@_@ [ عايز مين يبقى مشرف عليك..!! ] @_@

[hermione]

السلام عليكم ورحمة الله وبركاته

اعضاء السيرفر الكرام

نظراً لأن مفيش مشرف عليكم من سيرفركم فاحنا قولنا لازم يبقى فيه مشرف

فايدة المشرف :

- تنظيم المواضيع

- حذف المخالفات

- حل مشاكل الاعضاء فى السيرفر

- حس الاعضاء على المشاركة وزيادة المواضيع الهادفة وزيادة النشاط فى القسم

- الرقى بالقسم لجعله من افضل اقسام المنتدى

دى بعض الاهداف اللى المشرفين بيتنافسوا علشان يحققوها ويكونوا من افضل المشرفين فى المنتدى لأنه بعد كدا بيترقى لحد ما بيوصل مراقب عام

.. ودا طبعاً بعد ما يظهر افضل ما عنده ويكون كل الناس فى القسم والمنتدى بيحبوه وبيحترموه

والحمد لله انا الاول كنت مشرف سيرفر Neptune وبعد المجهود اللى عملته فى Neptune الادارة عينتنى مشرف على جميع السيرفرات .. وغيرى من اخونا

المشرفين اللى وصلوا لمراقبين دلوقتى

علشان كدا يا جماعة انا عملت الموضوع دا ... دلوقتى بقى انا ليا طلب عندكم

بس ارجو من الناس انها تحترم كل كلمة هقولها فى الموضوع


- مطلوب عضو من اعضاء سيرفركم يبقى مشرف عليكم ..

بشرط

- عدد مشاركاته تبقى ازيد من 250 مشاركة ..( علشان نضمن انه اكتيف فى المنتدى وبيدخل كتير )

- السن يكون 17 سنة او ازيد ( علشان طبعاً زى ما انتم عرفيين فى اطفال كتير بتلعب اللعبة دى والادارة مش عايزة طفل يتحكم فى ناس كبار لما هيبقى المشرف سنه اكبر من 17

سنة هيقدر يتعامل مع الناس بشكل افضل)

- يكون محبوب من الناس فى سيرفره ( علشان مش عايزيين نعين مشرف بينه وبين الناس مشاكل على طول )

- يكون بيدخل على المنتدى كتير ( علشان فعلاً يبقى اد المسؤلية ويهتم بقسمه .. ويكون النت عنده كويس )


اظن الشروط المطلوبة حاجة بسيطة قوى


دلوقتى بقى يا اعضاء السيرفر المحترمين انا طالب من كل الناس اللى بتشارك فى السيرفر هنا انها تدخل تكتب حاجة من اتنين :-

1- انا عايز ابقى مشرف

2- العضو الفلانى ينفع يبقى مشرف

اظن الكلام بسيط جداً....


فى الحالتين الناس هتكتب الحاجتين دوول

- السن

- و سبب الإشراف ؟


بعد كدا الادارة هتقوم بالنظر فى الموضوع

وتشوف مين اكتر عضو الناس قالت ينفع يبقى مشرف .. وهنعمل موضوع تانى ونقوم بالتصويت من اجل اختيار افضل عضو ينفع للإشراف وبعدها هيتم تعينه مشرف

--------------


دلوقتى بقى اللى هلاقيه داخل الموضوع وبيقولى موضوع جميل وشكراً على الموضوع والحوارات دى انا مش هحذفله مشركته

انا هحذفله عضويته بكل مشاركاته اللى كانت قبل كدا فى المنتدى ... وصدقونى فى حاجة زى دى ;)

انا محدد الردود هتقتصر على ايه فى الموضوع هنا ... يبقى ارجو ان الناس متخرجش عن نص الموضوع

طوول ما انت بتحترم قوانين اى موضوع .. احنا هنحترمك ونشيلك فى عنينا من جوا

لكن هتغلط يبقى متلومناش على اللى هيحصل


تحياتى
som3a