العلاج الفعلى للتدخين

[فواز الغنيمى]

المشاركة الأصلية كتبت بواسطة فواز الغنيمى عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ورحمة الله وبركاته
بسم الله والصلاة والسلام على رسول الله محمد صلى الله عليه وسلم
وعلى اهله وصحبه ومن تبع بهدى الى يوم الدين اما بعد

فى الاول طبعا كلنا عارفين اضرار التدخين بكل انواعها
انا بقى بأذن الله هقولكم على طريقة تسيب بيها التدخين

اول حاجة طبعا كل مدخن فاكر نفسو انو يقدر يسيب التدخين
بمزاجو وانا اوفقو الرأى بس دا كلو بيعتمد على ارادة الشخص

المهم الكلام ده كلو عارفينو فأنا هختصر الموضوع
انت كمدخن ممكن تسيب التدخين بكل سهولة خلال اسبوع
ازاى ؟
1 = تحلف يمين انك مهترجعلها تانى من اول متكسر العلبة وتعزم النية بينك وبين ربك انك مترجعلهاش لو ربنا شفاك منها
2 = لو فى ايدك علبة سجاير كسرها على طول من غير تفكير
3 = متفكرش انك تشتريها تانى وياريت لو تفلس نفسك احسن وميبقاش فى جيبك ولا مليم دا افضلك
4 = لو حسيت نفسك انك عايز سجارة اجرى شوية قد 2كيلو كدة ولا حاجة وبراحتك علشان متتعبش بسرعة
5 = انت بعد متخلص جرى مش هيبقى فيك نفس انك تشرب سجارة
6 = حاول بقدر الامكان تجرى كتير كل يوم دا طبعا لو عرفت تقوم من دور العيا اللى هتخش فيه دور العيا ده عبارة عن انك انت هتلقى نفسك تعبان على طول ودايخ وعايز تنام ومش قادر تصلب طولك لو حسيت بكدة افرح علشان انت خلاص بكدة بدأت تنهى مشوار التدخين معاك
7 = اول متعيا روح على اقرب صيدلية وقولو حالتك ايه بالظبط واكيد الصيدلى هيديك دوا وحقنة هيروقو جسمك
8 = اشرب لبن حليب كتير على قد متقدر دا هينضف صدرك من الدخان القديم
9 = بعد دا كلو وربنا يكرمك طبعا متنساش الوعد اللى قطعتو على نفسك انك مترجعلهاش تانى ومتنسانيش فى دعائك

اخيرا وليس بأخر

اقسم بالله العظيم اى حد عندو عزيمة قوية فعلا هيبطلها وبكل سهولة وانا والله مجرب الموضوع ده وفعلا بطلتها لمدة شهرين وطول الشهرين مكانش نفسي ارجعلها تانى ولو شوفت اى حد بيدخن والله عادى وحسيت ان جسمى الصحة ردت فيه تانى

عموما كل واحد بيتحمل زنبو انا قولتلكم على الطريقة الصح اللى تخليك تبطلها فعلا والله لو بطلتها بالطريقة دى مهترجعلها تانى غصب عندك وانا واثق من كلامى ولو مش متأكد جرب بنفسك

واخير لاتنسونى من صالح دعائكم
اخوكم

فواز الغنيمى

الموضوع اهداء لكل المدخنين
ارجو ان تستفيدو من تجارب اخرين وتقلدوهم
او تفننو فى طرق للاقلاع عن التدخين فأنا ابتكرت هذة الطريقة وبحمد الله اقعلت عنه
فهيا لتقلع انت عنه وتستقيم حياتك وبارك الله فيكم اخوتى الكرام اعزكم الله