| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
29-02-2012, 10:53 PM
|
#1 | ||||||||||
 
|
كنت عاوز اعمل موضوع عن اول انترفيو عملته لما اتخرجت .. وانتو كمان اللى عاوز يحكي عن اي انترفيو عمله يتفضل .. ابتدي انا الاول . رحت الشركة ... أول ماوصلت أعدوني في أوضة إنتظار على ماييجي دوري ... وطبعا مفيش أصعب من الإنتظار وبالذات لما تكون منتظر إمتحان ... جيه دوري ... إتفضل ... قمت وأنا بخمن عدد الناس إلي هيمتحنوني ... قلت هما إتنين تلاتة بالكتير ... خش وسمي يا معلم بسم الله الرحمن الرحيم .... إيه ده ... مين دول ... كل دول هيمتحنوني لقيت ترابيزة زي ترابيزة السفرة آعد عليها ستة ... وأنا سابعهم ... وكانت المعركة ... ستة اشخاص عتاولة ضد واحد لسه متخرج طازة من الكلية ... يا جدعان حرام عليكو ... إنتو ملكوش ولاد لسه متخرجين . جيه أول واحد , قالي عاوزك تقدم نفسك بالإنجليزي .... ( يا سلام , بس كده ... ده أنا طول الليل إمبارح عمال أحفظ فيها .... ماي نيم إز كذا ... متخرج من كلية كذا .... قسم كذا .. دفعة كذا ) .... بس لقيت الراجل بيصدمني وهو بيكمل كلامه ... مش عاوزك تقولي إسمك وكليتك والحاجات دي ... كل الحاجات دي موجوده في السي في .... قولي مميزاتك وعيوبك بالإنجليزي ..... ( يا خبر زي بعضه مميزات إيه وعيوب إيه يا عم ... الحاجات دي مخدتهاش في المقرر .... ما تسيبوني أقولوكو على إسمي وكليتي ... ده أنتو هتنبسطو أوي مني وأنا بسمعهالكو ) ومن هنا بدا عليا التوتر , وأنا بحاول أدور على مميزاتي , إلي أنا أصلا مش عارفها بالعربي عشان أقولها بالإنجليزي .... أعدت أجيب كلمة من الشرق وكلمة من الغرب , وعمال أفتكر في أي صفة حلوة بالإنجليزي .... آه بحب النجاح وبحب دايما أكون الاول ( ده على أساس إني أول دفعتي ) .... وإيه كمان وإيه كمان .... آه لازم يكون عندي سيلف كون ... كون .... كون .. كون إيه ... كون إيه يا جدعان ؟ ... بصلي واحدي من الستة وقالي أصدك سيلف كونفيدنس ( الثقة بالنفس ) ..... أيوااه .. عليك نووووور .... هي سيلف كونفيدنس ... ( أنا لازم يكون عندي ثقة بالنفس ) وطبعا وهما شايفني عمال بحارب عشان أكمل جملة صح ... واحد منهم بصلي وانا صعبان عليه ... وقالي ... خلاص خلاص يا إبني كمل بالعربي ... وكملت الإنترفيو بالعربي ... وطبعا مش لازم أقولوكو إن الشركة ما إتصلتش عليّا من ساعتها ... |
||||||||||
|
| إعلانات google |
|
|
|
01-03-2012, 12:24 AM
|
#2 | |||||||||||
  
|
اقتباس:
و الله عنيا دمعت من كتر الضحك كلنا لها يا ريس انتم السابقون ونحن اللاحقون |
|||||||||||
|
|
|
01-03-2012, 01:30 AM
|
#3 | ||||||||||
  
|
ربنا معاك في الشركه الجايه^^ |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
