كفايه افتكاسات

[kasperelmasry]

سلامو عليكم

كل شويه يطلع علينا واحد يقول اعمل سلاحك بلس سبعه بدون مجهود طريقه مجربه ومضمونه
كل الحكايه انك تجيب حبه مستكه وحبه مش مستكه وديك ابيض ما يكونش فى ريشه واحده من لون تانى وتروح تعمل بلس للسلاح فى بير السلم وتبقى لباس اسود فى اسود

ياريت اللى ليه تجربه فى الموضوع ده يقول ايه اللى حصل معاها عشان الموضوع بقى زياده عن حده

انا شخصيا عشان اعمل الاستاف بتاعى بلس خمسه مش تسعه ولا حتى سبعه
اشتريت اكتر من 25 الكزير ويبون بدون مبالغه كان بيوصل بلس اربعه ويبوظ لحد فى اخر مره وصل بلس خمسه من وقتها ما جربتش ابلسه تانى
يعنى الزتونه فى الموضوع ده انها كلها مجرد حظ ياريت محدش يزعل منى من اصحاب المواضيع اللى بقول عليها انا عارف انهم قصدهم يفيدوا الناس
سلام