شرح مبسط للينيون بارتى Union Party

[SASASOFO]

بسم الله الرحمن الرحيم

ده أول موضوع ليا فى القسم التعليمى و اتمنى افيدكم و لو فى حاجة غلط فى التنسيق تعذرونى

طبعا موضوع الينيون بارتى ده لسة جديد بقالو أقل من شهر و ناس كتير مش فاهماه
الموضوع باختصار انك ممكن تضم 4 بارتى مع بعض عشان يبقى المجموع 32 عضو فى البارتى
بس البفات بتاعت كل بارتى بتبقى منفصلة يعنى لو البارتى الاولى فيها guard tambour مش هتروح لل 3 بارتى التانين

و حسب رأييى الشخصى فايدتها الوحيدة فى الفورتريس وار عشان كل واحد يقدر يشوف أعضاء ال 4 بارتى فى الخريطة

نبدأ فى الشرح التفصيلى

أول حاجة بتحتاج تشترى ايتم اسمها union party ticket
و لازم تبقى معاك فى ال inventory و على كل بارتى تدخلها معاك فى ال union party بيتاخد منك 1 union party ticket
ودى بتيجى من مكانين Guild manager و Grocery shop زى ما موضح فى الصورتين دول





وعشان تدخل خانة الينيون بارتى بتدوس P بعد كدة بتلاقى كلمة Union Party على الشمال تانى واحدة



و ده شكلها لو أنت مش فى بارتى يعنى متقدرش تعمل ينيون بارتى أصلاً (لازم 2 على الأقل)



أول شرط يكون فى 2 بارتى كل واحدة فيها عضوين على الأقل و كمان
شرط تانى مهم ان لازم عشان تقدر تدخل بارتى تانية للينيون بارتى بتاعك انهم لازم يكونو من نفس النوع بمعنى ان لو البارتى الأولى item auto share & exp auto share لازم التانيين يبقو زييها بالظبط

و الشرطين دول موضحين فى الصورتين اللى تحت دول





بعد كدة بيدخل ال union party master و يظبط نوع البارتى من خانة ال union party زى ما موضح فى الصورة دى



لو أنت معاك بارتى فيها عضوين و حاولت تدخل واحد فى بارتى لوحده (مينفعش لازم كل بارتى 2 على الأقل ) بتيجى الرسالة اللى موضحة فى الصورة دى



أما لو انت فى بارتى فيها عضوين و بتعمل invite ل party master وافية الشروط (عضوين على الأقل و نفس نوع البارتى ) بتيجى الرسالة اللى موضحة فى الصورة دى



و دى الرسالة اللى بتوصل لماستر البارتى التانية لما ماستر الأولى يعملو invite لل union party



و دى الرسالة اللى بتيجى لما يدوس accept و شكل الينيون بارتى بعد دخول أول بارتى



و بيظهرو بلون أزرق خفيف فى اللعبة و لون بنفسجى فى الخريطة زى ما موضح فى الصورة دى



و ده شكل الينيون بارتى فى البارتى التانية بمعنى ان كل بارتى بيظهرلها ال 3 بارتى التانيين فى خانة الينيون بارتى و بيبقى فى علامة تاج على union party master زى ما موضح فى الصورة دى



و دى لما تحب تطلع من الينيون بارتى بتعمل زى ما موضح فى الصورة دى



و بتيجى الرسالة دى لو دوست Yes



فى حاجة بسيطة لازم تعرفها
ان لو 2 بارتى مثلاً عاملين union party مع بعض و واحدة منهم فيها ناس جالها disconnect بتفضل الunion party شغالة عادى بشرط ان يتبقى فيها 2 على الأقل
أما لو البارتى كلها disconnect بتطلع البارتى من ال union party خالص و لازم تدخلها من الأول بعد ما يفتحو زى منا شرحت قبل كدة

و برضه الينيون بارتى تقدر تعملها فى أى وقت و أى مكان لكن فى رأييى فايدتها الوحيدة فى الفورتريس أو لو فى خناقة فى ال pvp والينيون بتاعك عامل 2 بارتى و مش عايز ضرباتهم تيجى فى بعض

الموضوع مجهود شخصى منى و كل الصور دى من الاكونتات بتاعتى و مفيهوش حرف منقول

أرجو تكونو استفدتو من الموضوع و لو فى أى غلطات تنبهونى ليها عشان أصلحها

و لكم جزيل الشكر