اقفل الباب على نفسكـ من أوله

[Ahmed El basha]

السلام عليكم و رحمة الله وبركاته

ازيكم احبتي في الله ؟

من المشااكل اللي قلبت الموازين كلها واوصلتنا الى ما نحن فيه

>> التفريط <<

يعني امبارح كنت بسمع درس و جه الحديث عن التشهد الاوسط و التشهد الاخير
و ايه الفرق بينهم ؟؟

انتم عارفين ان اللي احنا بنقوول عليه النص الاول من التشهد ده هو اللي اسمه التشهد
يعني لحد ما تقول اشهد ان لا اله الا االله و اشهد ان محمد عبده ورسوله
كدة انت قولت التشهد - او تسمى ايضا التحيات -
وانها ركن من اركان الصلاة التي تفسد الصلاة ان تركت

و الجزء التاني بتااع الصلاة على النبي فهذه عباادة لا تفسد الصلاة بتركها وانما يكون ليها سجدة سهو بس


و لو مش مصدقني افتح و دور هتلاقي الكلام ده صحيح

عن ابن مسعود رضي الله عنه قال: علمني رسول الله صلى الله عليه وسلم
التشهد، وكفي بين كفيه، كما يعلمني السورة من القرآن: التحيات لله والصلوات
والطيبات، السلام عليك أيها النبي ورحمة الله وبركاته، السلام علينا، وعلى
عباد الله الصالحين - فإنه إذا قال ذلك أصاب كل عبد صالح في السماء والأرض
- أشهد أن لا إله إلا الله، وأشهد أن محمداً عبده ورسوله".
وهو بين ظهرانينا، فلما قبض قلنا السلام على النبي
رواه البخاري

الناس قعدت تتصل و مش مصدقة نفسها

فالشيخ قاال ان ده بسبب ان احنا زمان عشان نحفظ العياال بسطنا اوي فزاد
التبسيط عن حده ..
فكنا بنقول على التشهد انها النص الاول و العبادة اللي هي
الصلاة على النبي انها النص التاني و بكدة لما اي حد يسمع انه ان الصلاة
تبطل لو مقلتش التشهد الاخير و يجي ميعملش الجزء التاني من التشهد
يفتكر انه اوقع ركن من اركاان الصلاة

,,

نيجي بقة لدرس الشيخ عمر عبد الكافي عن اشراط الساعة
لما جه يتكلم عن ان سياتي زماان ان تكون فيه النسااء كاسيات عاريات
و ده حاصل و لا يخفى على حد
و تيجي تقول للوالد انت ازاي سايبها كدة
يروح رادد : يعني يا شيخ متعقدهاش اوي يعني اي يعني لما تبين شعرها يعني !! ,,
واحدة واحدة ايه يعني ايديها ,, واحدة واحدة ايه يعني رجلها ,, واحدة واحدة ايه يعني معرفش ايه و العيااذ بالله
و تبدا سلسلة التفريط

لحد ما يجي الوقت اللي لما تقولهم يا جماعة عشان نعالج مشكلة لازم نبص
لاصلها و وظاهرة التحرش - وانا بقوول انها جريمة بكل كلمة - لكن اساسها الظاهرة
بتاعت العري ده و لازم البنات تبدا تظبط لبسها
فيكوون الرد البنت تلبس براحتها و لا حياة لمن تنادي !!

,,

و زي بالظبط الواحد الكويس يبدا يقعد وسط ناس بتدخن ,,
فيهرجوا و يقولوا ما تاخد نفس ,, فياخد و يقول قال النفس ده يعني اللي هيعمل حاجة
والمرة اللي جاية ياخد السيجارة كاملة
لحد ما يوصل لمرحلة انه يجيب علب بنفسه

وزي بالظبط اللي ميصليش اول صلاة في ميعادها و واحدة واحدة يلاقي نفسها بياخر الصلاوات كلها
وواحدة واحدة يلافي نفسه بيوقع صلاوات و لا حول و لا قوة الا بالله

مشكلة اي معصية و الغرقاان فيها ,,

>> التفريط <<

فعشاان كدة بنصح نفسي واياكم ان احنا نقفل على نفسنا الباب من اوله
حتى لو وقعنا مرة متسيبش نفسك للغرق
الحق نفسك و اقفل الباب على نفسك من اوله

[The_Mask]

جزاك الله خيرا ....

[☜ ĂиTaKą ☞]

جميل يا احمـد بجد

تسلم

::)

[Phoenix1337]

تسلم

[RoOoMyoOo]

تسلم يا مان

[Ahmed El basha]

شكرا على الردود