ممكن يكون السؤال تافه شوية بالنسبة لبعض الناس وممكن أبان إن شكلي أهبل بس الموضوع ده محيرني جامد وعايز حد يساعدني
أصل الصراحة يعني .. أنا بشوف ناس عندها كمية مشاركات بالهبل .. مع إنها أحيانًا بتبقى مشتركة من فترة قريبة في المنتدى ومع ذلك بيبقى معاها مشركات كتيرة جدًا ,, زي مانتو شايفين أنا مشترك هنا في المنتدى بقالي سنة واحدة ويدوب معيش غير 160 مشاركة .. وبشوف ناس مشتركة بقالها أقل من سنة ومعاها فوق 1000+ مشاركة
مع إني في القسم الي أنا فيه تقريبًا أنا أنشط واحد فيه وبجاوب على كل الناس بلا إستثناء وعندي مواضيع جامدة .. أي نعم مش كتير بس الردود بتاعتي ومشاركتي بتبقى واضحة في القسم حبتين .. وللأسف أنا كنت عايز أبقى مشرف على القسم بس مش معايا مشاركات كافية عشان كدة معرفتش أتقدم بطلب ترشيح
مش عارف يا جدعان أعمل إيه بالظبط عشان أبقى معايا مشاركات بالكم الهائل اللي أنا بشوفه عند ناس كتير أوي كدة
طبعًا أنا سألت هنا في القسم لأني عارف إنه أنسب مكان هلاقي فيه ناس كتير عنده معلومة وممكن ترد عليا خصوصًا إن القسم نشيط أوي عن باقي الأقسام في المنتدى ..... وياريت محدش يقولي أقعد أعمل مواضيع كتير في مسودة الأعضاء عشان أزود مشاركاتي لأن أنا كدة بضحك على نفسي أوي يعني ,,
وشكرًا مقدمًا ..
19-08-2014, 12:01 AM
المواضيع المتشابهه
.gif){kind=icon}
العرض الشجري