ஐ๑۩๑ஐ تحليل شخصيات اعضاء السيرفرஐ๑۩๑ஐ

[AbdElLatif]

1-فا انسان مناسب فى وقت غير مناسب
يعنى اللى زيوا كانوا عايشين بس من زمان...انما دلوقتى نظام الشباب اللى فى سنه مختلف تماما.....علشان كده احيانا بيحس بالغربه

هو ممكن من ناحية اللبس أو المظهر ..... أنا مش بيليق عليا اللبس الشبابي فبلبس كلاسيك علشان كده في ناس بيقعدوا يقولولي أنت قديم ... بس أنا ولا يهمني ......لكن من ناحية التصرفات أنا صحبي بيقولولي أنت عكس لبسك خالص يعني بلبس كلاسيك بس روش آخر حاجة على حد قولهم والله

فمش عارف أنت تقصد إيه بس أنا أخبذ إنك تقصد شخصيتي علشان أنت مشفتنيش قبل كده

التحليل مش مضبوط أوي بالنسبة للشخصية

2- معروف من وهوا صغير انه كان ذكى جدا...ومش بياخد وقت علشان يفهم اللى عليه فى المدرسه وكذلك فى اعدادى.....علشان كده كان مميز
بس لما بقى فى ثانوى لقا ان التميز العلمى مش بيقدروه قد ان الواد يبقى كووول وصايع وبتاع حريم

هو الجزء الأول تمام لكن موضوع لما طلعت ثانوي دي مش تمام أوي ..... أنا عمري ما حبيت أمشي مع بنت لمجرد إني أبقى إسمي ده ماشي مع فلانة .... أنا نفسي الأولى تبقى هي الأخيرة برضه و ممكن كووول و صايع آه لكن بتاع حريم لالالالالالالا مفيش حد من صحابي بيحب الواد بتاع الحريم ده مع إن هما شخصياتهم غيري خالص

3- كان بيواجه صعوبه فى عقد صداقات لما بقى فى ثانوى....حتى انه اضطر انه يتخلى عن بعض مبادئه وعمل حاجات مش متربى عليها علشان يدخل فى جو الصداقات...

أنا مش عارف أنت جايب الكلام ده منين والله ....بس موضوع الصداقة اللي في ثانوي ده شبه صحيح ..... علشان أنا كنت إتنقلت مدرسة جديدة معرفش فيها حد فطبيعي إني أواجه صعوبة خاصة إنهم طالعين من أولى إبتدائي مع بعض

بس عييييييييييييب أووووووووووي ......... أنا عمري ما أتخلى عن مبادئي حتى لو في وش أقدم صاحب ليا و إتخانقت معاه كتير أوي بسبب كده

4- فى خلاف دائم مع والده ودا نابع من احساسه ان والده معطهوش الحريه وهوا صغير علشان كده ربما يكون عمل حاجات كتير وحشه من ورا والده

هو أنا آه على خلاف دائم معاه بس مش علشان السبب ده ..... بالعكس يعني أنا لما بطلب منه حاجة و يرفض بعرف أقنعه لكن موضوع كبت الحرية و أنا صغير ده غلط خالص و لو إني فعلاً بعمل حاجات كتير من وراه بس مش ( وحشة )

5-بدا يدخل فى موود الصداقه لما بدا يحتك اكتر بزمايله فى 2& 3 ثانوى ودا خلاه سعيد جدا جدا وساهم بنسبه كبيره فى نجاحه
احم
كان بيكدب كتير وهوا صغير ( اصلى نسيت اقولها فى الاول )
همممممم

دخلت في موود الصداقة في 2 و 3 ثانوي مظبوط أوي بس ده جزء كبير منه أدى إلى فشلي في إني أجيب مجموع كلية الهندسة (ضاعت مني على 0.45) بالرغم من إني كنت متفوق في الإبتدائية و الإعدادية

ههههههه و بالنسبة للكذب هو ده فعلاً كان صحيح و مكنتش عارف بعمل كده إزاي ^^ ....... أنا كنت مقنع أوي هههههه و كنت مستغرب إيه ده دول صدقوني قشطة

بس مش كتير أوي يعني

6-بيحب من وهوا فى ابتدائى.....يعنى كان كل اما يشوف بنت بيحبهاة ( ايام الهطاله يعنى ) بس لما كبر حبتين لقى ان موضوع البنات دا شئ تافه ( ودا لانه كان ذكى من صغره )

لأ كان في ينت واحدة في إبتدائي و كنت بعد أفكر فيها بقى و إن في ناس حطوا قنبلة في الفصل تحت الدكة بتاعتها و أنا أنقذتها و هي حبتني بقى و بقيت بطل المدرسة هههههههههههههههه ..... كنت بحب القناة الثانية أوي زمان ^^ و ده تقريباً السبب في موضوع القنبلة ده بجد والله

و لما كبرت قلت في نفسي إيه ده إزاي كنت بحب دي

و في إعدادي لأ محصلش حاجة إلا في آخر سنة كده بس على خفيف أوي و طبعا مكلمتهاش خالص

و في ثانوي بقى يا معلم كان في بنت في 3 ثانوي و لسة لحد دلوقتي بس مش عارف أكلمها برضه

بس أنا فعلاً عموماً يعني مش واخد الموضوع ده مني دماغ .... يعني إتعودت إني أشغل نفسي بحاجات تانية تسليني

7- بياخد كل موضوع بجديه....يعنى فى ناس ممكن تتصور انه مش بتاع هزار وانا واثق ان اتقاله قبل كده ( ماتحبكهاش بقى ياعم )

فعلاً باخد المواضيع بجدية بس بحب الهزار طبعا .... و فعلاً الناس اللي مش تعرفني تقول عليا إني مبهزرش علشان مش بحاول أتعرف على حد إلا لو في موقف .... لكن عمري ما أروح أتعرف على حد حتى ولو ولد كده من غير أي حاجة لمجرد المعرفة يعني
و فعلاً إتقالي الجملة دي بس نادراً جداً علشان أنا بعرف أفصل الهزار عن الجد الحمد لله

أنا فاكر هي إتقالتلي قبل ما تنزل كلمة فاكس السوق

8-بيحاول يبذل مجهود علشان ينصح اصحابه واللى حواليه انهم مايعملوش حاجات وحشه عملها هوا لما كان صغير

9-كبرياءه ليس له حدود
مش بيحب الاعتذار ....زى عمونا دارك كده

+9999999



بس أنا عاوز أعرف أنت بنيت كل آرائك إزاي؟؟

يا ريت تذكر المواقف