المشرف المافيوزي الي اتولد بتاريخ الامس ,, ضيفاً علي كرسي الاعتراف

[hermione]

المشاركة الأصلية كتبت بواسطة WOLF 757 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هما بس 5 اسئلة :o

1 = لو فيه بنت عجبتك في الكلية وعاوز تكلمها ,, فاايه هتكون طريقتك في التعارف عليها .

اختيارات : ( وشرط تختار منهم مع ذكر السبب ) :D

( 1 - توقف قدامها بوجه بارد وتكلمها دغري , 2 - ترمي قدامها الكشكول وتعمل نفسك احول :D , ا3 - تجيب كاتلوج وتتعلم منه طرق تعليق البنات ؟ )


===================

2 ) - كم Unique قاتله في اللعبة << :D

===================

3 ) - ايه سبب تعلقك بـ شخصية ( هيرموني بتاع الفلم مش انته :D) ؟ ( علي شكلها ؟ او شخصيتها ؟ او صدفة كدا :D )

===================

4 ) - في نظرك فيه اعضاء ليهم فترة مدخلوش المنتدي وسابو فراغ كبير ؟

===================

5 ) - سمعت من قناة دريم سبورت انك كنت بتحب وبتلعب الكورة ( والقدم طبعاً :D ) فاليه اعتزلتها ؟

+++++++

ودول بس .. عشان والله جدعان اوي الي حطولك الاسئلة ماخلوليش حاجة خالص :D

للتذكير عشان ماتخدش في الرجلين يعني

1 = لو فيه بنت عجبتك في الكلية وعاوز تكلمها ,, فاايه هتكون طريقتك في التعارف عليها .

اختيارات : ( وشرط تختار منهم مع ذكر السبب ) :D

( 1 - توقف قدامها بوجه بارد وتكلمها دغري , 2 - ترمي قدامها الكشكول وتعمل نفسك احول :D , ا3 - تجيب كاتلوج وتتعلم منه طرق تعليق البنات ؟ )

اول طريقة طبعا

السبب : لأن مفيش اسهل من الطريقة دى :D ادخل على البنت بقلب جامد ومترددش

2 ) - كم Unique قاتله في اللعبة <<

(هو بيسأل اسألة سهلة كدا ليه اصبر كدا اتأكد من اسم عضويته .. هو WOLF_757 :eek: غريبة يعنى )

يونيك واحد لغاية دلوقتى

3 ) - ايه سبب تعلقك بـ شخصية ( هيرموني بتاع الفلم مش انته :D) ؟ ( علي شكلها ؟ او شخصيتها ؟ او صدفة كدا :D )

انا بحب اتفرج على افلام هارى بوتر لأن بيعحبنى اى فيلم فيه جرافيك عالى
وبحب العب فى سيلك رود بشخصية بنت زى ما قولت قبل كدا
فكان الاسم الوحيد اللى جه فى بالى اسم Hermione شخصية مشهورة واسمها جميل

4 ) - في نظرك فيه اعضاء ليهم فترة مدخلوش المنتدي وسابو فراغ كبير ؟

اه طبعا ناس كتير قوى من اللى كنت بقلب المواضيع معاهم شات :D اختفوا ودا من الاسباب اللى خلتنى بعيد عن قسم بعيد عن سيلك رود لأن عنصر المتعة اللى كان فى القسم مش موجود :(

5 ) - سمعت من قناة دريم سبورت انك كنت بتحب وبتلعب الكورة ( والقدم طبعاً :D ) فاليه اعتزلتها ؟

حكاية طويلة قوى :o

هختصرها لأن كل ما افتكرها بزعل قوى

انا كنت بحب لعب الكورة دا اكتر من الاكل والشرب .. كنت ازوغ من المدرسة والدروس وكنت اقضى اليوم كله فى النادى

والنادى اساسا جنب البيت بـ 200 متر ولا حاجة

مش عايز امدحلك فى طريقة لعبى ولا اقولك انا بلعب زى مين ولا بعمل ايه ..

المهم قلت اشوف بقى مستقبلى فى الكورة رحت قدمت فى الاختبارات بتاعة التقديم فى نادى

المهم رحت الساعة 8 الصبح فضلت قاعد لحد الساعة 2 الضهر علشان ادخل اختبر

الكلام دا كان فى عز الحر والساعة 2 الضهر المهم كلت ضربة شمس مكنتش قادر حتى اجرى لأن مكنتش حتى فطرت

العيال اللى كانوا معايا بسم الله ما شاء الله مفيش واحد فيهم بيباصى كورة كان فاضل شوية وهقطع الكورة من الناس اللى معايا :D

المهم طبعا اترفضت:o

قلت مش مشكلة حصل خير اقدم السنة اللى بعدها

سبحان الله نفس الحوار حصل معايا بالظبط بنفس التفاصيل بكل حاجة بس كنت بقدم فى نادى تانى غير الاولانى

آروح الساعة 8 والعب برضه الساعة 2 وفى عز الحر وكنت تعبان قبلها بيومين

اترفضت لتانى مرة :(

دا كان اكبر يوم ليا من ساعة ما اتولدت حسيت فيه بالاحباط والفشل وضياع مستقبلى اللى كنت بحلم بيه من صغرى الكلام دا كان من سنتين

من بعدها لغاية النهاردة وانا ملعبتش كورة غير حوالى 3 او 4 مرات .. ومبقتش حتى بتابع متشات فى التلفزيون


عارف يا اسامة كل حاجة بتحصل للواحد فى الدنيا دى بيكون ليها سبب

يمكن اى موقف بيحصلى فى الدنيا دى عرفت سببه ...إلا حاجة واحدة .. انا ليه اترفضت من الاندية ومطلعتش لاعب كورة ؟؟؟

لحد دلوقتى مش لاقى سبب للحصلى ...

بس فى الاول وفى الآخر بقول الحمد لله كل حاجة ربنا مقدرها للواحد بتكون خير :)




بس ايه الحنية فى الاسئلة دى يا أسامة .. بس انت خلاص كدا خدت بتارك منى تالت ومتلت :D

ارحمنى واقفل الموضوع :D