اسباب السرقه إلى من غير سبب ..

[phbot.seller]

اولا احييك على التحري ده .... و ده النظام الاصلح لحل اي مشكله في الدنيا حتى بعيد عن اللعبه
و اضح انك حطيت ادامك معطيات و بدات تاخد اراء الناس واحده واحده او الاراء ال بعض الناس بتتفق عليها

انا عندي جزء بس متعلق بحتت فيروسات الاسبوع و الاي بوت
اول حاجه يا شباب كله المفروض يتاكد منها ان لو صاحب بوت عايز يسرقك هيسرقك و دي ملهاش كبير انت كده كده بتسلمله جهازك و كده كده البوت بيعمل اتصال بسيرفر و طبعا في شوية حاجات حماية كده زي انك مثلا لما بتسجل الباص بيتشفر و الحوارات دي فهي اخرتها فاكسه لو عايز يسرقك هيسرقك كابسط حاجه يضيف امر جديد في البوت مثلا ياخد ملف كذا ال في الحته الفلانية يفتحه عندك و ده على سبيل المثال بمعنى ان ليها الف طريقه تانية
بالنسبة للناس ال مش عايزه تقتنع ان البوت هيسرقك فمحصلش ان سوليتري قال كده بس هو بيكلم في نحية اكتر احترافية بحاجات بسيطه و هي الباك دور
ان كتر التروجنات و الديدان و الفيروس (الملفات المضره عموما) بتبدا تخليك عامل زي البيت ال من غير زجاج
مع وجود شوية مبتداين في الاختراق عن طريق الباك دور بقى الدخول عندك سهل جدا و جلب البيانات اسهل لانك اساسا عامل زي الاوتوبيس الحكومي فاتحها ع البحري
مش البوت ال بيعمل كده ..... ده تراكم الملفات المضره ال بيعمل كده و ممكن يحصل من اي برامج تانية غير البوت عادي او من التصفح و الداونلود او اي حاجه فيها اتصال لطرف تاني من جهازك
بالنسبة لاختراق قاعدة البيانات فانا بتهيالي انها الطريقه الاكثر صعوبه بالنسبة لمشكلتنا الا ان ده لا يعني بالضروره استحالتها

في حاجه عايز اضيفها كمان...ناس كتير بتنزل انتي فيرس مثلا و معاه اداه عشان يبقى مفعل
كده كده دايما الاداه بتتمسك على انها فيرس عشان مبرمجه بلغة auto it فلازم تقفل الانتيفيرس قبل ما تشغلها ..... طب تعالى اسرح معايا كده : انا هاكر محترف مثلا عايز اجيب اكبر عدد من الضحايا و في نفس الوقت عايز ضحايا مفيدين ليه يعني عندهم ما غلى ثمنه يبقى طبيعي هدور على الزبون ال محتاج حماية قوية لانه اكيد عنده بيانات قيمة خايف عليها قمت عامل الآتي
داخل على الاداه و ضايف عليها كام امر يفتحولي باك دور عند الزبون , او دامج الاداه مع عميل كيلوجر محترم و مشفره بحيث يقوم العميل ده بخلق ثغره في الانتيفيرس زي مثلا انه يخلي الانتيفيرس يستثنى الكيلوجر ده طول عمره على الجهاز...............
عارف ساعتها ايه ال هيحصل
يفضل الانتيفيرس شغال معاك زي الفل و يمسك اي فايرس عندك و الجهاز يفضل تمام مع العلم انه مفتوح ع البحري لصاحب الاداة مثلا ....................
معنى كلامي محدش يقول مستحيل دي حتى ال بينزل ويندوز كل اسبوع ما يمكن بتنزل كل مره نفس الانتي فيرس مثلا او الاداه هتقولي لا مش بنزل هقولك دي حاجه على سبيل المثال و بوضح فكره مش حاجه بعينها

يعني مش شرط تكون اداه
ممكن مثلا تكون كراك لاي برنامج و الملفات دي سهل جدا تلغيمها لانها بتكون بسيطه و سهله و اشرب يا برنس
دي بس كانت شوية اضافات عندي والله اعلم برده