بـــــــحـــــــار ,, خــــايــــفــ مــن الـــمــــشـــــوار

[super_man619]

تعرف .. " هتقلش و تقولي لاء معرفش هعورك " أحساس غريب بينتابني أما بمشي ف شوارع مصرنا المحروسه " سواء قبل أو بعد الثوره " .. بحس فيها بحاجه غريبه كده .. مزيج غريب بين قانون الغابه و الشريعه الاسلاميه و قواعد الاخلاق ,, احساس عارم من الانسجام الألهي ,, تحس فعلا أن كل حاجه ماشيه بقدره ربنا ,, بحسبه معقده جدا لا يقدر عليها غير الخالق ,, اقعد نص ساعه علي رصيف ف الكربه " أيً كان شكلك " أما لقيتش واحد بصلك بصه عطف عمرك ما هتلاقيها ف أي مكان تاني ,, يأما يطلع غبي شويه و يديك فلوس ^^ , و ممكن " عن تجربه شخصيه " واحد يجي يقعد جنبك و يدردش معاك .. ابتسامات غريبه علي وجهه الفقراء و بسطاء الحال لا تعرف من أين تأتيهم هذه السعاده .. من أين يستمدونها .. عندنا ف مصر ,, مافيش حاجه اسمها تكسب صحاب ,, عارف اما تحس ان المكان كله فيه حاله من الود .. أمشي ف سوق خضار ,, حلقه سمك .. حس بالناس مع بعض ,, بالتعاون .. أسئل واحد علي طريق ,, و استغبي و أعمل مش فاهم ,, عمره ما هيسيبك .. أو يقولك معرفش ^^ لازم هيوريهولك xD و تن تن تااااا ,, جت الثوره .. الاختبار الاكبر للمصريه .. بحمد لله كله نجح ف الاختبار ,, و للأسف الي سقطو مالهمش فرصه أعاده ,, مقدرش أوصفلكو حلاوه التحرير و أيامه .. أما يبقي الي جنبك متعرفوش ,. ولا يعرفك ,, و تهتف جنبو .. و ممكن تموت علشانو .. ازازه الميه الي بتشتريها مكانتش عشانك ,, كنت بتاخد البق و تديها لحد تاني ,, عارف معني اما تحس ان اكتر من 3 مليون واحد اخوك و اختك و ابوك و أمك ,, هتحس أوي بأنسانيتك بأختلافك عن ذاك الحيوان الاوروبي ذا الدم البارد .. الي لو شاف واحد متكعبل ف الشارع مش هيقوم يلحقه ..انا كتبت التوبيك ده عشان زهقان ,, بس بجد كان فيه حاجه جوايا و لازم اعبر عنها و أقولها ,, انا بجد بحب البلد ديه .. بحب الناس دول ,, الي وقفو سوا يحمو المتحف ,, الي ضربو البلطجيه ,, الي نظم و الي شال يفط .. الي قعد ف بيته و قال رئيه من النت ,, الي ربي عياله انهم يبقو ثورجيه و يقولو للغلطان أنت غلطان ,, الي ماخدش رشوه ,, الي راعي ربنا .. الي أخترع و أختراعه أتركن علي الرف ,, الناس لو فكرت ف التدابير الألهيه ف الثوره ديه هتلاقي كتير
عندك مثلا أما مبارك عزل الحكومه ,, أما عزل الحكومه الناس ملقتش قدامها غير عدو واحد و بيستعبط ^^ ,, أما نزل البلطجيه ,, خلي كل الي قاعد ف بيته نزل لجان شعبيه و بقي مشترك ف الثوره ,, و بقو ف التحرير الصبح و اللجان بليل ,, ربنا دبرلهالنا كتير و ساعدنا كتير أوي .. لأننا بجد كويسين ,, احنا نستحق كده ,, احنا لازم نبقي التغير الي عايزين نشوفو ,, غير نفسك ,, ساعد نفسك .. ساعد الناس .. اشتغل .. أي حاجه .. أعمل هوايتك ,, أسعد الناس .. مش هدفك شهره ولا مال .. هدفي اسيب بصمه ف بلدي حتي لو محدش يعرفني ولا يعرف عني حاجه .. جزائي عند ربنا ,

عشان بلدنا تعيش شباب كتير ضحى
لحد ما غار الظالم في داهية واتنحى
حبسوا العصابة في سجن ورئيسها في مصحة
قالوا عليه بيموت اكمنه كح كحة
حاسينا مفيش ضمير وان العدالة شحة
صوتنا يا ناس اتنبح وماتت البحة
والقاضى ادى براءة وبالشعوب ضحى
مفيش كلمة تتقال غير كلمة
.... ؟


و شكراً