ربما تكون كذبة أو أضحوكة ولكنى أتمناها رؤية

[Eslam_lover]

اتمنى بجد من كل قلبى ان الكلام دة يكون فعلا حقيقة وواقع عن نية قلب غاضب ومستاء من اللى بيحصل حولينا

مش يبقى كلام بيتقال على الفاضى زى ما تعودنا .


بس بجد اتمنى انها تكون حالة من الفوقان بعد رحلة طويلة من النوم
وأتمنى شيئ أخر ولكن من بلدنا نفسى فى راجل كدة بس يكون دكر ويقولى خد سلاح الحرب قامت

ولكن هذا الكلام أصبح حلما كثير منا يريد تحقيقة وكثير منا يتمنى تحقيقه وكثير يرى ان ما يحدث فى مصلحة مصر ويحمى امن مصر وإقتصادها وان لا داعى لاى حرب طالما مفيش شبر واحد من مصر محتل ولكن دعونا نتفق ان كل مايحدث يغضب الله الذى امرنا بالجهاد فى سبيله والدفاع عن الإسلام والدولة الإسلامية , فاليوم الدين يهان والقصى يهان والعرب المسلمون يهانو ويصفهم الغرب دائما بالتخلف والجهل .


واللى يضايقك اكتر انك تلاقى واحد لسة بيتكلم عن ماتش الجزائر يا عم أقعد ساكت حرام عليك فوق بقى من اللى انت فيه انت مش عارف أية اللى بيحصل حواليك ولا عارف هم بيخططوا لأية يمكن تزهل انى أقولك إن اللى بيحصل دة مخطط او بالعربى كدة أجندة مكتوب فيها كل اللى عايزين يعملوه من اكتر من 100 سنة يعنى هما مش بيعملو حاجة غلط خالى بالك دة كل حاجة مدروسة ومتخطط ليها والله انت على نياتك اوى ولو عرفت اللى فيها على رأى تامر حسنى هتموت غصب عنك من عبطك وهبلك وضعف موقف وضعف شخصيتك بدل ما تتكلم عن الماتش يا باشا روح اتحالف مع الجزائرى وكونو جبهة وأعملو جيش وأية يعنى لما نهزم وبعدين أصلا مين أجزم اننا هنهزم يا عم دى مصر لما راحت هى وسوريا ومش عارف مين فى 48 اتهزمو بس انا بقول عليهم رجالة مها حصل على الأقل حــــــاولو

إنما للأسف احنا المصريين والدول العربية عندنا حالة من اليأس النفسى يعنى عندنا ثقة تامة بأن الحرب تعنى الهزيمة ولا نذكر النصـــــــــر أبدا دة إحنا حتى لانذكر الله , اه انا معاك احنا بنذكر الله بس واحنا قاعدين فى البيت طيب انت عايز ربنا يعملك أية ربنا قال خدو بالأسباب يعنى لما تتعب ويجيلك مرض مش تقعد فى البيت وتقول يا رب أشفينى طب هيشفيك إزاى وانت مش عايز تاخد بالأسباب (يعنى تاخد أدوية وتروح لدكتور) , يعنى مش تقعد طول السنة تلعب وتصيع وتقول يا رب أطلع مهندس طيب أزاى يا أهبل انت عملت أية علشان ربنا يشفيك ولا علشان يطلعك مهندس .


تلاقى الناس بتدعى وتقول يا رب ورينا معجزاتك وهى قاعدة فى بيوتها طيب ازاى اتحرك اتحرك اتحرك علشان ربنا يقف معاك فعلا اسعى اسعى اسعى بطل اللى انت فيه بقى هو انت هتعيش كام سنة يا عم الحاج الرسول عليه الصلاة والسلام لما كان بيدخل غزوة مكنش بيفكر فى عدد الجيش اللى قدامو ولا فى قوتهم مع إنهم كانو أقوى فعليا من المسلمين , ولكن السبب فى النصر هو إعلاء كلمة "نصــــــــــرة الإسلام والمسلمين ونصرة الحق" دون التفكير فى شيئ اخر هل دلوقتى فى حد بيفكر فى كدة لا دلوقتى بيحاربو بفضل أسلحتهم طيب نفرض إن احنا معناش سلاح نقعد نلطم زى الستات والله عيب عليكم والله العظيم عيــــــب انا حزين جدا , راح زمن الخير راح زمن البركة راح زمن الرجولة ودلوقتى زمن المصالح يعنى لو مصلحتى مع عدوى ابقى معاه حتى لو شتم دينى حتى لو شتم امى طالما هيدينى فلوس ومصالح يبقى طظ فى أى حاجة تانية , لييهم حق والله طالما معاهم سلاح أجمد من النووى سلاح القلم والصحافة والإعلام والرياضة والحرب على الإرهاب يكفى انهم لعبوا بينا دول غيروا تفكيرنا وإتجهاتنا دة حتى غيرو معتقداتنا وبقينا كل يوم نسمع عن دين جديد نزل السوق بضمان مدى الحياة . !!!!!

طيب حنا منتظرين أية بجد حد يرد عليا طيب انا هديك اختيارات :

1- تجاهد فى سبيل الله وانت فى أيدك الفرصة

2- ولا تنتظر الفرج من عند ربنا لحد ماييجى عدوك يقتلك فى بيتك وانت معندكش القدرة على الدفاع

يجب ان تعلم يا اخى ان الدول الكبيرة زى ما بيقولو فى تفكيرها انها تبيدك وتمسحك من على وجه الأرض عارف ليه ؟

لأنهم بكل بساطة معتبرينك *** وحقير وملكش أى لزمة وانت عايش بس لمجرد انك تخدمهم وانت بالنسبة لهم مبتفهمش وجاهل بدليل ان كل اللى بيطلع و شأنة بيعلى بيخطفوه قبل ما دولتة تستفيد منة ولو سيادتة بيحب مصر ومش موافق يبقى لازم يموت اه امال أية يعيش يعمل اية !!!!!!!!


نفسى أفهم انت مستنى إن الدور ييجى عليك لازم تعرف يا غبى إن الدور عليك محدد ومخطط والله وليه وقت كمان بس هى سياسة بيضحكو علينا يعنى منتا فاهم يا باشا .


ممكن اسألك سؤال :
دلوقتى لو حرامى دخل عليك البيت بسلاح وداخل هيموتك يعنى انت ميت ميت هتعمل أية ؟

1- هتستسلم وتقول انك كدة كدة ميت ميت وتستنى يدخل اوضتك يموتك
2- تسترجل وتقول يا عم اهى محاولة وربنا معايا دنا معايا الحق ولو مت مش مشكلة ابقى مت فى سبيل الله

ايهما تفضل وايهما تختار يجب ان تعلم ان هذا المثال مطبق حاليا ولكن بطريقة سياسية حبتين .

عارفين الزمن اتغير امتى وليه ؟

اقولكم انا
1- من ساعة لما بقى كل واحد ملوش دعوة غير بنفسة
2- من ساعة لما بقى الواحد بيقفل باب شقتة والعالم اللى برا دة خارج نطاق الخدمة
3- لما الفلوس بقت هى اهم حاجة فى حياتنا
---------------------
اه يا زمن اه !!!!!
انا بتفرج على عروض الصعقة المصرية والقوات الخاصة كنت شايف قدامى رجالة عارفين يعنى أية رجالة كنت شايف قدامى ناس مش خايفة من حد قد ماهما خايفين من رب العرش العظيم شفت رجالة روحها على كفها شفت رجالة مستعدة للدفاع عن الدين والوطن حتى لو حطيت فى وشهم صاروخ يا ريتنى اكون زيهم ياريتنى كنت بتفرج العروض دى وأشوف شجاعة اقسم بالله إنى عمرى ما شفتها فى أى حد انا جسمى بيقشعر لما اتفرج عليها والله فين زمن المقاومة الشعبية فين لما كان واحد ممكن يقف قدام الإنجليز بجلالة قدرهم ولا واحد زى صلاح الدين اللى قهر دول كاملة .
__________________________________________________ _____________

انتو عارفين فى ناس بتقول اننا الأحسن اننا نعيش مسيرين وليس مخيرين علشان دة مصلحتنا
__________________________________________________ _____________

أرجو إن الناس تفوق وتسترجل معلش فى الكلمة أرجو إتخاذ قرار حازم فعليا من الحكومة يا جماعة دة احنا حتى معملناش أبسط الحاجة ممكن نقدمها دة العلم الإسرائيلى بيرفرف على سطح عمارة داخل أرض مصر

طيب ما دة معناه اننا معترفين بالكيان الصهيونى بس للأسف هنفضل برضو زى محنا ونستنى الطرف الأخر هو اللى يتصرف بقى ويخلصنا من القرف دة ولا انتو مش معايا

--------------------------------------------

[PaRKouR MaN]

شكرا يا مان موضوع مميز

[Wise Knight]

موضوع روعه تسلم

[DeadlY_Wave]

شكرا

[alex_staf]

شكرا ليك
و الي في البلد دي بق و بس يعني كلام اه فعل مفيش

[Eslam_lover]

شكرا ليكم لكن بجد والله فعلا انا بالعربى كدة متغاظ ومحروق من اللى بيحصل بس المشكلة مش عارف اعمل أية

ادعى زى ما بيقولو ولا أعمل حاجة انا وانت وانتى وانتم كلكم

يا باشا الموضوع بخلاصة بقى عبارة عن حرب نفسية بمعنى أصح أن الشعب العربى بأكملة بما فيهم مصر مهزومين نفسيا سواء من أمريكا او اسرائيل يعنى الهزيمة من قبل ما تحصل فعلا موجودة جواهم طب هننتصر إزاى

الواحد كأنة فى فيلم رعب خايف يروح اوضة معينة علشان خايف مع ان لو دخل الاوضة ممكن ميلاقيش فيها حاجة يا رب الناس تكون فاهمة

[HeeMa]

تسلم ايدك

[Eslam_lover]

شكرا للردود الجميلة واتنمى اى حاجة تحصل بس تبقى بجــد