الى جميع مشرفين قسم السيرفر الخاص

[leader]

السلام عليكم ورحمة الله وبركاته

فى الاول احب اقول ان ده مش موضوع طلب او استفسار خاص باللعبة من جوه ده خاص بالقسم هنا فى المنتدى ومكانش ينفع انى احطه فى موضوع الاستفسارات او كده

المهم بقى ومن غير مااطول القسم او الاقسام الفرعية مش منظمة بحيث تريح الناس اللى لسه مش عارفة حاجة يعنى انا كنت بلعب من فترة بس بطلت ولما رجعت مش فاهم حااااااااجة

المطلوب باختصار (بعد اذن المشرفين طبعا) وهو مش كتير ومش صعب

ان كل قسم فرعى او سيرفر يكون فيه
1-معلومات كفاية عن السيرفر زى معدلات الxp والdrop وكده
وكمان عن الlvl المتاحة وكده واهم حاجة هل السيرفر سهل الدخول ليه ولا لأوبرضه الحاجات الغريبة اللى تستحق ان تذكر زى ان مثلا مثلا سيرفر كذا لايوجد به stall دى حاجة تستحق تتعرف
ااو برضه مثلا مثلا لو نظام الtrade ,ال thief وكده فيه حاجة مش مظبوطه او كده يتسحق انها تتقال.. تتقال علشان محدش يتفاجئ (باختصار تعرف الناس السيرفر وكده قبل ما يحملوه)

2- لينكات التحميل لازم تكون بسيطة او موضحة او هيتعمل بيها ايه وايه اللى يتحمل وازاى ازاى ؟ يعنى مثلا فيه واحد يجيب موقع الرئيسى وخلاص ومش يقول احمل انهى ملفات لان فيه كتير والموقع مش بالانجليزى يعنى استحالة افهم لوحدى وكمان مثال يعنى واحد يجيب 4 او 5 ميديا pk ومش بيقول هل هحتاجهم كلهم ولا واحد كفاية مثلا (او باختصار يكون فيه شرح من بداية كيفية التحميل وفك الضغط والتسطيب والاضافات وكده لحد اللعبة ماتشتغل)

3-مشكلة التسجيل يعنى ياريت يكون فيه معلومات كافية عنها يعنى هو مقفول ولا مفتوح ولو مقفول هيفتح امتى ولو ليه مواعيد ايه هى مثلا وكده علشان معظم لينكات التحميل الموجودة مش شغالة وطبعا ياريت اضافة تاريخ علشان نعرف اصل ممكن التسجيل فتح يارجالة ويكون الكلام ده من شهر مثلا وارجو برضه متابعة مواضيع التسجيل لان معظمها مش شغال وبيكون مثبت كمان

اعتقد ده كل الوضوع اسف على الاطالة وشكرا وبجد ياريت لو الحاجات دى اتنفذت هتريح كتير انشاء الله وهى مش صعبة خالص .