حكايتى (Eve) مع Immortal Sro

[UnDone]

Eve / MindFreak
أنا دخلت اللعبة دية بظبط من أسبوعين و مكنتش أعرف عنها حاجة نهائى غير أنها لحد لفل 130 بطقم ديجرى 15... أول يومين جبت لفل 130 و أتعرفت على واحد ورانى أجيب طقم ديجريى 13 منين و عرفت بعديها أن ديجريى 15 حكر على اللى بيشحنوا سيلك و أن ديجريى 14 غالى جدا و صعب أنك تجيبة ألا بعد ما يطلع عينك على الأقل شهر تشتغل بأم بوت .. و أضايقت أكتر علشان مفيش شرح و توضيح للناس اللى بتنزل اللعبة .. يعنى هما لو كتبوا أن طقم ديجريى 15 صن أو الديجريى 15 حيكون حكر من الأول كان زمانا دورنا على لعبة تانية ...

المهم ظبط طقم ديجريى 13 و سلاح 13 و أتعرفت على كام واحد فى اللعبه و بقينا صحاب و طبعا بعد ما جبت 130 و ظبط الطقم بتاعى مفيش حاجة أعملها أنا غير أنى أخد يونيكات أو أشغل بوت و خلاص كدة و طبعا لأنى واريور مينفعشى أخد يونيكات ولا أخش بى فى بى أفينت لأنى ببساطة حخش مع ناس من اللى بتكون شاحنة سيلك و ماسكة سلاح ديجريى 15 و فى نفس الوقت لو جيت تلعب بى فى بى أو فورتريس وار أو حرب بى فى بى حتلاقى نفسك بتموت 2 3 ضربات بالكتير من أى حد ماسك سلاح ديجرى 15 و طبعا لو ضربتة حتلاقى ضربتك متساويش حاجة قدامة و بالتالى الجيم مفهاش متعة نهائى ولا فيها تكافوء ...اللى متحكمين فى اللعبة هما الناس اللى شاحنة سيلك و جايبين الطقم ديجرى 15

بالنسبة للفورتريس وار فا اللى ماسكينها معظمهم من اللى شاحنين سيلك أو شارين أيتيمز بفلوس ... أما بالنسبة للجوب وار فمفيش حد بيطلع يعمل تريد أو أى حاجة لأن مفيش حاجة مميزة فيها هى هى نفس الفلوس و مش جايبة همها

الجم بيهزر معاك و يرد عليك و بتحس أنة صحبك بجد لكن بردة فى سوء معامله منة و تكبر أو زى ما بنقول بيقل منك يعنى من يومين كلمت واحد من الجى أم فى اللعبة و قولتلة على المشكلة اللى عندى أن كان فى أوقات لما بتضرب فيها الوحوش مش بتنزل أيتيمز أو جولد ولا بتدى سكيلز ولا حاجة و الصراحة الراجل فى غاية الزوق جية و شاف الحوار بس مفهمشى دة بج ولا حاجة عادية فى الجيم و قالى لأ دة عيب فى الوحوش بس و كدة ... المهم على بليل لقيت الجى أم كاتب فى الشات أى حد حيقولى عاوز بلفل أو الوحوش مش بتنزل أيتمز أنا حنسفه ... و طبعا الكلام كان ليا بشكل غير مباشر يعنى لما كلمتة قالى مش ليك هوا أنت تعرف مش ممكن يكون فى ناس غيرك قالوا على الموضوع .. المهم الموضوع طال و زاد و خلص على أنة الكلام مش ليا و أنة يتكلم براحتة علشان بيطلع عينة من كتر الأسبام اللى الناس بتعمله .


المهم الموضوع دة ضايقنى جدا و كنت بفكر أسيب الجيم ساعتها و الحمدلله من حظى السلاحين ديجرى 14 اللى كانوا معايا أتكسروا فى 12 و ال 13 و سيبت الجيم النهاردة بعد ما وزعت الأيتمز بتاعتى

بس قبل ما أسيب اللعبة كان معايا سلاح +15 عليه أدف +2 و الحمدلله رفعتة +20



نصيحة للجى أم : لو عاوز السرفر يكون مليان .. يا ريت تكون واضح فى كلامك مع الناس و يا ريت تنزلهم حجات كتيرة و تخلى بقية الجى أم يتعامله بتقدير و أحترام شوية للناس اللى فى السيرفر .. أة أنا معاك أن فى معظم اللى فى السيرفر صغيرين بس دة مش معناه أن مفيش ناس كبيرة هناك و بلاش حوارات اللى حيسألنى أعمل أيفينت أية حديلة بان و مش عارف أية .. الناس بتكلمكوا من عشمها و لو فضلتوا كدة كتير و أديتوا لكل واحد بان كل شوية مش حيتبقى فى السيرفر أى حد مع أنة أصلا فاضى على كدة و الناس حتروح على السيرفرات التانية .. النهاردة خسرتوا واحد متعرفوش بكرة حتخسروا كام واحد