ياترى بيحصل عندكوا الكلام ده زى مابيحصل عندنا فى سيرفر سبارتا

[ابراهيم المسلم]

أولا السلام عليكم ورحمة الله وبركاته

ثانيا كل سنة وانتوا طيبين

ثالثا انا عاوز اتناقش معاكم فى الموضوع ده

دلوقتى من مدة شهر ونص كان ال Uniques لما بتظهر كلها بتظهر ورا بعض
كانت فيها ميزة حلوة ووحشة

حلوة للى مستنى باله مده يجهز نفسه على طول

وحشة للناس اللى بتدخل متاخرة وتلاقى ان اليونيك مات


المهم تقريبا من شهر بدات حكاية مقززة جدا

وهى اليونيكات بدات تظهر وكل يونيوك و يونيوك الفرق الزمنى بينهم حوالى ساعتين

اه ساعتين
يعنيى مثلا اليوم اللى قتلت فيه الCerbrues :D

كنت مستنيه بعد لما اللورد مات وكان اول يونيك يظهر
كان الساعة 6 صباحا
الساعة 9 ونص الكربريوس ظهر

غير طبعا باه زى ماحصل يوم الخميس بتاريخ 13/12/2007

اليوريشى ظهرت وممامتش

غير باه طبعا المهزلة اللى حصلت يوم الجمعة 14/12/2007
كنت مستنين التايجر
تقريبا ربع السيرفر كان مستنيها والله

وراحت ظهرت
تخيلوا ياشباب نص ساعة الناس بدور عليها وفى الاخر ماتت

سألنا الواد اللى موتها قالنا ماتت عند China West Ferry
طبعا كلوا قعد يكتب جلوبال شتيمة فى اللعبة عشان نص الناس دورت فى الفارى

انا روحت والله العظيم مرتين هناك ومفيش فايدة

واخيرا مستنى ردودكم للتعليق