انواع البنات .....( حسب تصنيف (2010) &منقول&

[ExMaN]

--------------------------------------------------------------------------------

انتباه يا معلمين

لكل شاب وواخد النت هوايا
وسورى يا شباب اصل
البنات اللى على النت خنقو امنا ...

خلونا نشد فى شعر حواجبنا .. منهم ...

ياعم دووووووووول بيمثلو علينا واحنا ملوك التمثيل ...

شوف يا سيدي انواعهم .. حسب ما شوفتهم واتعملت أنت او غيــرك معاهم ...وادى الانواع
مع التعـــديل علشان محدش يقول مــكرر وشوفتوا قبل كده

النوع الاول



فشاااااااااااااااره

( موجود بكثره .. هتكلم واحده هتاخد اتنين مجانا ولو كترت فى الكلام ممكن تجيلك دليجرى لحد البيت )

والنوع ده بقى دايما عايش فى المهندسين .. مصر الجديده . . . وسط البلد وغالبا ما يكون فى أبو أتاتا

وطبعا يا سيدي مش هحكيلك على العربيه الاحدث موديل ولا

على اشتراك النادى ( الاهلى - الزمالك - الصيد - الشمس - .......وساعات نادى ستك ام محمــود )

ودى دايما يا بتلعب تنس يا اسكواش .... ... وهما فى الاصل بينتموا لمركز شباب الحبانيه .

حدث ولا حرج ولو جينا للشكل ... الشعر اصفر .. والعينين خضرا (

واليومين دول تلاقى الوان جديده للعينين احمر( باين بتعيط قبل ماتيجي )

وبنفسجى و...و....و ........ بيجيبوها منين الله اعلم)

وطبعا البياض مش هقولك

انت فاهمنى طبعا وبعدين تاتى الصدمه لما يرووووح الشاب الغلبان عشان اول

مقابله وهنا تحدث المفاجاه ....

( مبروك كسبت موعد غرامى مع ملكه جمال قلعه الكبش ) ... ااااااااااه يا زمن. ... رايح اقابل شجــره الدر مش عــارف ما عليــنا
===================

النوع الثانى

(مش بكلم ولاد )

والنوع ده بقى هوه اللى يجيب الضغط يا معلم

تدخل الشات وطبعا عايز تتعرف و تكون صداقه .. شىء طبيعى
ممكن نتعرف ودا الهطل بتاع الولاد بس ما علينا
فتقولك ( سورى مش بكلم ولاد ) وفين وفييييين بعد ساعه من المحايله على

صحبه الصون والعفاف توافق انها تقول اسمها .... (ما كان من الاول ) والمصيبه انك تلاقيها بتعرف تبوس طب منين

ويا جدع تقولك مش بكلم ولاد وتلاقى الجهاز مفتوح فيه خماشر طماشر محادثه مع ولاد

حرام عليكى الكمبيوتر اشتكى .

واللى يغيظ اكتر واكتر

انك بعد ما تتعرف عليها تلاقيها بقت ايززززززززززززى خالص وتقولك انا النهارده واللهى يا حماده كلمت بركات اللى كنت بحبه قبل فتحى

وشوقى اللى كنت بحبه اول واحد كان معدى وشافنى وانا واقفه مع متعب

وفى الاخر اقول مصعدناش كاس عالم ليه اتارى اللعيبه حسن شحاته بيدربهم على الدبل كيك معاها

هههههههههههه=================


النوع الثالث


( البسكوته )

حاجه كده هستك فستك بوم تك بومك تك

وتحس انك وانت بتكلمها هتجيب كوبايه شاى وتاكلها بيها

والنوع ده بقى تلاقيه

ياخويا يرفع الضغط تلاقيها بتقعد تدلع الكلام بطريقه غريبه .... على سبيل المثال

وليس الحصر ( اسيك = ازيك .... انت عثل = انت عسل .... دقيقه وكايه = دقيقه وجايه ..... بتكزف = بتكثف .....ماسى= ماشى.....ميغسى =ميرســى,,,,. والمش تلاقى عندها عالى اوى زى تقولك مش ينفع ياسى احمد حد يثوفنا ........ وتقولك تك كير يا بيبى على اساس انها فى حضانه )...... وهلم جر

ايه ده يا اخواتى ده هطق

حرااااام ولما بقى تيجى تتكلم معاه فى اى موضوع يقولك بلاش نتكلم فى

الموضوع ده ..... طيب هنتكلم فى ايه ..... .... شوف أنت

واللى يغيظ ان جميع الانواع عندها نفس الاجابات لنفس الاسئله يعنى اجابه موحده .... ده لو فى امتحان مش هتكون اجباتهم نموزجيه كده

على سبيل المثال لو تقولها ممكن تكلمينى عن نفسك تكون الاجابه المعتمده .....

مش بعرف اتكلم عن نفسى...اسال وانا اجاوب ......

(وحياه ابوكو غيروا بقى .... )......

خلاص اقول ايه ولا ايه

دانا خلاص قربت احس انها بتتكلم بالشوكه والسكينه

ولا فى التلفون يالهوى على الرقه يخربيت امك

وانت اصلا مبتشوفهاش على الحقيقه تلاقيها صوتها عامل زى صوت التروماى
او خالــتك أم سعــد
كفايه حرام
=============


النوع الرابع

(هيافه للابد )

وهذا النوع يتدرج تحت بند عجائب الدنيا السبع

واسمع بقى يا سيدى واتفرج على نص الحوار اللى مش هتشوف غيره

طول ما انت مع النوعيه دى ..... ... شوفت اخر فيلم فى السينما ؟؟ ... سمعت

اغنيه المطرب سيد الضلم (هو مين سيد الضلم ده)... اغنيه جامده موووووت ....

امبارح جبت فستان زى بتاع حنان ترك بالزبط ..... تحفه

انا مصاحبه شويه شباب.... كلهم ولاد وزرا .... وتلاقيها فى الاخر مصاحبه احمد كنبه وعلى شفه ومحمود طياره والناس دى

شلتنا يعنى بيعملوا شويه حاجات مجنونه .... ياااااااى ....... crazy

شوفت البنت اللى انتحرت عشان خاطر حبيبها ... يا حرااام ..... .... وجرب كده تكلمها فى اى حاجه

من المواضيع العامه زى انفلوانزا الطيور وقولها تعرفى ايه عنها ======== >

تقولك : هيه دى اللى كانت فى المسلسل بتاع تشانل تو ...... حاجه تفرس مش كده

وطبعا الشاب مننا كل اللى بيعمله انه بيقوم ويطفى الكمبيوتر بعد ما

يكون قضى اهيف ربع ساعه فى حياته ...===========


النوع الخامس

(المعقد )

وهذا النوع ننصحك ان تتعامل معه من مبدا انك
( بتتعامل مع موسوعه ).
لانك هتسمع كلام غرييييييييييب ... وتلاقيها

بتقولك .. انا بطبق فى حياتى مبدا الفيلسوف مصطفى ابو شفه .... وباخد عبر من تجارب العالم توفيق شنبو (علماء من العالم الخارجى ).....

وتلاقيها بتسالك وتقولك ايه رايك فى موقف المتطرفين فى دوله ( تفهنا العزب ) .....

او تقولك انت مش متعاطف مع اللاجىء السياسى من دوله ( عش الدبابير ) ...

ده موقفه محرج جدا وفجاه وبدون سابق مقدمات تلاقيها بتحكيلك عن ...... التركيب الكيميائى عن ثانى اكسيد كبريتات العنب ...... وطبعا كيف يوثر المركب الكيميائى المسمى ب

(علف الكراويه)

على حياه سكان الفضاء الخارجى ...... .... يا خبر اسود ايه ده يا جدعاااااااااااان

ونصيحه منى لو وقعت فى النوع ده اوعى وبقولك اهوه اوعى يكون ردك مش فاهم ..... .... او انتى بتتكلمى عن ايه ..... عشان هيكون ده مصيرك

=======> ... ...... والشاب مننا بعد الحوار العلمى اللى مالوش حل بيكون

اتحول من كتر العبقريه لمجنووووون .... ======> ......
( هوه ده نصيبنا يا شباب ) .....

متخفوش كله هياخد دوره
=============


النوع السادس

( شيال الحمول )

اتبرع ولو بجنيه

وهذا النوع يحسسك بانك بنى ادم معندكش دم ..... زى الدبشه .... وتلاقيها فى كل كلامها بتحكيلك وتقولك

... اشى مره بتصرف على اخواتها ..... ومره انها مجروحه من حبيبها اللى خدعها

..... ...... وتقولك انا حاسه ان الدنيا كلها واقفه قصادى...... على راى المطرب

حسن الاسود (انا اللى كلى جروح ومن الزمان مجروح ) .... اهىء اهىء .....

.(دموع التماسيح ) ..... وطبعا بعد ما الشاب الغلبان يسمع ده كله يقوم من على

الجهاز وهو فاقد اخر امل ليه فى الحياه ....... ويلبس النضاره السودا ....... ويفكر

فى الانتحار ... .......

ااااااااااااااااااااااااااااااااااااه

بووووووووووووووم

تشششششششششش

الله يرحموا
=====================

وده يا شباب كان باختصار بعض التوضيح اللى كان لابد منه ... لبعض الشخصيات

ومش كلها اللى بتبقى موجوده على النت ..... من البنات ( الطف الكائنات قديما )

والحياه بقى لونها بمبى وانا جنبك وانت جنبى

وانتى من الاحرار يا سوسن

والرصاصه لا تزال فى جيبى يا انشراح

ومن هذا المنطلق نوجه عنايه الساده القراء والزوار

اننا سوف نعلن مع بعض عن اهم مميزات البيض بالبسطرمه

الاسكلوب بانيه

وسمعونا احلا سلام للاقفاص اللى احنا بنشتغلهم مش اللى هما بيشتغلونا



مع تحياتى