قلت وحذرت قبل كدا ..إن فيه 2 أكونت بإسم " ineX "ولو ماخدتوش بالكوا هيحصل اللى حصل دا

[inushyasama]

سلام عليكم
يا رب تكونوا بخير ...

قلت قبل كدا إن فيه 2 أكونت فى سيرفر SunWorld 1 الإسم يكاد يكون متطابق

* الكراكتر رقم 1 وهى الأقدم فى السيرفر بإسم : IneX وحرف ال i كابيتال .. وأظن دى واضحه !!!

الكراكتر رقم 2 واللى اتعملت بعد الأكونت الأول باسم : lneX وحرف ال L سمال .. وأظن دا كمان واضحه !!

يعنى أنا اسمى : ابراهيم ، صاحب الأكونت رقم 2 ، وصاحبه الأساسى هوا : محمد StunneR اللى كلكم تعرفوه وأنا بلعب معاه على الكراكتر وبكون معظم الوقت على الأكونت بسبب إنشغاله فى الإمتحانات .. ليا أصحاب كتير جداً فى الجيم وبفضل الله ما نصبتش على حد فى الجيم فى شلن .. عارفين الشلن المدور دا .. مانصبتش على حد فيه :)

لكن .. المشكله فى الأكونت رقم 1 .. وصاحبه اسمه: عمرو
إنه فعلاً بنى آدم حقير ووضيع وحرامى وممكن تقولو عليه .. كلــ ب بحر كمان :fishing1:
بسبب إنه بينصب بإسم محمد StunneR اللى باع أكونت IneX رقم 1 وساب اللعبه .. والتانى خد السمعه ..
فنصب على ناس كتير جداً فى سيلك وجولد ومحمد StunneR برئ من كل دا .. والكلــ ب اللى اسمه عمرو دا
اللى بهدل الناس وذلـّهم وطلع عين أهاليهم .. بسبب فلوس حرام هتخش جيبه وهيولع بيها إن شاء الله .

- واللى حصل امبارح :

إنه كان فيه كراكتر صاحبى اسمه ShTigEr أكيد كلكم تعرفوه .. راجل محترم وجدع جداً :)
وكان معاه لبسه وسلاحه وحاجته .. وشاف أكونت IneX معدّى فى المدينه ، وكلمه على أساس إنه " أنا "
وأنا فى الوقت دا كنت Offline ..

والتانى اللى هوا عمرو بكل صفاقه وبرود أعصاب وقلة ذوق وانعدام ضمير
كلمه ورد عليه عادى جداً وقاله : أيوه أنا ابراهيم ، و ShTigEr كلمه وقال : تعالى خد الأسلحه دى عشان ناخد صوره
والتانى قبل ال Exchange عادى جداً وأخد الأسلحه ، وراح جارى زى الحرامى اللى مسكوه فوق السطوح ..

وطبعاً جت فيا أنا بسبب تشابه الأسماء والإختلاف فى حرف واحد فقط
لكن والحمد لله ShTigEr عرف إنه IneX هوا اللى سرقه مش أنا ، وربنا يسهل ويعرف يرجع حاجته .

- فأنا عايز أقول كام حاجه ، اسمعونى كويس :

1- الإختلاف بين الإسمين هو : أول حرف فقط ..

الكراكتر بتاعى أوله حرف L بس بينكتب Small يعنى كدا : lneX ..
والكراكتر بتاع الزفت التانى أوله حرف i بس بيتكتب Capital يعنى كدا IneX ..

2- ماحدش يتعامل معاه ولا يشترى منه حاجه لأنه نصاب نصاب نصاب ، واسألوا عليه ال Game كله .

3- ربنا يعوض الناس اللى اتسرقوا عن طريقه بالخير :( وأتمنى إنه ما تحصلش أى سرقات تانيه .

4- اللى يعرفوا فى الجيم ، يكلموا ويحاول معاه بالهداوه أولاً إن الحاجه ترجع لصاحبها ، ولو مافيش .. اتصرفوا معاه بكيفكم .

وآسف جداً على الإطاله .. لكن أنا مش بستحمل أسمع كلمة SCAMMER دى تتقالى
ويا ريت .. يا ريت تاخدوا بالكم كويس جداً .. ويا رب تكونوا عرفتوا الفروق .

سلام عليكم