|
||||||
19-05-2011, 03:42 PM
|
#1 | ||||||||||
  
|
[ size="6"] يا للي فتحت البتاع فتحك على مقفول لأن أصل البتاع واصل على موصول فأى شئ في البتاع الناس تشوف على طول والناس تموت في البتاع فيبقي مين مسؤول ؟ وإزاي حتفتح بتاع في وسط ناس بتقول بأن هذا البتاع جاب الخراب مشمول لأنه حتة بتاع جاهل غبي مخبول أمر بفتح البتاع لأنه كان مسطول ! وبعد فتح البتاع جابوا الهوا المنقول نكس عشوش البتاع وهد كل أصول وفات في غيط البتاع قام سمم المحصول وخلا لون البتاع أصفر حزين مهزول وساد قانون البتاع ولا عله ولا معلول فالقاضي بتع البتاع فالحق ع المقتول والجهل زاد في البتاع ولا مقري ولا منقول والخوف سرح في البتاع خلا الديابه تصول ويبقي البتاع في البتاع والناس صايبها ذهول وأن حد قال دا البتاع يقولوا له مش معقول وناس تعيش بالبتاع وناس تموت بالفول وناس تنام ع البتاع وناس تنام كشكول آدي اللي جابه البتاع جاب الخراب بالطول لأنه حتة بتاع مخلب لراس الغول باع البتاع بالبتاع وعشان يعيش على طول عين حرس بالبتاع وبرضه مات مقتول |
||||||||||
|
التعديل الأخير تم بواسطة ragabali ; 19-05-2011 الساعة 03:46 PM
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| قصيده جميلة جدا ل احمد فؤاد نجم | _ReDEv1L_ | بـعـيـدآ عـن سـيـلـك رود | 12 | 23-07-2011 07:34 AM |
| احمد فؤاد نجم و حسنى مبارك (2009) | ii_MaTRiX_ii | بـعـيـدآ عـن سـيـلـك رود | 18 | 20-07-2011 12:04 AM |
| احمد فؤاد نجم قصيدة البتاع | topgogal | بـعـيـدآ عـن سـيـلـك رود | 3 | 03-04-2011 02:00 AM |
| لنيل نجاشى ... ما فيش ما جاشى"قصيدة نواره لاحمد فؤاد نجم" | STRQUEEN | بـعـيـدآ عـن سـيـلـك رود | 7 | 16-10-2010 03:38 PM |
| قصيدة احمد فؤاد نجم شعب فقري | X56 | بـعـيـدآ عـن سـيـلـك رود | 7 | 08-07-2008 02:12 AM |
العرض الشجري
