- بخصوص الخلافات فى القسم [ مهم للجميع ]

[Al.Qanas]

السلام عليكم ورحمه الله وبركاته

نبدأ كلامنا بأسم الله الرحمن الرحيم
والصلاه على سيدنا النبى محمد عليه افضل الصلاه والسلام

بعدين ندخل فى موضوعنا علطول.
بدايةََ هنحط كام نقطة كدة نمشى عليهم بعدين نتكلم

أول حاجة انا مش عايز اشوف مواضيع خلافات فى المنتدى عن الجيم
يعنى الاقى موضوع واحد حاطط فيه برنت سكرين ان واحد شتمه جوه الجيم
وواحد تانى حاطط موضوع ان واحد كويتى شتم مصر او العكس
وواحد تالت واخد صورة من جلوبال لواحد بيشتم واحد تانى ويقولك اتفرجوا

المواضيع ممنوعه تماما من القسم علشان بجد كدة مبقاش قسم
كدة بقى مكان بنتخانق فيه بس

المواضيع الوحيدة اللى هسمح بيها هيا مواضيع خلافات المنتدى
يعنى لو الكلام دة حصل فى المنتدى .. واحد شتمك فى المنتدى او قالك كلمه مش كويسه فى المنتدى
تبقى تتفضل تفتح موضوع جديد وتحط فيه لينك الموضوع او هو قالك اية .. وساعتها هو ياخد جزائة

لكن الخلافات اللى جوة الجيم ابقى حلها جوة الجيم او ارفعها لل gm بقى
لان انا مش هعرف اعمل حاجة للى شتمك جوة الجيم دة
ومش فاضيين علشان نحل الخلافات دى فى المنتدى وهو يقوله انت شتمت الأول والتانى يقولك لاء انت اللى شتمت

للمرة الأخيرة " ممنوع كتابه مواضيع عن خلافات فى الجيييم سواء شتيمه او خلاف او خناق " والا الموضوع هيتحذف وبدون إعلام صاحب الموضوع.

نوع تانى من المواضيع مسموح بيه .
اللى هو الخلافات بس على شئ .. مش على شتايم وخناق
يعنى واحد اخد منك حاجة سلف ومش رجعهالك او واحد نصب عليك فى حاجة وهو موجود معانا فى المنتدى
ممكن بردو تتفضل تحط موضوع بالمشكلة واحنا نحاول نحلها. لأن ع الاقل فى الاخر هنلاقى حل
يا اما الحاجة بتاعتك او الشئ دة يرجعلك والخلاف يروح .. يا اما نبقى عرفنا ان الشخص التانى دة نصاب

انا مش عايز خلافات اكتر من كدة فى الجيم
اللى يشتمك متبقاش تكلمه وعرف صحابك جوة الجيم او ابعت جلوبال عليه
لكن المنتدى مكان للنقاش والتفاهم مش للخلافات والخناقات

ياريت مشوفش مواضيع من النوع دة تانى من اى حد فى القسم

سورى على الاطاله
سلام