ياه لو كلنا نبقي مع بعض زي الراجل ده !!!

[medogogo_182]

السلام عليكم ورحمة الله وبركاته
اولا كل سنة وانتوا طيبين وبصحة وبسلامة وعيد فطر مبارك عليكم

انا حبيت بس اني استفسر علي حاجه غريبة
ليه دايما لما حد يشتمنا ولا يقل ادبه احنا نقوم نشتم ونقل احنا كمان ادبنا قال ايه بهدف اني اجيب حقي
ازاي يعني انت كده جبت حقك بالعكس انت كده بقيت في مستواه لانك عملت اللي هو عمله معملتش شيء جديد ليه مثلا ماديهوش جلوبال ابين فيه للناس اني مغلطش فيه ومش هرد عليه هل الناس مثلا ممكن تفتكرنا ضعاف
مظنش وده لسبب لو انت كنت ضعيف هو اصلا مكنش هيشتمك بالعكس الي بيشتمك ده بيبقي غيران منك اكيد هو شايفك احسن منه فشتمك
يا ريت يا اصدقاء انكم تفكروا في الموضوع ده كويس وتحاولوا تغيروا فكرة الناس عنكم بالعقل مش بالجلوبلات الفاضية اللي تحرق الدم

طيب دلوقتي ايه علاقة ده باسم الموضوع

علاقته ان الراجل ده اثبت (ليا انا علي الاقل وده يكفيني) قد ايه انه انسان محترم جدا وجدع جدا وصاحب صاحبه بجد وعمره مبينسي صحابه

الموقف كلاتي انا مبقالييش فتره كبيرة راجع اللعبة وطبعا لقيت الفريندز عندي بتلمع من البياض بس انا كنت فاكر اسامي ناس كتير من اللي اعرفها فكنت بحاول اكلمهم اللي يعمل نفسه مش عارفني واللي يقولي انا مش هو انا واحد صاحبة واللي ميرودش اصلاوهكذا وكان منهم الراجل اللي هتكلم عليه دلوقتي كان مبيرودش
طبيعي اني ازعل منه لكن اللي حصل النهارده ان دل علي شيء فيدل علي قد ايه هو انسان محترم
انا قولت ادخل في بارتي في الكهف عشان الفل بقالي كتير قوي مشوفتش كلمه بروموتد:) المهم دخلت بارتي بتاعت واحد معرفهوش الاقي الشخص ده لفل 50 واللي بيلفلهم هو تاني واحد في البارتي لفل 90 من هو بقي اللي بيلفلنا ده طلع صاحبي
قمت دافع الفلوس للاولاني اللي هو عامل البارتي وقولت اما اشوف صاحبي ده قاعد ولا لا لقيت الاولاني بيرد عليا يقول هو مش موجود وانا اخوه فقولتله سلملي عليه شويه ولقيته بيعمل معايا اكستشنج تاني فوافقت لقيته بيحط تاني الفلوس اللي اديتهاله قولتله لا مش عايزها دي حقك قالي انا صاحبك اخويا اللي كان قاعد وميعرفكش وسلم عليا وسالني علي حالي وقعد يحلف عليا انه يديني الفلوس وانا مرديتش قولتله عشان حلفانك لو هتقعد ساعه كمان انا عايز كمان ساعه ويبقي ده حقها وكده يبقي حلفانك موقعش
تخيل يكون رده ايه بقي سالني انت كام % قولتله لسه بدري انا لسه 30%(لفل56 جاب 6) قالي وايه اللي خلاها بدري انت هتلفل النهارده يا صاحبي انت بقالك كتير ملفلتش وانا عشان انت واحشني هلفلك النهارده قولتله بس انا مش هقدر لاني ممعييش فلوس تكفي اللفل قالي ومين قال اني هاخد من فلوس تاني انت معايا لحد مالجهاز يفصل وحلف عليا تاني اني ممشيش من البارتي وقعدنا نتكلم لحد مهو تعب مني ودخل ينام :) (زيكم كده بعد متقروا الموضوع) وقام فاتح البوت وساب الكركتر بتاعي يلفل مع الكراكتر بتاعه ولحد دلوقتي انا موجود في البارتي ولفلت الحمد لله في 11 ساعه وبجد انا مش عارف اقوله ايه اشكره بيه بجد ده انسان جدع جدا جدا جدا جدا جدا ولو قولت ايه مش هقدر اوفيه لانه عارف يعني ايه اصحاب في الجيم وبره الجيم كمان لعمري شوفته زفر لسانه علي حد ولما بيحصل بيبقي هو شخصيا زعلان من نفسه وعنده الجراه انه يرجع يعتزر عشان قال حاجه زي كده بالرغم من انه مغلطش في الاول

طبعا اللي قرا الموضوع لحد هنا اكيد نفسه يسال مين هو الشخص ده؟ انا هجاوبك واقولك الشخص ده هو

JR_Daney
Master Guild Nod1

انسان محترم ومن الناس المحترمين اللي في الجيم ومن المصريين اللي الواحد يفتخر انه يعرفهم بره وجوه وفيه زيه مصريين بس قليلين ونفسي يكتروا ويشرفونا اكتر واكتر في الجيم عشان نعرف الناس مين هما المصريين وايه هي مصر

اسف اني طولت عليكم بس كان نفسي اقول علي حاجه جوايا ونفسي اشوفها في المصريين المحترمين اللي ان شاء الله هيزيدوا في الجيم

كل سنه وانتوا طيبين مره تانيه
السلام عليكم ورحمة الله وبركاته

eragon_lonly