ممكن مساعدة في الحب/الحقوا صاحبي العبيط

[XxEgypT_1xX]

بسم الله الرحمن الرحيم

أنا عندي مشكلتين ومش عارف أحلهم إزاي ياريت حد يساعدني ليا أنا وأعز صديق ليا.......

المشكلة الأولي.
أنا كنت مريت بتجربه حب فاشله ومخنوق أساسا ويادوب نسيت بس لقيت واحدة بسم الله ما شاء الله رجعتلي سعادتي تاني وحسيت الدنيا لسا فيها جمال وبرائة وطيبه أنا مكنتش عايز أكلمها أنا كل الي كان بيريحني أني أشوف وشها وأشوف عنيها وضحكتها ببقي في منتهي سعادتي وهي كلها شهر ومبقتش بشوفها ولا أعرف عنها حاجه المهم أهي عدت بس لقيت بنت تانية معجبه بيا أنا معرفتش غير بعد فتره لأن مكنتش عايزاني أعرف بنت شكلها محترمه وجميلة وهادية وفيها كل المواصفات الي أي حد يتمناها كانت بتبصلي لما أدير وشي أنا عرفت من واحد من اصحابي بس اتأكدت بنفسي بعدها
المشكلة بقا أني مش مشدود ليها ومش قادر أدخل تجربه حب تاني لحسن تفشل زي الأولي ومش عايز أكلمها وهي تكون بتحبني وأسبها في الأخر لأني مش متأكد من مشاعري ناحيتها ولا عايز أسبها كدا لأني محبش انها تكون متعلقه بيا وأنا مش معبرها وغير كدا أنا لسا شايل في قلبي البنت الي كنت أول ما أشوفها ترجعلي حياتي تاني ولسا مستني يمكن أشوفها تاني قولولي أعمل أية أكلمها وأفهمها ان مينفعش حاليا علي الأقل ولا أطنشها ولا أعمل أية بالظبط؟؟؟؟؟

المشكلة التانية.

واحد من أعز وأفضل أصحابي جه قالي أنا بحب(كذا) وعايزك تقولي أكلمها إزاي
لقيته معجب بواحدة مسيحية مع إحترامي لكل المسيحين بس دا مسلم وهي مسيحية ازاي يعني مينفعش
ببساطة قلتله أنت عبيط ولا أية ملقتش غير دي دول البنات علي قفا مين يشيل
بس بصراحة بنت تستاهل أدب وأخلاق وجمال طبيعي يغلب أي جمال مصطنع في الدنيا دي ورقيقة
بس ازااااااااي
حاولت انسيهاله بعتله رساله أنا شفتها ماشية مع واحد أتصل بيا وحلفني أقول الصدق وقالي أنا مش قادر أذاكر ولا عارف أركز في حاجه من ساعة ماقلتلي كدا يا ياسر أنا بحبها بجد قلتله دي حتي مؤدبة مينفعش تاخدها حتي تسالي قالي لأ أنا بتكلم بجد وعايز أتجوزها قلتله(-*-*-*-) يعني سايب البنات كلها وملقتش غير دي؟ المهم حلفني فا قلتله الحقيقه
أنا مش عارف بصراحة أنصحة أزاي ولا أقوله أية ولا أهبب معاه أية قبل ما تكبر في دماغة وانتو عارفين الحب أعمي وتقريبا دي أول واحدة يتعلق بيها كدا يعني صعب انسيهاله
أرجو النصيحه سريعا واسف علي الإطالة