Important Info Of Character Items From A To Z

[NightMare321]

السلام عليكم ورحمة الله وبركاته
طبعا اسم الموضوع غريب شوية بس انا ملقيتش الا التعبير ده كاسم للموضوع وللعلم ده اول موضوع بيتكلم في الجزئية دي في اي منتدي عربي وانا عامله عشان منتدانا الجميل يفضل دايما الاول :)
موضوعنا هيتكلم عن المصطلحات والقيم العددية اللي موجودة علي اللبس والاسلحة لكل شخصية بحيث تقدر تعرف ازاي تختار وتفرق بين الاسلحة واللبس وايهم افيد واقيم ليك اثناء البيع والشراء والموضوع ده محدش اتكلم فيه قبل كده فاتمني انه يعجبكم ويحوز علي رضاكم ويكون مفيد ليكم نبدا باذن الله

اولا انواع اللبس
اللبس في سيلك رود هو عبارة عن نوع من التدريع للشخصية عشان تحميها من هجمات الاعداء يعني (Armor) طيب دلوقتي احنا عندنا في الجيم 3 انواع من التدريع (اللبس يعني)

1-Armor وده بيدينا اكبر كم ممكن من الحمايه كPhysical Defense وكم قليل من الMagical Defense

2- Protector وده بيدينا حمايه اقل من الArmor من حيث الPhysical Defense ولكن اكتر منه من حيث الMagical Defense ولكن هناك ميزة في هذا النوع من التدريع وهي انه يعطي نسبة من الخفة في التحرك وتقليل في استهلاك الشخصية للMP بنسبة 10% بمعني انه اذا كانت الاسكيل المستخدمة هتاخد مننا 100 نقطة فلو كانت كل لبسك وده شرط كل اللبس من النوع Protector فهتاخد بس منك 90 نقطة بدل 100 وايضا تزيد سرعتك في الحركة بنسبة 10% زي مقلنا قبل كده وطبعا ممكن تقدر تلبس بعض القطع من الProtector مع الArmor ولكن هتفقد ساعتها الميزتين دول الخفة والتقليل في استهلاك الMP

3- Garments وده مينفعش يتلبس غير الطقم كله نفس النوع يعني مينفعش اشكل جزء من هنا وجزء من هنا زي النوعين اللي فاتوا وهو بيدينا نسبة من الPhysical Defense قليلة ولكن نسبة الMagical Defense عالية جدا وبالطبع هو خفيف جدا عشان كده بيدينا ميزة مضافة وهي انك بتكون اسرع بنسبة 20% وبتقلل في استهلاك الMP بتاعك برضه بنسبة 20% بمعني لو الاسكيل بتاخد 100 نقطة هتاخد لو لابس الطقم ده 80 نقطة فقط .

دلوقتي بقي نروح لنقطة مهمة جدا وهي الStats بتاعه اللبس عموما ومن هنا نقدر نحدد ليه ده هيبقي احسن من ده وليه ده اغلي من ده وعلي اي اساس اقدر اقول كده

طبعا اللبس عموما فيه خصائص كتير جدا نقدر نتكلم عليها بس فيه خاصية مبنتكلمش عليها كتير ومفهومها مش واضح لناس كتير الخاصية دي هي Parry Ratio وعشان نفهم معناها هنحط مثال نمشي عليه ومنه نستنتج وظيفتها وفي الثال عندنا اتنين بيلاعبوا بعض واحد مهاجم والتاني مدافع
لو افترضنا ان المهاجم بيضرب Physical بمتوسط قوة سلاح من 100~ 150 لو المدافع مش لابس حاجة خالص هتيجي فيه الضربه من 100~ 150 يعني متوسط الضربات 125 طب لو لابس لبس بمتوسط دفاع مثلا 50 يبقي الضربات هتيجي فيه من 50~ 100 بمتوسط 75 لغايه دلوقتي الكلام عادي جدا وملهوش علاقة بالخاصية اللي عايزين نتكلم عنها

تعالوا بقي نشوف العلاقة بتاعتها هنا ومش هي بس لا وخاصية كمان موجودة علي الاسلحة اسمها Attack Rating

لو افترضنا ان المهاجم عنده Attack Rating علي السلاح 100 وان المدافع عنده علي لبسه مجموع Parry Ratio 100 يعني الاتنين زي بعض هنلاقي ان برضه الضربه بتيجي بمتوسط 75 علي المدافع زي مهي طيب لو خلينا المدافع عنده Parry Ratio 150 والمهاجم الAttack Rating بتاعه 100 والضربات من 50~100 هتلاقي لما بتضرب بيحصل عمليه مفاضلة زي (ملك وكتابه عندنا :)) يكسب فيها المدافع بانه هتيجي فيه الضربه بس متزيدش عن المتوسط بتاع الضربات اللي بتيجي فيه بمعني اخر

لو الAttack Rating اكبر من ال Parry Ratio تبقي المفاضلة ناحية المهاجم وتيجي في المدافع الضربات بحيث متزيدش عن اقصي حد ليها يعني من 75~100
ولو الAttack Rating اقل من ال Parry Ratio تبقي المفاضلة ناحية المدافع وتيجي الضربات فيه بحيث متزيدش عن الحد القليل ليها يعني من 50~75

دلوقتي ندخل علي جزئية اخري وهي فائدة ال Physical Reinforcement & Magical Reinforcement

فايدتهم انهم بيحددوا المستوي اللي الMagic Attack & Physical Attack بياخدوه وده بتلاقيه ظاهر لما تكون جايب فرضا سلاحين ليهم نفس ال Physical Attack Power & Magical Attack Power والخاصيتين دول مختلفين نلاحظ انه كلما زادت الخاصيتين في قيمهم بنلاقي انك قوتك بتزيد والمعادلات اللي نقدر نحسب منها الكلام ده هي

Physical Attack=((Str * Physical Reinforcement) + Physical Damage) * (1+(Weapon Mastery Level)/100)

Magical Attack=(Int * Magical Reinforcement )+Magical Damage طيب هنقول ليه المعادلتين مختلفين شوية كده او ليه حطينا الماستري بتاعت السلاح ومحطناش الماستري بتاعت الماجيك المستخدم سواء فاير او كولد او لايت هقولك لان اللعبة متعرفش اللاعب بيلعب بانهي واحده فيهم من الاساس فيهم لانه ممكن تلعب باسكيلات الكولد وتكون الImbue بتاعتك فاير مثلا او لايت فده تاثيره هيكون في ال Damage بتاعك علي الوحش مش في قوتك الاساسية والDamage اصلا بيعتمد علي حاجات كتير زي البفات بتاعك والاسكيلات اللي هتضرب بيها قوتها قد ايه ودفاع الخصم ولفل الخصم ولفلك انت شخصيا

وطبعا خد بالك لما تيجي تحط القيمة بتاعت الReinforcement انك تقسمها علي 100 لانها القيمة بتبقي %

طيب ده بالنسبة للسلاح طب واللبس ايه فايدته فايدته في انه بيديك حماية اضافيه يعني تدريع اضافي طبعا السؤال ازاي هقولك تعالوا نشوف المعادلات الجاية وبعديها نتكلم تاني :)

Bounce Physical Def (For each Part of Set) = Physical Reinforce * Str
Bounce Magical Def (For each Part of Set) = Magical Reinforce * Int

يعني القيمة المضافة للدفاع بالنسبة للPhysical Defiance عبارة عن مجموع الاضافات لجميع القطع ونفس الشيء بالنسبة للMagical Defiance

Total Physical Def = Sum of Defenses of All Set Parts + Bounce Physical Def
Total Magical Def = Sum of Defenses of All Set Parts + Bounce Magical Def

يعني بجمع كل الDef اللي علي اللبس والزيادة المكتسبة من الReinforcement وهتبقي ده الدفاع بتاع الشخصية

دلوقتي نروح لخاصيتين كمان موجودين علي الاكسسوارات بتاعه الشخصية ساعات مبنهتمش بيهم وهما
Physical Absorption & Magical Absorption

ودول عبارة عن ممتصين للضربات بتاعه الخصم عليك يعني هما مش دفاع لو افترضنا ان اللي قدامك ضربته مثلا 1000 وانت دفاعك 200 يبقي هتاخد منه الضربه ب 800 لو افترضنا ان انت اكسسواراتك بتعمل امتصاص بمقدار 50 فانت هتظهر قدامك انك مضروب 800 بس التاثير الفعلي هيكون 750 عشان كده اسمها ممتصه الضربات وعشان كده في اللفلات العالية الناس بتهتم بيها جدا وتحاول تعليها علي قد متقدر لانه محتاج كل حاجة تخليه يقدر يطول اكتر في المعركة

وبكده الموضوع خلص وتم الحمد لله وللعلم الموضوع مش منقول ولكن هو خلاصة ابحاث علي المواقع الاجنبية بحيث اني كنت اقدر اطلعه بشكل مبسط علي قد مقدر واتمني انه ينول رضاكم ويكون مفيد ليكم اثناء عمليات الشراء والبيع والمفاضلة مبين القطع لانك كده تقدر تعرف قبل متشتري اي قطعه هي هتاثر علي شخصيتك في ايه وهتفيدها في ايه او هتقللها في ايه وارجو اني اشوف ردودكم سواء نقد او شكر :)

السلام عليكم ورحمة الله وبركاته

[Many]

begaaaaaaaaaaaaaad gameeeeeeeeeeeed ya basha :D

[NightMare321]

المشاركة الأصلية كتبت بواسطة many عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

begaaaaaaaaaaaaaad gameeeeeeeeeeeed ya basha :d

الحمد لله انه عجبك ويا رب تكون استفدت منه :)
بس عشان خاطري بلاش فرانكو :)

[One2One_egy]

nice

[mask2aa]

ايه يا عم الحلاوة ديه كلها
طيب مفيش شوية كلام عن الناس اللى بتلبس روب والكلام الفاضي ده ولا ايه
وعايزين وشوية حاجات عن الـHit Ratio وازاي نظبطها

[NightMare321]

المشاركة الأصلية كتبت بواسطة One2One_egy عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

nice

تحت امرك يا جميل المهم تكون استفدت :)

المشاركة الأصلية كتبت بواسطة mask2aa عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ايه يا عم الحلاوة ديه كلها
طيب مفيش شوية كلام عن الناس اللى بتلبس روب والكلام الفاضي ده ولا ايه
وعايزين وشوية حاجات عن الـHit Ratio وازاي نظبطها

تسلم علي الرد الحلو ده يا جميل :)

وبالنسبة لسؤالك انا قلت في البداية ان اللبس ايا كان اسمه هو نوع من التدريع يعني هنفترض انه كله Armor

والArmor ده ليه تلات انواع واحد تقيل وواحد متوسط والاخير خفيف فاحنا في الصيني عندنا زي الاوروبي تمام يعني الكلام اللي انا شارحة فوق برضه بينطبق علي الاوروبي بالشكل ده

Chines=Euro
Armor=Heavy Armor
Protector=Light Armor
Garment=Robe

وبالنسبة لسؤالك التاني فالHit Ratio هي تعتبر الAttack Rating يعني كل متزيد تزيد فرصة المهاجم انه يوصل لاقصي دامج ليه وكل متقل تقل الفرصة دي ويفضل جنب اقل دامج ليه وطبعا بنزودها علي السلاح باننا نزود عليه البلو بتاعت الAttack Rating من ال Jade Tablet Of Strikes

اتمني اكون افدتك ولو ليك اسئلة تاني انا موجود :)

[بدري جمال]

موضوع جميل يامان وأنا شخصيا أستفدت منه كتير وأرجو التواصل
أنا بشكرك لمرورك علي الموضوع بتاعي وبشكرك علي المعلومات القيمه الأنت مقدمها

[NightMare321]

المشاركة الأصلية كتبت بواسطة بدري جمال عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع جميل يامان وأنا شخصيا أستفدت منه كتير وأرجو التواصل
أنا بشكرك لمرورك علي الموضوع بتاعي وبشكرك علي المعلومات القيمه الأنت مقدمها

الحمد لله انه عجبك واستفدت منه وانا اللي بشكرك علي مرورك :)

[JUMPER]

موضوع جامد جدا
جزاك الله خيرا

[RivalSataN]

موضوع جامد جدا

وأنا شخصيا أستفدت منه كتير وأرجو التواصل فى العطاء

[NightMare321]

المشاركة الأصلية كتبت بواسطة jumper عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع جامد جدا
جزاك الله خيرا

تحت امرك المهم تكون استفدت :)
وشكرا علي المرور:)

المشاركة الأصلية كتبت بواسطة rivalsatan عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع جامد جدا

وأنا شخصيا أستفدت منه كتير وأرجو التواصل فى العطاء

ان شاء الله وانا عنيا للمنتدي واعضاء المنتدي الغاليين :)
وشكرا علي المرور

[CytoplasM]

يا سلام هى دى المواضيع اللى تفيد بصحيح
تسلم ايدك معلم والله

[NightMare321]

المشاركة الأصلية كتبت بواسطة cytoplasm عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا سلام هى دى المواضيع اللى تفيد بصحيح
تسلم ايدك معلم والله

الله يخليك يا جميل المهم انه يعجبكم ويفيد الناس العسل اللي زيك اللي بيقرورا ويسيبوا رايهم ايا كان

مش شغل اخطف واجري :) اللي يسد النفس

والف شكر علي المرور :)

[bassem_oo7]

الموضوع حلو و الواحد فهم منو حاجات كتير تمام
بس المشكله الكبيره ازاي تظبط الحاجه دي
يا ريت لو عندك طريقه سهله تقولنا
و ربنا يكرمك يا جامد

[a7mad63]

موضوع جامد جدا
جزاك الله خيرا