

اللعبة اصبحت لعبة متخلفة لحد بعيد اوووووووى انا كنت بفكر اشحن سلك وادخل بريميم بس علشان كنت بحب اتقابل مع ناس واتعرف على ناس ونعمل حاجات كتير مع ناس زى زيهم لكن دلوقتى بقعد اكافح علشان ادخل الجيم وفى الاخر ادخل كل اللى اقابله مجرد جولد بوت يعنى بحس انى انسان لوحدى فى غابة يعنى اصبحت زيها زى اى لعبة عادية مش اون لاين ولا حاجة اكبر ميزة فى الالعاب الاون لاين انك تقابل ناس وتتعرف على ناس وتلعب مع ناس مش تلعب مع برامج بجد بجد
غير اسم الجيم يا جى ام وكلها كام شهر واتحداك لو كانت اللعبة دى موجودة اصلاً ولا حد بيفكر فيها وهاتطلع لعبة تانية احسن منها وهتاخد منها الاضواء مش علشان هيا لعبة اجمد ولا حاجة عبس علشان هايكون فيها نظام كويس المفروض اللعبة دى للاشخاص مش للبرامج

معلش انى اتكلمت فى حاجة مش من حقى ودى حاجة تخص شركة الجوى ماكس بس كان فيه حاجة جوايا عاوز اقولها وقولتها

[gamygamal]

1:- غلط تكون فى اى لعبه اون لاين اى برامج علشان كده الواحد مش بحس انها للعبه كله واخدها تحدى
2:- اللعبه جامده اوى بس الجولد بوت كتير اوى لو كانو نزلو بس بسيط يبقى حاجه مفيش زيها


كل سنه و انتم طيبن

[البرنس u]

يا عم ان شاء الله الجولد بوت ياخد بلوك قول يا رب

[ALEX_MOON]

انشاء الله يروحوا فى داهية حىىىىىىىىىى

[Mr-Matrix]

هههههههههه

جامدة فعلا وانا اول واحد يؤيدك في الاسم ده وانا هحاول ابعت لجوي ماكس واقولها تغير الاسم :)

[bird-m00n]

الناس اللى بتقول الجولد بوت ياخدوا بلوك ده مش هايحصل اللعبة بقت ملكهم خلاص فانسيبهالهم ويشوفوا هايبيعوا الجولد ده لمين بقى ان شاء الله يبيعوه لنفسهم

[Captin_tifa]

المشاركة الأصلية كتبت بواسطة bird-m00n عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الناس اللى بتقول الجولد بوت ياخدوا بلوك ده مش هايحصل اللعبة بقت ملكهم خلاص فانسيبهالهم ويشوفوا هايبيعوا الجولد ده لمين بقى ان شاء الله يبيعوه لنفسهم

والله كلامك 100%

[™_King_Redsea_™]

عندك حق ولاهي بس هنعمل ايه :dizzy1: بس تصدق ينفع اسم فيلم ههههه

[Anac0nda]

ههههههههه
يا جدعان للاسف فى مليون موضوع عن الجولد بووت
و اجنا مهما نتكلم او نبعت رسايل لجوى ماكس
مافيش اى حاجه هتتغير
للاسف مافيش فايده

[bird-m00n]

اناكوندا انا مش بقول اننا هانغير بس بقول انهم اللى يغيروا اسم اللعبة بئه ويخلوها جولد بوت بدل سلك رود واهو الاسمين قرييبين من بعض بس علشان ما يشغلوش بال الناس وان شاء الله فيه لعبة جديدة هتاخد مكانها حتى لو كان الجرافيك بتاعها مش زيها بس هاتوفى بمتطلبات الناس كمان لو جوى ماكس مفكرة ان البريميم هو اللى هايكسبهم يبئوا غلطانين ده لو سابوا اللعبة دخولها سهل الناس هاتشحن سلك علشان امتيازات تانية اكتر وبكده بدل ما مليون هايشحن سلك هايكون 5مليون بيشحنوا لان الخمسة مليون بيقدروا يدخلوا مش اللى بيدخل البريميم بس وقريب اوووووى ان شاء الله هاتنتهى اسطورة سلك رود ولعبة تانية هتاخد مكانها وهاتكون احسن ووقتها هاتحس جوى ماكس انها غلطت فى وقت مش هاينفع فيه الندم وانا لو على جثتى مش هاشحن سلك غير علشان امتيازات تانية مش علشان ادخل بسرعة

[RaaMaaH]

انا عندي حل بس ايييييييية ... لو يتنفذ صح
والله و الله و الله ... تبقى اجمد ضربة لجوي ماكس
و بعد كدة هيمشوا على كلامنا زي الكلاب
احنا نعمل اضراب .... اه اضرااااب ... بس استنى
مش قصدي ان كام واحد فينا يبطل يلعب يومين ..و شكرا
لا ... انا في دماغي حاجة تاني خااالص .. حاجة عالية اوي
احنا لو هنعمل الفكرة دي .. يبقى الاول عايزين نتفق كلنا اننا هنفذ مع بعض عشان تكون حاجة مؤثرة لازم يكون عددنا كبير
مش كدة و بس .. احنا كمان نكلم كل صحابنا في اللعبة الي مش معانا على المنتدى هنا و نعرفهم الفكرة (كل ده لو حبينا ننفذها يعني)
و كلنا نتفق على يوم نبطل فيه اللعبه و كلنا نبعت لجوي ماكس على السايت بتاع سيلك رود .. اننا عاملين اضراب عن اللعب تماما لحد ما يلاقوا حل لمشكلتنا و لحد ما يغيروا سياسة اللعبة .. اللي بقت مستفذة و مقرفة جدااا

انا عارف اني بحلم طبعا بس الحلم مش عيب ولا حرام

و اخيرا .. مساكم زي العسل انشاء الله

[Zero_Code]

ربنا يصبرك وتدخل اللعبة بسرعة او تلاقي لعبة احسن

[bird-m00n]

RaaMaaH

والله والله يا مان انا مقتنع بكلامك مليون فى المية ولو عاوزين نمشيها على مزاجنا لازم فعلاً اضراب وزى ما انتا بتقول لازم نكون عدد كبير مش قليل وانا معاك ومتفق معاك مليون فى المية وانا معاك فى اى وقت وياريت الفكرة دى تتنفذ مش هانخسر حاجة لو مالعبناش كام يوم بس هانكسب لو اتنفذت صح وعملوا اللى احنا عاوزينه وياريت حد من ادمين المنتدى يتبنى الفكرة ويبدأ بتنفذيها وانا اول واحد معاه ووراه فى اللى هايقوله بجد

[Titanic]

اه والله اللعبة بقى شكلها مقرف من جوه , الواحد بيخش بيلاقى جولد بوت

فى كل حته واساميهم شكلها تقرف , زى اما يكون كائنات غريبة موجوده

فى اللعبة , وبالتالى اللعبة متعتها قلت جدا , سلك رود زمان كان الواحد

بيخشها وبيلعب ويستمتع بجد ويتعرف على صحاب كتير والله كانت ايام ,

اما دلوقتى انت تخش وتلعب وفين وفين عبال اما تلاقى واحد تتعرف عليه

كله جولد بوت حقير , والله شركة جوى ماكس ابدعت لمه عملت لعبة

زى ديه , واتهبلت لمه عملت اللى بتعملو ده , لان اللعبة زمان كانت

بتحمل معنى اللعبة الاونلاين فعلا فى كل حاجة , اما دلوقتى استغفر الله العظيم

[RaaMaaH]

المشاركة الأصلية كتبت بواسطة bird-m00n عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

RaaMaaH

والله والله يا مان انا مقتنع بكلامك مليون فى المية ولو عاوزين نمشيها على مزاجنا لازم فعلاً اضراب وزى ما انتا بتقول لازم نكون عدد كبير مش قليل وانا معاك ومتفق معاك مليون فى المية وانا معاك فى اى وقت وياريت الفكرة دى تتنفذ مش هانخسر حاجة لو مالعبناش كام يوم بس هانكسب لو اتنفذت صح وعملوا اللى احنا عاوزينه وياريت حد من ادمين المنتدى يتبنى الفكرة ويبدأ بتنفذيها وانا اول واحد معاه ووراه فى اللى هايقوله بجد

والله ياريت حد من الادمين يرد علينا و لو الفكرة عجبته اعملها موضوع استطلاع و لو الناس موافقة عليها تتنفذ علطـــــــــــــــووول