حصريا التعديل على كلام الفلتر داخل اللعبة (ST Filter )

[Coolsp4ce]

شرح اليوم هيكون عن التعديل على كلام الفلتر داخل اللعبة


كتيير من الناس مش عارفة الطريقة اللى بتغير بيها الكلام بتاع الفلتر


والنهاردة هشرحلكم الطريقة كالعادة بالتفصيل الممل


اولا البرامج اللى هنستخدمها هتحملها

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



بعد ما تحمل البرامج هتظهر بالشكل ده






وعلشان نفوك الضغط بتاع الملف ده هنعمل زى الصورة ديه






بعد ما فكينا الضغط هيظهرلنا الفولدر ده











هندخل جوا الفولدر ده علشان نلاقى الملفات ديه





هندخل على الفولدر اللى اسمه release









هنلاقى جواه اصدارين اصدار x32 واصدار x64


احنا هنشتغل بالاصدار x32

هندخل على الاصدار x32 هنلاقيه بالشكل ده









وطبعا علشان نفتح البرنامج هيكون بالطريقة ديه
كليك يمين بالماوس ونختار
Run As Administrator







هيفتح معانا البرنامج بالشكل ده






هنروح بقى على فولدر الكلينت بتاع اللعبة علشان نجيب ملفات ال DLL الخاصة بالفلتر
هناخد نسخة منهم نحفظها فى فولدر خاص بأى اسم
ليه ياعم ناخدهم فى فولدر تانى ؟
علشان لما نعدل على حاجة وحصل مشاكل تقدر ترجع الاساسى ده تانى

وهناخد نسخة تانية على سطح المكتب علشان نعدل عليهم






هنروح بقى على البرنامج اللى فتحناه وسبناه مفتوح


وهنختار كلمة File اللى فوق فى البرنامج على الشمال
وبعدين نختار كلمة Open

علشان تدخلنا نختار منها ملف ال DLL







طبعا احنا حاطين نسخة من ملفات ال DLL على سطح المكتب
هنختار ملف اسمه DevKit_DLL.dll







علشان يفتحلنا الملف فى البرنامج بالشكل ده






وبعدين ندوس على السهم الصغير اللى متجه الى اليمين ده

علشان نختار منه اسم الملف اللى هنعدل عليه
1-




وبعدين ندوس على كلمة



2-Symbols



3- دوبل كليك شمال على DevKit_DLL.dll




علشان تظهر بالشكل ده






وبعدين هندوس على الشكل ده زى الصورة





علشان يظهر لنا الشكل ده





هنا بقى هندور على اللى احنا عاوزين نعدل عليه على سبيل المثال


هنعدل على اسم الراجل المحترم اللى عامل الفلتر







هندور على اسم thaidu0ng








هندوس دوبل كليك شمال على الاسم اللى ظهرلنا علشان يظهرلنا بالشكل ده









وبعدين نشاور بالماوس على الكلمة وندوس كليك يمين

واختارFollow in Dumb

ونختار DevKit_DLL.dll


زى الصورة بالظبط






بعد كدة ظهرلنا الكلام اللى كنا بحثنا عنه علشان نعدل عليه










والكلام ده هيتغير ازاى بقى ؟
هقولك تابع الشرح وركز اوى والصور شارحه كل حاجة


هنظلل كلمة .thaidu0ng

خد بالك من النقطة اللى بعد الاسم ديه مهمه
وبعدين كليك يمين بعد ما ظللت الاسم اللى هنعدله وانت على الكلمة بعد التظليل كليك يمين واختار

Binary

وبعدين Edit

هتظهرلنا بالشكل ده كدة







هنا بقى انا هنعدل الاسم ونغيره
هنمسح الاسم خالص اللى مكتوب






لازم تكون الخانات ديه فاضية بالشكل ده







هنكتب فى اول خانه الام اللى انت عاوزه
اول ما تكتب الاسم فى اول خانه اوتوماتيك يظهر فى الخانات كلها
ومتحاولش تغير اى لغة غريبة تظهر سيب كل حاجة تظهر زى ما هى
على سبيل المثال انا هغير الاسم اللى موجود بأسم المنتدى
silkroad4arab
زى الصورة كدة بالظبط
وبعد ما تكتب الاسم وتخلص دوس على كلمة Ok
زى الصورة كدة بالظبط



بعد دوست على كلمة Ok
هتظهرلنا الصورة ديه كدة





لاحظ هنا ان الاسم اتعدل وتمام





بعد كدة هندوس على كلمة Patches
وديه انا معلملكم عليها باللون الاحمر
زى الصورة كدة بالظبط





بعد ما دوسنا على كلمة patches

هتظهرلنا القائمة ديه




هنختار كلمة Patch File
علشان نختار مكان تانى نحفظ فيه الملف اللى عدلناه







بعد ما دوسنا على كلمة Patch File

هتظهرلنا النافذة ديه هنكتب اسم الملف اللى احنا عدلنا عليه

DevKit_DLL.dll
ونحفظة فى فولدر جديد على سطح المكتب
تابع الصور








بعد ما دوسنا على كلمة Save علشان نحفظ الملف اللى عدلناه
هيجيبلك رسالة تأكيد دوس Ok
تابع برضوا الصور






نقفل البرنامج واى حاجة مفتوحة
وبكدة احنا انتهينا من تغيير او تعديل كلام الفلتر داخل اللعبة


هناخد الملف (DevKit_DLL.dll) اللى احنا حفظناه ونضيفه داخل فولدر اللعبة (Full Client )



وبعد كدة هنعمل عمليه حقن للسرو كلينت بتاعنا

هنضيف الملف ده فى السرو كلينت بتاع اللعبه

باقى اخر خطوة ازاى نضيف ملف

DevKit_DLL.dll

الى ال SRO_CLIENT

حمل البرنامج ده Stud_PE

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بعد ما حملنا برنامج Stud_PE
هنلاقيه مضغوط هنفوك الملف المضغوط هنلاقية بعد الفك بالشكل ده




هنسطب البرنامج بالطريقة ديه

كليك يمين على البرنامج واختار كلمة

Run As Administrator












بعد ما سطبنا البرنامج هيفتح بالشكل ده
بعدين نختار كلمة File >> Open PE File





هنشوف احنا حاطين فين ملفات اللعبة اللى هو
Full CLIENT
وندخل جوا الفولدر هنلاقى ملفات اللعبة كلها هنختار منها ملف اسمه sro_client
وبعدين ندوس على كلمة Open

وكدة ضفنا ملف DevKit_DLL.dll اللى عدلناه عليه



نشغل بقى اللعبة ونشوف الاسم اللى احنا غيرناه

وبكدة مبروك عليك تغيير الكلام

طبعا انا معدل على كلام كتيير زى اسم الفلتر وزى الكلام اللى هو ظاهر قدامكم فى الصورة ده

وبكدة موضوعنا انتهى واتمنى ان ينال اعجابكم

[Abo Aya Khamies]

اول تعليق منى عاش :)
شئ يشرفنى جدا يا ابو آيه
تسلم يا كبير على تشجيعك

[GM Toni]

بصراحة مافيش كلام يوفيك تعبك ومجهودك . كتر الف خيرك
. بس كان ليا عندك طلب . يمكن الاقيه عندك
انا بقالى مدة بدور على طريقة افتح بيها الجابتر والمرور في الداتا الديجري 11، الكلين
الاقي عندك الملفات دي

ومرة تاني شكرا اوي على شرحك وتعبك


العفو يا غالى اتمنى انى اكون يفيد الناس

حاليا الملفات مش معايا
بس حاول تكتب موضوع فى مكانه المناسب عن كيفية اضافة ملفات الجابيتر فى داتا بيز كلين دجرى 11

وان شاءالله هنحاول كلنا نساعدك فيها ونوفرهالك
علشان بعد كدة يبقى فى موضوع فى المنتدى متوفر فيه الشرح للناس اللى بتدور على نفس الشئ

[ibrahimix]

الله ينور بجد احلي شرح تسلمم
تسلم على ردك ومرورك الكريم

[Khaled Salem]

تم تحديث الموضوع والروابط

[Hamza FiGo]

والله مجهود رائع جدا . تسلم يا يوسف

[محمد منتصر]

تسلم ايدك

[ibrahimix]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] - best crypto pumps on telegram
Make 1000% and more within 1 day, join channel @pump_upp !

[jenzo2day]

عاااااااااااش بجد
شغل عااالي قوي

[moatazsayed]

عملت كل ده و متغيرش اي حاجه

[Covering1337]

عاش بجد يا برنس
انا دلوقتي عايز اغير اللغه علشان مستفزه اصرحه

[GhaiBoba]

عاش يا برنس

[allq]

عاااااااااااش

[captaine_lvy]

من سنه 2025 بحييك

[jackzhu]

عملت كل ده و متغيرش اي حاجه