شرح Hyper int Spear '';..;'' أرجو التثبيت

[Heeroo]

المركز التالت ...
Hybrid Int Spear

مقدمة:



ال Spear أخيرا رجعت هيبته تاني بعد ان كاد يفقدها بسبب جهل البعض اللي كانوا بيشتغلو Nuker Spear with garment ويقوللك الجري نص الجدعنة والنص التاني شتيمة وانت بتجري طب دا بالذمة يتقال له ايه !!!! ما علينا المهم البيلد ده حايعتمد علي النيوك بالاضافة للتدويخ (البعض بيقلب بين Spear , Sword & shield وبيسموها Double weapon بس الموضوع ده حايفشل بعد ما أثبت ال cold ان الint builds كلها دلوقتي حاتحتاجه بعد الupdate الأخير اللي حاينزل فيه series جديدة بتعمل Phy Absorption أخيرا) والبيلد ده له أزمة حابقي أتكلم عليها ان شاء الله في موضوع قادم بتتمثل في قدرته علي الوقوف قدام ال Bow بس له ميزة انه قوي قدام ال int builds والجلاف كمان ... علي العموم مش موضوعنا دلوقتي انا زي ما قلت حاتكلم عليه بالتفصيل في موضوع قادم


تكوين البيلد:



البيلد ده مش ثابت بنسبة 100% (زي ما أكون باتكلم في الجلاف الهيبرد) يعني ايه برضه (هو ماحدش بيفهم حاجة ولا ايه) ؟؟ انت حاتزود من 40 ل 70 واحدة في الint والباقي في ال str ... دا متعارف عليه بس انا بافضل من 40 ل 55 واحدة كفاية أوي عشان أعلي من كدة النيوك بتاعتك مش حاتبقي قوية طريقة الزيادة : أولا انت غالبا لغاية لفل 20 مش حاتحس ان ضربتك مافيش زيها ... بعد كدة صباح الموت كل ربع ساعة تلاقي نفسك ممدد في الأرض .. يبقي من 21 تزود 1 str لغاية ما توصل لي 40 str وبعد كدة تطلع pvp مع ناس تكون عارف ان مستواهم المادي زيك (ماتحاربش full som+5 set & son weapon وتقوللي مش عارف ليه بيلدي ضعيف وانت Spear +3) يبقي زي ما قلت تشوف نفسك حاتعمل معاه ايه لو لقيت انك كويس (البيلد ده مش بيبان قوته قبل 42 وبيبقي قوي بعد 52 يعني ماتستعجلش) وضربتك عاجباك وتقدر تستحمل يبقي انت كدة بوب لو ماكنش عاجبك أوي حاول تزودلك حبة كمان Str ... من الآخر البيلد ده بيعتمد علي ال sense باللاعب بتاعك يعني تشوف محتاج تزود قوة الضرب أو الدفاع ... انت وقدرتك انك تميز (ماتجيبش حد يساعدك لأن كل واحد بيستريح لحاجة معينة جدا ولو انت مش مستريح للاعب بتاعك عمرك ما حاتكسب بيه) حاجة أخيرة البيلد ده بيحتاج ان يكون عندك مهارة كفاية انك تخلص ال pvp


المتطلبات



السلاحالمطلوب منك سلاح عليه Mag attack & attack rating عالي بالاضافة ل Crit 8 علي الأقل (بس المستحب ان يكون ال Crit عالي يعني في حدود 14 او اعلي عشان تخلص علي اللق دامك بسرعة) بالاضافة ل phy attack مش وحش عشان تبقي أقوي في ضرباتك
ال stuff
أحش لبس ليك هو ال Protector عشان السرعة وفي نفس الوقت يبقي عندك حبة Phy defense زيادة حبتين علي اللي عندك وحاول تجيب لبسك +3 او اعلي لو لقيت بس مش ضرورة ماعدا آخر 2 degs
اضافات
- لو تقدر تجيب حاجة عليها int او Str الاتنين بيفيدوا - المستحب ان يكون معاك SOS+3 أو اعلي وفي آخر deg يبقي معاك علي الأقل +6 ولو مش حاتقدر تحقق الحاجات دي يبقي تدور علي بيلد تاني أسهل - حاول يبقي عندك blue: Blocking 100% , Attack rating 40% inc or more -ال Accessory حاول تبقي عليها Freezing Statues 100% decrease عشان ماتعطلش النيوك بتاعتك



ال skills

أولا : Heuksal :60
Annihilating Blade Series


ماعتقدش ان لها لازمة بعد لفل 17 او 18 نهائي


Fanning Spear Series


بتزود ال Mag defense حاتفيدك قدام الnuker اوي

Heuksal Spear Series


ماعنقدش برضه ان لها لازمة كبيرة أوي في اللفلات العالية
Soul Departs Spear Series




أهمskill في الHeuksal ودا لأن لها أقوي ضربة في السكلات كلها والأهم انها بتسبب دوخة للي قدامك مدتها 6 sec بتتسمي حالة Stunt ودي مش abnormal state يعني مابتضعش بال Universal pill (وحاول تلفلها علي قد ما تقدر عشان حاتستخدمها كتير)
Ghost Spear Attack Series




الضربة دي مهمة جدا لو اتلم عليك اكتر من واحد لها اسم تاني هو ال fan وبتخليك تضرب وتلف بالضربة حوالين نفسك بس يا ريت ماتحاولش تستخدمها كتير ف lvling لأن ضربتها مش اد كدة فقط في حالة لو اتلم عليك كتير(ممكن تستخدمها في ال pvp لو عاوز تبعد حد عنك لأنها بتنطر اللي بيهاجمك لورا
Chain Spear Attack Series




ماتستخدمهاش عشان حاتضيعلك وقتك وزي ما قلت انت بتحاول تخلص من اللي قدامك بسرعة فمتحاولش تستخدمها كتير
Flying Dragon Spear Series




انت حاتستخدم nukes فالسكل دي مالهاش لازمة


Cheolsam Force Series (Passive)

لكل مرة بتلفلها بتديك HP زيادة بحد أقصي lvl6 وحاتفبدك أوي
ثانيا Cold Force Mestery :80
Cold Force Series




دا ال imbue لل cold وطبعا مش حاعيد مليون مرة ان انت محتاج تخلص بسرعة والcold ضعيف يعني سيبك منه
Frost Guard Series




ال shield بتاع ال cold بيزود ال Phy defense ودا مهم جدا لأنك طبعا محتاج أي defense عشان تستحمل قدر الامكان
Cold Wave Attack Series




بتبطأ حركة اللي بتهاجمه من غير ما تقلل من قوته ... نصيحة متلفلهاش لأن ال Nova احسن منها بكتير زي ما حاشرح
Frost Wall Series




بتاخد الضربة عنك لو كانت الضربة phy وهي علي شكل ماسة لها hpبتقعد فترة عيبها انك ماتقدرش تخرج منها بس ممكن تضرب ال nukes منها ... ماتستخدمهاش الا لو بتهاجم pure str


Frost Nova Series


مابتقللش من قوة اللي قدامك ولكن بتقلل سرعته والEFFECT بتاعها عالي جدا واستخدمهل لو الsoul departs spear ماوقفتهوش عشان تجمده عقبال ما تشغل ال Phantom تبعد عنه وتجهز ال nuke
Snow Storm Series




قوتها مش عالية واحتمال التجميد فيها مش كبير ونصيحة بلاش منها احسن


Cold Armor Series (Passive
)
أحد الحاجات اللي حاتزودلك ال phy defense

ثالثا : Lightning Force Mestery :80
Thunder Force Series




ال imbue بتاعة ال lightning وقوتها متوسطة وليها ميزتينالأولي بتزود سرعة سلاحك التانية بتقلل سرعة هروب اللي بتضربه عشان تديله أقوي ضربةبالاضافة لانها بتضرب اي واحد علي مدي 3 متر وممكن تستخدمها لو عاوز سلاحك أسرع بس حاتتخلي عن فرق الضربة بينها وبين ال fire نصيحة بلاش منها أحسن واستخدم الfire عشان قوته
Piercing Force Series




بتزود ال mag attack ودي مهمة جدا عشان تعوض الفرق بينك وبين ال pure
Wind Walk Series



Book 1,3:
بتزود سرعتك ومهمة جدا لأي build
Book 2(Phantom):
بتخليك تتحرك بسرعة او بالأصح تنط مسافة ... بتساعدك في الهروب من اللي قدامك وبتساعدك تبعد عن اللي قدامك عشان تضرب النيوك
Lion Shout Series




استخدمها عشان تلم بيها الوحوش وممكن تستخدم آخر كتابين ورا بعض في ال PVP
Concentration Series


بتزود سرعة السلاح ... كله يلفلها

Thunderbolt Force Series


اولا : تاني اقوي نيوك بعد ال fire (وحاتبقي أقوي بعد الupdate الجديد)
ثانيا : اهم skill للي حايعمل farm في وحوش اقل منه لأنها بتشيل بالهبل
Heaven's Force Series (Passive)

بتقلل قوة ضربة اللي بيواجهك فيك ... مهمة جدا


رابعا : Fire Force Mastery :80
Fire Force Series


دا اقوي ضربة IMBUE في اللعبة ومفيد جدا خاصة ليك عشان قوة الضربة توصل max


Fire Shield Series


مهم لكل واحد معاه Shield في الpvp بالذات بيقلل ال Abnormal state (وممكن تستخدمه يانك تمسك shield وتحط السكل وبعدين ترجع تمسك ال glaive تاني)

Flame **** Series


بيزود ال Phy Atack حطه لو انت حاتواجه Nuker

Fire Protection Series



ال shield ده بيزود ال Mag defense وطبعا مهم برضه ليك أوي لو حاتواجه Nuker بالذات وحاسياعد عشان تاخد النيوك بتاعته وتطلعله لسانك
Fire Wall Series

زي الFrost Wall Seriesمع فرق ان ده بيحمي من ال Mag attacks


Flame Wave Series


نيوك ال fire واقوي نيوك في اللعبة و حاتستخدمها دايما طبعا مع أي بيلد


Flame Devil Force Series (Passive
)
بيزود ال phy attack مهمة لأي Hybrid عشان لما يواجه نيوكر
------------------------------------------------------------------------------------------------
متنسوش الردووووود