الرجاء الدخول للمصريين و بس

[themask]

السلام عليكم

انا احمد (TheNext) ممكن في ناس عارفني وفي ناس لا

انا عندي 23 سنه من اسماعيليه

انا بقولكم كل ده علشان بس اعرفكم انا مين علشان انا في موضوع في دماغي عايز الكل يعرفو

اولا : في مصريين كتير في السيرفر جدعان فوق ما تتصور مش عايز اقول زي بس علشان منساش حد بس الناس دي انا دخلت بيتهم لما سافرت ليهم روحت مصر واسكندريه كمان علشان خاطر الناس دي اللي هي معرفه الجيم

وفي ناس مصريين فاكرين نفسهم علشان خاطر لفل عالي يتنكو علي الناس اللي بتكلمهم واللي زي كده كتيييرررر اوي وعارفين نفسهم وفاكرنها شطاره لما تبقي تقيل علي راجل بيكلمك وبيقولك ازايك

انا الموقف ده حصل معايا كتيير علشان انا اي حد مصري بشوفه وانا عارف انه مصري بكلمه وقوله ازايك وبحاول اكسب رجاله بس هما اصلاء مش رجاله وهما برضو عارفين نفسهم ..

وانا مش هقولكم انا المصري بعمل معاه ايه وكلام طحينه

انا اي حد يكلمني حتي لو تركي بحترمه وبحطه فوق دماغي علشان الناس دي اجدع من ناس مصريين كتييير
وفي مصريين يشتغلوني ويعملو نفسهم بنات علشان يمصلحو عليا هاهاهاه فاكرنها مرجله وبرضو حصل معايا كتير الموضوع ده واخر مره حصل معايا واحد عامل نفسه بنت
انا عرفت من الاول انه راجل بس قولت اشوف اخره اتعرفت عليه وكلام كتير
قالي الستف بتاعي عايز يتبلس اديته اكسير علشان يبلسه عادي بخدم اي حد حتي لو كان بيشتغلني قولت اسيبه للاخر برضو لما لقيته زاد فيها عن حده قولت اعرفه انا مين
هو كان عايز بيعلمي اي حاجه علشان اثق فيه وادايه الباس بيتاعي
وهو ميعرفش اني عارف انه ولد قولته هات الستف بتاعك علشان ابيعه واديكي قصدي اديك فلوسه قالي طيب واداني الستف لفل 52 وهو فاكر انه انا مش عارف انه راجل من الاول وقولته يا باشا لو عايز تشتغلني يبقي في المشمش والستف لسه معايا

حاجه تانيه
في مصريين كتيير برضو طول النهار يشتمو في بعض بالام والاب
انا مش بقول اني مش بشتم انا لساني زفر جدا علي فكره بس معاه القليل الادب وبس وناس كتير تشهد بكده

فا خلاصه الموضوع انا عايز اقولكم

فعلاء انا اتعرفت علي رجاله كتير جدا وتتمني تخدمني من عينها وانا برضو اتمني اعمل معاهم اي حاجه

وناس كتير جدا جدا جدا عيال وهما عارفين نفسهم اللي انا كلمتهم واتنكو عليا بقولهم

يا يا مش عارف اقولهم يا ايه بس هقولهم يا عيييييياااااااااالللللللللللللل
لو حد منكم شافني واتلكم معايا انا مش هقدر امسك لساني الزفر

دي مش رساله لي حد دي مجرد تفريغ مشاعر علشان انا متغاظ اوي منهم

ياريت الموضوع ميتمسحش

وللي عنده كلمه بقولها انا مش هزعل من حد ولا هفرح من حد علشان انا كفايه الرجاله اللي انا كسبتهم من اللعبه دي