حصـل النهارده موقـــف !

[™ No_Name ™]

النهارده واقفين انا واخواتى واصحابنا عادى زى كل يوم

مره واحده سمــعنا واحده ست بتصرخ وواحده بنت بتجرى ورا عربيه ماشيه بسرعه حوالى 80 كيلو عايزه تفتح الباب

ومعرفتش قامت وقعت على وشها وقعدت تتدحرج .. الاول انا ماصدقتش العربيه كانت تاكسى و 4 شباب راكبين فيها

والبنت دى ماشيه عادى قام واحد من التاكسى شد منها الشنطه وسرقها والبنت طلعت تجرى عشان تلحقو بس هاتحلق ايه بس وماسكه فى الباب والعربيه ماشيه سريع جدا

والباب اتفتح والبنت وقعت حته وقعه قعدت تدحرج منظرها كان صعبان عليا والناس عمال تصرخ وطلعنا انا واصحابنا نجرى ورا التاكسى على اساس المفروض نلحقه او نلحق نشوف الارقام بتاعت العربيه بس دا كان ماشى سريع جدا

ورجعنا نشوف جابولها كرسى وقعدوها هيا بت شابه يدوب عندها 20 سنه ووشها متعور بسبب الوقعه وعماله تعيط وتقول دى الشنط كان فيها بوك كان فيه فلوس وموبايل وبطاقه وكل حاجتها

حسبى الله ونعم الوكيل فى الناس اللى زى دى اعتقد اللى كان هايقف قدام التاكسى وهوا بيجرى كان هايشيله من غير تــفكير ولا واى حد ماشى بموبايل او بشنطه ممكن حد بموتسكل او عربيه يسرقها منو ليــــه احنا بقينا فيين

طب الشنطه اللى كان فيها فلوسها وبطاقه وكل حاجتها البنت دى تعمل ايه بعد كدا !!