Ω۩Ω توبيك رومانسي جامد جداً علي حلقات...تعالي مش هتندم Ω۩Ω

[Eslam_lover]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

دي قصه جامده جدا وعجبتني اوي ويارب تعجبكم

وهقدمها علي حلقات

هي طويله شويه بس بجد حلوه

..وللأمانه هي منقوله من احد المواقع الالكترونيه بس قولت اجبهلكو تستمتعو بيها زيي..

الابطال:
ندى وشادي جيران
القصة بتبتدي والابطال لسه صغيرين ندى في اولى ثانوي وشادي في تالتة ثانوي.

الحلقه الاولى
دخلت الام الغرفة وقالتت لابنتها في هدوء.
الام: ندى ,يلا روحي اعملي قهوة لباباكي, واسأليهم لو عايزين عصير.

قامت ندى من على مكتبها في تأفف, وهي تقول.
ندى: يووووه ياماما, متخلي نسمة هي الي تعملها, انتي مش شايفاني بذاكر.
الام: بطلي دلع , دلوقتي بقيتي بتذاكري؟, وخلى نسمة الي تطلع! , وبعدين نسمة مبتعرفش تعمل قهوة.
ندى: حاضر خلاص, هقوم اهه, هو مين برة اصلا؟.
الام: محدش غريب يعني, دي هالة اختك وهايدي صاحبتها وشادي.

ندى: شادي مين؟.
الام: شادي الي ساكن في البرج الاحمر الي قدامنا, مش عارفاه؟ .
ندى: اه ,اه فاكراه , الواد الغلس القصير دا, الي كان بيغلس عليا واحنا صغيرين ,دا كان شعره طويل وكنت دايما اشده منه,ايه دا هو بقى في تالتة ثانوي امتى؟, هو قد هالة؟.
الام: ايوة, قدها .
ندى: وايه الي جايبة النهاردة؟.

الام: ماهو كمان مقدم على اختبار القدرات بتاع عمارة, فجاي لباباكي يفهمه بالمرة مع هالة وهايدي.
ندى: الواد انا فاكراه ,دا كان رذل رذالة يا ماما واحنا صغيرين, مع اني اصغر منه بسنتين بس كنت اطول منه , وكنت دايما بضربه.

الام: انتي هتقفي ترغي عشان تضيعي الوقت, اتفضلي يلا, روحي اعملي القهوة, وطلعيلهم عصير, وبعد كدة, هاتيلي انا كمان عصير واسألي نسمة لو عايزة.
ندى: يووووه, حاضر, ماهي نسمة دي الاعدادية بتاعتها هتيجي فوق دماغي, منا في اولى ثانوي برضة وعندي اربعتاشر مادة.

الام: طب اعملي الي قلتلك عليه بسرعة, وانتي تلحقي تذاكري الاربعتاشر مادة يا لمضة.
ندى: حاضر.
وتوجهت الى المطبخ على مضض, وجهزت القهوة, وهي تدندن, ووضعتها على صينية واتجهت بها حيث ابوها.

ندى: بابا , القهوة.
الاب: شكرا يا نيدو.
اخذ والدها القهوة من يديها , بينما التفتت هي تسأل.

ندى: حد عايز عصير؟.

نظرت اليها اختها .
هالة: انا عايزة, وهاتي لهايدي كمان, عايز يا شادي؟.

التفتت ندى تنظر لشادي لاول مرة, واندهشت, انه لم يعد الطفل القصير الذي اعتادت ان تضربه, لقد رأت شابا طويلا بشدة, يرتدي نظارة طبية, ذو وجه وسيم اسمر, فتعجبت, وقالت دون ان تفكر.
ندى: ايه دااااا, انت طولت اوي كده ليه, دانت كنت ازعة, وشعرك...

قال الاب ينهرها.

ندى: اصله يا بابا انا مشفتوش من واحنا صغيرين, كان قصير وشعره منكوش و....

قاطعها الاب للمرة الثانية ,بينما شعر شادي بالحرج من الوصف حين انخرطتا هالة وهايدي في الضحك.

الاب: فيه بنت رقيقة تتكلم زي الدبش كده, جيبيلهم عصير يلا وتعالي, وبطلي تلبيخ.
فشعرت هي بالحرج هذه المرة, وذهبت لتفعل مثلما قال لها ابوها في سرعة ثم عادت لامها .
ندى: ماما , ماما انتي شفتي شادي؟؟.
الام: ايوة يا حبيبتي.

ندى: دا بقى شكل تاني خالص يا ماما, دا طول اوي ولبس نضارة.

الام: مانتي عندك حق, مشفتيهوش من زمان, والله مااعرف كان مختفي فين كل دا.

ندى: بس انا لبخت الدنيا ,واتريأت عليه قدامهم.
الام: انتي على طول لسانك فالت, لما يخلصوا ابقى اطلعي اعتذريله.

صمتت قليلا تفكر ثم قالت.

ندى: هو اكيد علمي رياضة ,ولا ايه؟, هيكون بياخد قدرات عمارة ليه يعني؟.

الام: معرفش انا بقى, انتي مش هتعدي تذاكري ولا ايه؟, وبعدين فين العصير بتاعي.

ندى: اه صحيح نسيت.

وانطلقت تحضره في سرعة ,وهي تفكر في شكل شادي الذي تغير تماما منذ الصغر.

*******************
انتظرت ندى بصبر انتهاء والدها من الحديث مع اختها وهايدي وشادي, ودخوله غرفته لتهرع للخارج, موقفة شادي وهو في طريقه الي الباب.
ندى: شادي.

التفت ينظر اليها في دهشة, بينما نظرت هي لاعلى لتنظر لوجهه, الذي علته امارات التساؤل.
شادي: ايوة , فيه حاجة؟.
ندى: انا.... سوري,...سوري لو كنت ضايقتك ولا حاجة.

نظر اليها ببرود.

شادي: ضايقتيني في ايه؟.

ارتبكت ندى لبروده , وشعرت هي بالاحراج.

ندى: يعني لما قلت انك كنت ...قصير وشعرك طويل.

قال ببرود وهو ينظر الى اختها وصديقتها, اللتان تتابعان الحديث في شغف.

شادي: طب منا كنت قصير وشعري طويل , ايه يعني؟.


نظرت اليه بدهشة, ثم بضيق.
ندى:يعني ان انا قلت كده.

شادي: اصلا انا مكنتش قصير انتي الي كنتي طويلة زيادة وانتي صغيرة, وكنتي مستقوية نفسك, عشان طولك.
شعت بالغضب, فقالت في انفعال.
ندى: تصدق انت بارد, وانا غلطانة اني جيت اتأسفلك اصلا, انت فعلا كنت قصير ومنكوش, ومش كده وبس, كنت غلس وكنت دايما بضربك,هه بقى.


وضربت بقدمها في الارض بطفولية, ثم اندفعت للداخل, بينما ازداد هو احراجا امام الفتاتين.
*******************
ندى: بس يا هالة متكلمنيش عنه, دا قليل الزوق, وغبي.

ضحكت هالة وهي تقول.

هالة: مش انتي الي هزأتيه الاول, واتريأتي عليه ولا لأ؟.

ندى: انا مقلتش حاجة غلط, هو كان غلس, ولسه غلس زي ماهو, هو عشان بقى نخلة خلاص, نسي شكله زمان, انا فاكرة اننا عندنا صور ليه وهو حاطط صباعه في مناخيره كمان.

انخرطت هالة في الضحك وهي تقول.


هالة: بس متقوليش الكلام دا ادام هايدي لحسن معجبة بيه, وشكلهم هيظبطو كده.

ندى: يتحرقو هما الاتنين, اهي هي رخمة زيه بالظبط, وهو وحش واسمر وبنضارة.

هالة: حرام عليكي, دا وشه امور, انتي مخدتيش بالك ولا ايه.
ندى: وانا اخد بالي ليه, مانتي عارفة اني بحب الصبيان البيض الي عنيهم ملونة.

وصمتتا قليلا ثم قالت هالة بشغف.

هالة: بس هي صحيح فين الصورة دي اوريهالها.

ضحكت ندى وهي تقوم.
ندى: قومي قومي, ندور في البوم الصور.


كده خلصت الحلقه الاولي لو عجبتكو و لقيت ردود مشجعه هكمل

[Wise Knight]

جميل ^^

[Genar]

شكرا هابل التوبيك وانا مستنى الحلقة التانية

[PaRKouR MaN]

شكرا يا مان

[TURBO_MiX]

ولله قصه حلوة و مش مكررة متهيألى..

ان شاء الله تلاقى قبول و تتثبت لفتره :)

[Hanamontana]

شكرا قصة حلوة و يا ريت تكمل

[GoldPhoenix]

شكلها قصه حلوة ....كمل;)

[Eslam_lover]

المشاركة الأصلية كتبت بواسطة fighter knight عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جميل ^^

شكرا ^^

المشاركة الأصلية كتبت بواسطة genar عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا هابل التوبيك وانا مستنى الحلقة التانية

العفو يا جميل و ان شاء الله هنزل الحلقه النهارده بس مش دلوقتي

المشاركة الأصلية كتبت بواسطة parkour man عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا يا مان

العفو يا مان

المشاركة الأصلية كتبت بواسطة turbo_mix عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ولله قصه حلوة و مش مكررة متهيألى..

شكرا يا باشا و ان شاء الله مش مكررة
ان شاء الله تلاقى قبول و تتثبت لفتره :)

ان شاء الله قول يا رب

المشاركة الأصلية كتبت بواسطة hanamontana عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا قصة حلوة و يا ريت تكمل

العفو يا معلم و ان شاء الله هكمل بس ده سبب يرجعلكو انتو

المشاركة الأصلية كتبت بواسطة goldphoenix عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكلها قصه حلوة ....كمل;)

شكرا ليك .. ان شاء الله

[lover of silkroad]

بموت فى القصص دى:p:p

[Thelover4ever]

Nice

[lover of silkroad]

يلا ياجميل جيب الحلقه التانيه

[☜ ĂиTaKą ☞]

شكـــــــــرا
كمل بقى بسرعه

[Sneezy]

:wine::wine::wine: