| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
10-05-2012, 08:54 PM
|
#1 | ||||||||||
  
|
عمرك اخدت ترامادول؟؟؟ يرد الي خدو اه صحابي كلهم بياخدو اشمعني انا جربت مره ربع واحدة لقيتها معملتش حاجه خدت واحده كاملة وبقيت مدمنه انا ثانوية عامة وعاوز اسهر اذاكر صاحبي قالي هيسهرني وهركز انا سواق ميكروباس وعاوز اسهر عشان اكسب العربية عليها اقساط انا عملي شاق جدا مندوب مبيعات وبلف علي رجلي طول اليوم بيخليني مش حاسس بحاجة انا كرهت الدنيا والي فيها وباخده عشان انسي نفسي وانسي البلد والي بيحصل فيها بيقولوا انه منشط جنسي وانا عريس جديد او انا راجل كبير في السن ماهو الترامادول مسكن أفيوني فعال في علاج الآلام الحادة أو المزمنة بما في ذلك آلام ما بعد الجراحة، وآلام الولادة والعمليات القيصرية كذلك الألم الناشئ عن أسباب أخرى مثل السرطان وذلك بناء على البيانات المتوافرة من برامج متابعة الدواء بعد التسويق والتي أوضحت أن ترامادول يمكن أن يؤدي إلى اعتماد جسدي وسيكولوجي كما هو الحال مع المورفين. انا شفت برنامج بيتكلم عنه الصراحة صعقت من الحالات الي سببها الترامادول تخيل ان من قرص ترامادول واحد ممكن يجيلك صرع!! تخيل ان في شاب حصله حالة تبول لا ايرادي وفقد الاحساس!! تخيل ان الترامادول بيسبب الوفاة فورا في حالات معينة تخيل انه بيعمل هذيان وقيء مستمر وغثيان وتشنجات عصبية واحد هيقول انا باخد بقالي سنين ومش جرالي حاجة هقوله ربنا سبحانه وتعالي خلق اجسامنا مختلفة والي تقبله انت يدمر غيرك واكيد هيجي يوم وتروح فيها نرجع للناس الي سالناهم خدتو ترامادول الشاب الي قلد صحابه بقي يسرق من البيت عشان يشتري وبقي يشتم امه وابوه تسال الي في الثانوية يا تري نجحت يقولك بالعكس هيست وتسيت اكتر ومبقتش فاهم حاجم تسال سواق الميكروباس كسبت فلوس اكتر يقول عملت حوادث وخسرت وخسرت ناس ملهاش ذنب دا غير قله ادبي مع الناس بدون سبب تسال بتاع الاعمال الشاقة او مندوب المبيعات ارتحت اما اخدتو يقول انا خلاص مبقتش شاب انا مجرد انسان ضعيف هذيل مريض والعريس الجديد جالو ضعف والراجل العجوز جالو ازمه قلبية ومات احذروا تعرف ان الترامادول افظع من الهيروين والبانجو واي مخدر تاني تعرف انه يكفي خمس حبات تاخدهم في خمس ايام متتالية لتتحول الي مدمن احذروا الترامادول بيتباع في كل مكان وعلي الرصيف وامام المدارس والجامعات والقرص ب اتنين جنيه ونص يعني 12 جنيه ونص يحولوك لمدن تحتاج الي علاج يالمئات بس يبقي عندك رغبة اتمني الناس تسال نفسها الاسئلة دي انا شاب ربنا خلقني قوي ليه ادمر نفسي ليه اخرب نعمة ربنا ادهاني ليه نفسي بتهون عليا اوي كدا اما تجاوب علي الاسئلة ابدا تدور علي العلاج الي باذن الله متوفر وفي كل مكان الحق نفسك قبل فوات الاوان للعلاج بالمجان والسرية التامة اتصل صندوق مكافحة وعلاج الادمان 16023 ودا موقعه الرسمي عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] اتصلوا ومتخافوش هتلاقو ناس باذن الله ترحب بيكم وتساعدكم تعبروا لبر الامان ارجوكم يا جماعة حبوا نفسكم وخافو عليها الصحة غالية اوي اما تبقي عاجز مش هتلاقي حد يتحملك واهلك اكيد مش هيفضلوا ليك طول الحياة حافظ علي نفسك واتمني الناس تعمل شير للموضوع وتنشره في كل مكان بجد اي انسان هيتعالج هيبقي ليك ثواب فيه ساعد صاحبك او اخوك او ابوك او اي حد تعرفه بيتعاطي المخدر دا وربنا يوفقنا لما يحبه ويرضاه وربنا يحفظنا ويحفظ شبابنا وبناتنا منقول للامانه |
||||||||||
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ماشى بس مش زى لما تتاخد بالتعب مش بال ؟ | cheetos5060 | قـسـم الـريـاضـة الـعـامـة | 5 | 27-03-2010 01:14 AM |
| يا جماعة خسارة كبيرة ان ال FW تتاخد من Latin_Force | kh_sha3roo | Minerva | 7 | 07-12-2009 11:19 PM |
العرض الشجري