٠•● ۩۞۩ شرح الواريور (التمبلر والجلادييتور) ۩۞۩ ●•٠·

[captin_Don]

بعد بحث عميق وخبرة مش قليلة في الجيم ، قررنا اننا نشرحلكم الكلاسات الموجودة بأغلب تفاصيلها ...
وبالطبع لو فيه حد فاهم اكتر مننا وحابب يضيف شيئ أو يعدل ... ياريت يراسلني .
طبعاً زي ما إحنا عارفين ان كلاس الـ Warrior بيتقسم لـ 2 بعد ليفل 9 وطبعاً إنت بتختار تبقى واحد من الأتنين دول Templar أو Gladiator




نبداء بشرح اول كلاس Class الـ Gladiator



نقاط الشرح

1- ايه هو الجلادييتور ؟
2- ليه الجلادييتور بدل التمبلر؟
3- إليوس جلادييتور ولا الاسموديان جلادييتور !
4- الأسلحة والـ Polearm ولا الـ GreatSword ؟
5- GodStone
6- المراوغة الضربات الاوتوماتيكية .
7- إختيارات الماناستون .



* إيه هو الجلادييتور ؟

الجلادييتور في أيون خليط بين الفيزيكال (استرينس) اتاك وبعض أسكيلات الـضرب من مسافة ،
الديفنس بتاعه عالي وعنده اسكيلات بتخلى الديفنس يزيد ، وفيه بعض ناس بتعتبره بديل رائع للتمبلر
لأنه برضو عنده أتش بي كتيرة .
ويعتبر الجلادييتور كلاس الضرب الجماعي (يضرب كذا مونستر مع بعض) ودا يرجع لأن الوقت المستخدم لتحميل أسكيلات الضرب الجماعي أقل من اي كلاس تاني.



* ليه الجلادييتور بدل التمبلر؟

الكلاسين تبع الـ Plate ، بس الجلادييتور عنده سكيلات هجومية أكتر من التمبلر ، والتمبلر عنده سكيلات دفاعية أكتر
بمعنى أنك لو بتحب تموت المونسترات بسرعة وبتعرف تجري وتتحرك بسرعة وعندك الإمكانية انك تتعايش وماتموتش ،
فالجلادييتور دا الكلاس بتاعك . وزي ما قلت الجلادييتور له اسكيلات بيضربها من بعيد وهشرحها الوقتي :
1- Cleaves ودا بيضرب فيزيكال من بعد 25 متر

2- Ankle Snare ودا بيضرب من على بعد 25 متر وغالباً بيعمل Stun او يوقفك ...
ودا كان اجمد سكيل عند الجلادييتور قبل الابديت 3.0 لأن الابديت 3.0 نزل فيه اسكيلات اجمد.

3- AOE ومعناها Area of Effect ولما تسمع الكلمة دي في الجيم اعرف ان الشخص بيقولك استخدم اسكيلات الضرب الجماعي ،
بالنسبة للجلادييتور اسكيلات الضرب الجماعي بتوزع الضرب حوليك لغاية 7 متر حوليك وبتضرب لحد 6 اشخاص او مونسترات حولك .



* 3- إليوس جلادييتور ولا الاسموديان جلادييتور !

الجلادييتور عند الاليوس ، هو نفسه عند الأسموديان ، الإختلاف في 2 سكيل فقط وهشرحهم الوقتي

Force Blast عند الإليوس :
ضربة فيزيكال بتضرب على بعد 15 متر ولغاية 5 اعداء حوليك (سواء بقى مونسترات أو اشخاص) وتأثيرها الجماعي بيأثر على 10 متر حوليك ،
وكمان الضربة دي بتقلل الدفاع الفيزيكال بتاع الشخص او المونستر اللي انضرب بنسبة 500 نقطة لمدة 30 ثانية.

Piercing Wave عند الأسموديان :
برضو ضربة فيزيكال بتأثر على 12 مونستر أو شخص في مسافة 10 متر حوليك ، وبتقلل الدفاع الفيزيكال للي حوليك بنسبة 500 نقطة لمدة 30 ثانية .

يعنى في الأسكيل دا ، نستنتج إن الإليوس بيضرب 5 بس من على بعد 15 متر ، والأسموديان بيضرب 12 على مسافة 10 متر !

نخش على الاسكيل اللي بعده

ستيجما Shattering Wave للإليوس : زيها زي Force Blast بس دي بتضرب 18 بدل 5 مونسترات او اشخاص
ستيجما Piercing Rupture للأسموديان : زيها زي Piercing Wave بس دي بتضرب 18 بدل 12 مونستر او شخص.

الفرق بين الأتنين ان الضربة الخاصة بالأسموديان بتضري ضعف الداميدج وشكل الحركة مختلف.


أسكيل Blessing of Nezekan للإليوس (الاسكيل بتشتغل بالـ DP بـ 4000) دي بتزود فيزيكال اتاك 80% ،
و دفاع ضد الضربات الفيزيكال 80% وبتزود السرعة 20% وبتزود سرعة الضرب بـ 20% لمدة 30 ثانية .

أسكيل Blessing of Nezekan للأسموديان (الاسكيل بتشتغل بالـ DP بـ 4000) بتزود فيزيكال اتاك 90%
ودفاع ضد ضربات الفيزيكال 30% والسرعة 20% وسرعة الأتاك 20% لمدة 30 ثانية .

يعنى الإختلاف هنا ان الاليوس دفاع اكتر من الاسموديان بـ 10% وقت تشغيل الاسكيل ، والاسموديان ضربات أقوى بـ 10%.
مازالت متساوية



ندخل على الأسلحة :



كل كلاس في اللعبه له أسلحته الخاصة بيه ، واللي مخلي الجلادييتور مميز إنه يقدر يستخدم كل الأسلحة
(القوس، الخنجر، السيف، الدرع ، المطرقة إلخ ... ) عدا كتاب التعويذات والجوهرة بتاعت المشعوذ (الـ Sorcerer ) والصولجان ( Staff ) بتاع الـ Chanter .


السلاح الرئيسي للجلادييتور بيكون الـ Polearm و الـ Greatsword والسلاحين بيضربو 4 أنواع من الضربات كالتالي :


الـ Greatsword دقة أعلى ، كريتيكال أقل (كريتيكال اللي هي الضربات الحاسمة) وضرباته متناسقة أكتر بجانب إن سرعة الضرب منه بتكون أحسن لو انت بتضرب مونسترات PvE .

الـ Polearm دقة أقل ، كريتيكال أعلى ، وضرباته مش متناسقة وأبطئ من السيف
ولكنه أحسن وقت الـ PvP عشان بيضرب جامد.

الـ Bow (القوس) فكرة كويسة برضو انك تضرب بيه عشان الجلادييتور أصلا لازم يضرب وهو قريب من الهدف ،
ولو معاك قوس ومثلا المونستر أو شخص بيجري منك ، تضربه كام ضربة توقفه

(ملحوظة : أغلب ضربات القوس بتعمل Stun للهدف حتى لو انت بتضرب ضربه عادية بدون أي سكيلات).




ندخل في المهم وهنتكلم الوقتي عن الـ GodStone المناسبة للكلاس ده :

بما إن الجلادييتور بيضرب الـ 4 أنواع من الضربات فيعتبر الكلاس دا بيستنفع جامد اوي من الـ Godstone ،
وعشان كدا ، إختيار الـ Godstone الجولد بيتكون مفضل عشان فايدته أكتر ،
فـ إقتراحاتي لكم هي :
Silence, Blind, Slow , Root , Attackspeed Reduction والأكتر منفعة ليك كجلادييتور هي الـ Paralayse بس غالية فشخ .





المراوغة والضربات الأوتوماتيكية :

المراوغة دا تكنيك في اللعبه بيخليك تقدر تضرب ضربات عادية (بدون اسكيلات) بين ضربك بالإسكيلات، والحركة دي بتزود إجمالي الضرب بتاعك ، مثلا إنت ضرب اسكيل وضرب معاك 1000 وبعديه على طول في نفس الثانية خليته يضرب ضربة عادية ضربت معاك ب400 !! هنفترض انك ضربت 4 اسكيلات وكل اسكيل ضرب 1000 وضربت وسطيهم 4 مرات كل مرة 400 ، هيبقى إجمالي ضرباتك 4000+1600 = 5600 بتفرق برضو!
المراوغة بتتعمل ازاي :
الانيميشن بتاعك وقت ماتكون بتضرب الأسكيل العادي ، ماينفعش تتلغي ولو جربت تتحرك وقت الضرب ، الضربة هتتكنسل او مش هينفع تتحرك (حسب نوع الضربة) لكن الانيميشن بتاع الضربة العادية (اللي هي من غير اسكيل) بتقدر تلغية بإنك تتحرك يمين وشمال وهو بيجري هتلاقيه بيضرب (بس لازم تكون قريب من الهدف) ودا بيخلي إجمالي الداميدج بتاعك حلو وبالأخص لو انت معاك Godstone مؤثرة زي الـ Paralayse (هتنفخ اللي ادامك).



الماناستون والسوكت :

الجلادييتور بيوقع اللي ادامه على الارض كتير ودا بسبب الكريتيكال بتاعه وعشان كدا لما تعمل سوكت لكام واحدة كريتيكال في اللبس والسلاح بتاعك هتبقي
فكرة حلوة عشان تصطبح على اللي ادامك .

الجلادييتور برضو محتاج أتاك عالي للـ PVP وعشان كدا برجح انك برضو تستخدم الأتاك ماناستون .

طبعاً حسب ميولك في اللعب لو بتحب تضرب أكتر في المونسترات وتعمل Instances ولا غاوي PvP
لو انت حابب تقضيها ضرب في الوحوش وتعمل كهوف والكلام دا ،
يبقي إقتراحي لك تحط على كل لبسك Attack عدا قطعة واحدة في لبسك تحط عليها كريتيكال

إنما بقى لو انت غاوي PVP دا له كذا طريقة وانا شفت ناس معاها اكتر من طقم PvP وعاملينه كالتالي :

طقم كامل عليه Magic resist
طقم تاني 4 حتت منه عليهم كريتيكال و1 عليها أتاك + الأتاك اللي على السلاح أصلا
طقم كامل عليه أتاك بس (ودا مابيطلعش PvP لوحدة لازم ياخد واحد ماجيك معاه عشان يكسرو الدنيا)
وفي الأخر مسئلة السوكت والماناستون دي بتبقى حسب دماغك في اللعب ماقدرش أقول ان اللي انا بقوله دا قواعد لازم يتمشي عليها ..
الحرية ليك في إختياراتك في الماناستون بس انا حاولت أوضح بناءً على إيه بتحط الماناستون


ودا فيديو للجلادييتور وقت اللعبه وكدة

ودا فيديو للجلادييتور وقت اللعب
[YOUTUBE]Pgf9gdNSHuA[/YOUTUBE]




وتاني كلاس معانا هو اللـ Templar




نقاط الشرح :

1- ايه هو التمبلر ؟
2- اللبس.
3- الماناستون والسوكت
5- التكتيك بتاع التمبلر
6- أسرار التمبلر




* إيه هو التمبلر ؟

التمبلر هو الكلاس الوحيد التانك في اللعبة ، والكلاس دا مش سهل عشان اي حد يلعب بيه، مهمتك الأساسية لو انت عملت تمبلر انك تحمي الجروب بتاعك ودا محتاج تكنيك خاص بيك انت.
ومهمتك وقت ماتكون بتلعب لوحدك ، إنك تعيش أطول وقت ممكن ، من الآخر أعلى دفاع وضرباته معقولة وكويسة
من الآخر ، التمبلر دفاع ممتاز وداميدج متوسط .



البس



1 - أغلب التمبلر في اللعبه بيلعبو بلبس خاص شوية وهو انك تمسك المطرقة ( Mace ) والدرع ( Shield ) .
2- الـ Greatsword بلاش لأنك لو استخدمته فيه شوية كومبو مش هتقدر تعملهم واسكيلات الـgreatsword مش بتساعد قوي.
بس دا مايمنعش انك تمسكه في بعض حالات.
وبالنسبة للبس العادي بتاعه ، هو بيلبس الـ Plate
وبالنسبة للأكسيسوري ، اختار أعلى النسب ديما عشان الكلاس دا بيفرق معاه النقطة الواحدة.



الماناستون والسوكت

هدفك الرئيسي في الجزئية دي هو الكريتيكال، والأتش بي !
ماتحطش ماجيك بوست ولا اي حاجه فيها ماجيك أصلا لأن دا كلاس فيزيكال !
انت تقدر تحط شوية بلوك ماناستون على الشيلك بتاعتك وتحط كريتيكال على السلاح وكم حتة من اللبس بتاعك + أتش بي ماناستون على باقي لبسك
الكلاس دا ضرباته سريعة بالتالي انت مش محتاج أتاك ماناستون ، هو كريتيكال بس وهتبقي شديد



التكتيك الخاص بالتمبلر

مهمتك الأساسية زي ماهو معروف إنك تحمي الجروب ودا بإنك تخلي مسافة بين المهاجم والجروب بتاعك اللي انت بتحميه .
وعشان كدا ارجح انك تستخدم الاسكيل اللي اسمه Storm blade عشان تلفت انتباه العدو لك ، وتضرب بكل اسكيلاتك الجامدة عشان الوحش يفضل عليك انت بس
وبعد كدا شغل الاسكيل اللي اسمه Wall of stell واستني بقى لحد مالشباب اللي معاك يخلصو عليه.
سهله صح؟ بس مش ديما بتكون سهلة لأن الموضوع دا بيعتمد على قوة الجروب اللي معاك !
وكتمبلر انت تقدر تموت أي حد الا الكليرك ، ابعد عنه لانه مش هيقدر يموتك ولا هتقدر تموته ! الا في حالة إنك حاطط Godstone Silence or Paralays وسلاحك ولبسك جامد فشخ!
لأن الكليرك طول ماهو واقف بيعمل Healing لنفسة بالتالي انت ضرباتك متوسطة فا هيقعد يعمل هيل وانت مش هتفضل تضرب فيه لحد الصبح ومش هيموت.
دا اهم شيئ لازم تعرفه عن التمبلر وبالنسبة للفريق اللي يمشي مع التمبلر ، الأساسي جنبك ومعاك Chanter + Cleric
وبالنسبة للشباب اللي هيضربو Ranger for phy attacks و Sorcerer for magical attacks
وبكدا تبقو جروب معدي!



أسرار التمبلر :

بالنسبة ليك وانت في جروب وبتعمل PvP اهم شيئ تعمله إنك تبقى ظاهر وتقعد تجري عشان تخلي اللي بيضرب يضربك إنت لحد مالجروب بتاعك يخلص عليه
إنما بقى لو بتلعب لوحدك ، أول مايبدأ ضرب ، سيبه يخلص كل الكومبوهات بتاعته ويجيب أخره وبعد كدا هتبقي كل الاسكيلات بتاعت الطرف الثاني مش هينفع يضربها إلا لما العداد بتاعها يخلص .. وساعتها بقي .. اديله على نفوخة!
لكن ماتضربش اسكيلاتك التقيلة أول ماتبدأ سيبه هو يخلص الأول ويجيب ماعنده.


ودا فيديو للتمبلر وقت اللعب
[YOUTUBE]H3TSiegIYOk[/YOUTUBE]

مصدر المعلومات : Aion Forums
مع تحياتي ،
تم التنسيق بواسطة MFA1486