| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
09-01-2011, 01:14 AM
|
#16 | ||||||||||
  
|
معلش اتأخرت كتيير بس هحط 4 حلقات معلش برضة منسقتش الظروف بقي هايدى : بارد يا هاله بارد من يوم ماعارف انى مش هقبل فى هندسه زيه وهو بقى بارد من نحيتى واتغير خالص مش عارفه بقى قالبنى على طول ندى : ان شايفه من قبل مايقبل كمان وهو مش ضيقك نظرت هاله اليها فى غضب لتسكت هايدى : دانا على طول بسأل عليه وبكلمه وعايزة اشوفه وهو ولا سأل فيها نهائى ولا اى اهتمام منه خالص ولما قلتلوا انت يابنى خليك معايا شويه زعل منى هاله: ياستى يمكن هو كده هايدى : طيب ما تسأليه يالولو واعرفيلى ماله انا حاسه انه بيحب واحده تانيه ندى : او مبيحبكيش انتى نظرت هاله لها للمرة التانيه بغضب لتسكت هاله : وبعدين بقى ياندى هايدى : بصى انتى انتى كلميه بيبك وبينه كده واسأليه هاله : لا ياستى انا ماليش دعوة هايدى : عشان خاطرى هاله : والله ماينفع انا مش واخده عليه اوى وبعدين عمرو يزعقلى فالتفتت الى ندى هايدى : طب كلميه انتى يا ندى ايه رائيك اعتدلت ندى فى جلستها وتركت المجله من يديها ندى:انـــــــــــــــا ؟ هايدى : اه كلميه عادى انتوا عارفينه من زماااااان اسأليه وقليلوا انا بحس انك مش مهتم بهايدى وكده يعنى ندى : اكلمه ازاى ده واد ....... وابتلعت كلمه غلس بالعافيه بعد نظرات هاله لها ثم قالت ندى : ماشى هكلمه حاااااضر هاتى نمرة الموبيل ############ شعرت ندى بالحرج وهى تتصل بشادى بينما هاله وهايدى جالستان بجانبها ينتظران ان تنطق وعينا هايدى تنتظر بشغف ندى : الو ازيك ياشادى انا ندى اخت هاله شادى : ندى اه ازيك ياندى عامله ايه ؟ ندى الحمد لله انت ايه اخبارك ؟ شادى: تمام ندى : اا كنت عايزان فى موضوع كده شادى : تحت امرك ندى : بصراحه يعنى انا شفت هايدى يعنى سمعت هايدى بتكلم هاله عن انكوا اتخانقتوا كده باين شادى : ممممممم ندى: يعنى بصراحه هى كانت زعلانه اوى فانا قلت اكلمك اشوف فى ايه ؟ لو فيه حاجه ممكن اقدر اعملها شادى : مممممم يعنى مش هى الى بعاتكى تتكلمى ؟ نظرت ندى الى هايدى فى ذعر وهى تقول ندى : لا لا طبعا مش هى اللى بعتانى اتكلم شادى :طيب هى هايدى صحابتك اوى يعنى ؟ تعجبت ندى من السؤال ندى : مش اوى شادى : طيب نصيحه منى احسنلك متصاحبيهاش احمر وجهها فى ذعر وهى تنظر لهايدى اللى اارت لندى بيدها هايدى : بيقول ايه ؟ فاشارت لها ندى بحذر ان تسكت ندى : ليه كده ؟ شادى : يعنى انتى واختك بنات محترمه ودى مينفعش تكون صحبتكوا ده كلام من اخ بيعزكوا ندى : ليه كده برضوه ؟ شادى: بصراحه كده هى بنت مدلوقه اوى وفرى بشكل ملفت اوى ندى : ازاى ؟ شادى : ينى جريئه وهى اللى جت تكلمنى وبعديها لزقت لزقه غريبه كل يومين تكلمنى وتجيلى تحت البيت وانا مبحبش كده لو تقدرى ابعدى عنها دهشت ندى من كلام شادى ونظرت الى هايدى فى تعجب هايدى فيه ايه ؟ بيقول ايه ؟ فقالت لها هاله هاله : اسكتى يابنتى حيسمعك ندى : يعنى ايه ؟ شادى : انتى مالك مش عارفه تتكلمى ولا ايه ؟ فى حد جمبك ؟ قالت فى سرعه مرتبكه ندى : لالا مفيش شادى : لا فيه لو هايدى هى اللى جنمبك قوليلها تبطل حركات العيال دى لو عايزة تقولى حاجه تقولها بنفسها مش تبعت مراسيل وياريت توصللها اللى قلتوا عليها ندى : مفيش حد جنمبى صدقنى هايدى مش جمبى هاله: مش قلتلك حيسمعك شادى : مش مهم بس فكرى فى اللى قلتهولك كويس ياندى انتى بنت كويسه وهى لو صحبت اخوتك مش شرط تبقى صحبتك قالت ندى فى استسلام ندى : حاضر ماشى ياشادى عايز حاجه ؟ شادى : لا ياندى خدى بالك من نفسك ندى : شكرا باى شادى : باى واغلقت السماعه وهى تفكر فقالت هايدى فى سرعه هايدى : ايه قالك ايه ؟ عرف اننا جمبك ؟ ندى : لا شك الاول وبعدين عادى هاله : هه قالك ايه ؟ نظرت اليها فى تردد ثم قالت ندى : قال مفيش حاجه هى بس اللى مكبرة الموضوع هى بس بتحب تكون موجوده اربعه وعشرين ساعه التفتت هاله الى هايدى هاله : يعنى زى ماقلتلك اتقلى عليه شويه متبفيش مدلوقه كده هايدى : اعمل ايه ياهاله ؟ مش المفروض اللى بيحب حد بسال عليع على طول وحبب يكون معاه على طول ندى : اه يعنى هو قال مفيش حاجه انتى بس اللى حاسه كده مش عشان هو مبيسالش كتير يبقى مش مهتم هايدى : كل دا قاله فى الدقتين دول بس ندى : لا دا يعنى اللى فهمته من كلامه هاله : عشان تبقى تسمعى كلامى يابنتى اتقلى مبتعرفيش تتقلى ؟ ندى : شوفى مين اللى بتنصحك هاله : قصدك ايه يا ندى ؟ ندى : مانتى برضوه بتموتى فى حاجه اسمها عمرو مجدى قاله يمين يمين شمال شمال مبتفكريش ولا بتتقالى ولا نيله هاله : بس انا متاكده ان عمرو بيحبنى هى لسه مش متاكده من شادى ندى : اهو كلام هايدى : ياندى انتى بتتكلمى كده بس عشان لسه مجربتيش بس لما يجيلك يوم وتجربى هتعرفى ازاى لما يكون احلى ماعلى قلبك انك تسمعى كلام اللى بتحبيه ندى : دا كلام فااااااارغ حتى لو بحب محدش هيقدر يمشينى هاله: اهو انا كنت بقول زيك كده برضوه فاكرو ؟ واديكى شايفه ندى : عشان انتى عيله رجعتى فى كلامك وبكرو تشوفى هاله بكرة انتى اللى تشوفى |
||||||||||
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| جديد فى البوت و محتاج نصايح | الشاعر أحمد جلال | قـسـم الـ Sbot | 5 | 13-01-2013 06:27 PM |
| >نصايح تاكسي < | ArbArmy | Minerva | 17 | 06-08-2009 11:02 PM |
.gif){kind=icon}
العرض الشجري