مساوئ حسنى مبارك

[matrex_zoro_1]

ضيف دوول كمان للإنجازات


1_ النهب المنظم لثروات الشعب المصرى بيد أفراد لجنه السياسات ورجال الاعمال .

2_تم تهريب 300 مليار دولار خارج البلاد وتصدير الغاز لليهود بأقل من التكلفه واهدار ملايين الدولارات.

3_ بيع ثروات مصر ومصانعها( الخصخصه) وتشريد العمال والخريجين وزيادة معدلات البطاله ( 7 مليون عاطل ).

4_ قتل الشباب المصرى فى حوادث القطارات والعبارات والطائرات والمسارح وزياده معدل الانتحار ( تم تسجيل 104000 محاوله انتحار خلال عام 2009 اغلبهم من الشباب من 15 الى 25 عاما)

5_ تدمير الشعب بالامراض والاوبئه والسرطانات وأمراض الكبد والفشل الكلوى

السرطان : تضاعف 8 مرات...
الذبحه الصدريه (أعلى نسبه فى العالم)20% من الحالات شباب تحت الاربعين
البلهارسيا (اعلى نسبه فى العالم )
, السكر : 7 ملايين ( 10 % تقريبا من عدد السكان ) ,
الالتهاب الكبدى 13 مليون (20% من الشعب)
الفشل الكلوى ( اعلى نسبه فى العالم , الاكتئاب 20 مليون مواطن , أمراض نفسيه اخرى 6 ملايين مواطن .

6_تدمير كرامه الشعب وهيبته فى اقسام الشرطه ( التعذيب والقتل والاهانه) وفى طوابير الخبر (55% فقراء و 14 مليون تحت خط الفقر).

7_ حراسه مصالح الصهاينه والامريكان فى المنطقه مما ادى لتدمير الدور الاقليمى والعالمى لمصر .

8_اهمال التعليم والصحه لدرجه أن ميزانيه أمن الدوله والداخليه ثمانيه أضعاف ميزانيه الصحه والتعليم مجتمعين .

9_ العمل بالطوارىء وكبت الحريات وعدم احترام احكام القضاء وتزوير الانتخابات.

10_ وعود مبارك الكاذبه بالاصلاح والتغيير لمده 30 سنه بدأها بوعده أنه لن يترشح وى مره واحده فقط , وختمها بوعده بانتخابات برلمانيه نزيهه , ولم يف بشىء منها.

هل تعلم ان ثروة مبارك وأهله تعدت 70 مليار بما يعادل 400 مليار جنيه مصرى, واحمد عز ثروته 13 مليار دولار
بما يعادل 75 مليار جنيه مصرى .
زهير جرانه , و ثروته 12 مليار دولار يعنى بحوالى 70 مليار جنيه مصرى وحبيب العادلى ثروته 8 مليار دولار بما يقارب 45 مليار جنيه مصرى.

[netm0]

مهو انا من 4 شهور انطرد من المنتدي دا بيسببك انتا و المويدين عايز اوصل بقي لي نقطه فيصل

ياريت الاداره متقفلش الموضوع دا علشان انا عايز اوصل لي النهايه مع الاخ صاحب الموضوع

[ღ♥_ akeml _♥ღ]

ولله العظيم مهما عملت محدش هيعمل اللى فى دماغك ويقول (حبيبى يا حسنى)

لا استنا انا بحب مبارك جدا جدا جدا

فين لما الاجنبي يشتري المتر بقروش ونا بالالاف؟

ههههههههههههه

انت تعرف اساسا انة ممنوع حد اجنبي يشتري ارضي في مصر وكانو بيشترو دة دليل ان مبارك كان بياخد الاخبار مش صح

فين لما ستات كبار يموتو في طوابير العيش؟

ههههههههههه
حضرتك دة بيبقي من بتاع الفرن هو الا معندوش زمة بيبيع الدقيق في السوق السودة

هو الراجل عملهم قونين علشان ميعملوش كدة وبردو بيسرقو يعمل اية بقي مبارك يروح يشتغل في الافران

فين الميه النضيفه؟

طب دلوقتي اثيوبيا عملت سد ايمة الالفية وريني بقي هتاخد مية ازاي

والسد دة اتعمل بعد ام مبارك اتشال بيومين يعني كانو مستنين مبارك يمشي وهو كان حالف ليضربهم لو عملوه دلوقتي عملوه ويقدرو يقتعو عنك المية

فين كرامه المصريين اللي في الخارج؟

علشان المصري مبيروحش كويس بيروح يعمل سياحة ويهرب مش زي الدول التانية
بيروح سياحة ويجو تاني في الميعاد

يامشير يا مشير شعب مصر مش التحرير

[username5]

بعض التحاليل التي قد تحسب علي مبارك في حرب اكتوبر



والتي تبدا من يوم السادس من اكتوبر بعد الضربة الجوية الاولي اي حوالي الساعة 4 بعد الظهر تقريبا وبعد انطلقلاق تشكيلات من طائرات الهليكوبتر من نوع مي – 8 حوالي 70 طائره هليكوبتر من الفرقة 119 حامله معها عناصر من القوات الصاعقة المصرية (الكوماندوز المصري) بكل معداتهم و أسلحتهم و احتياجاتهم و قامت أسراب الهليكوبتر بنجاح بإنزال هذه القوات الخاصة خلف خطوط العدو في داخل سيناء في مناطق محدده و مدروسة حسب الخطة.
من هذه المناطق داخل سيناء منطقة وادي سدر و قلعة الجندي و منطقة الرويسات و سهل الطينه و أبو رديس و جبال بركه جنوب العريش و منطقة التمادا و الطريق الشمالي خلف خطوط العدو لإعاقة تقدم قوات العدو و احتياطياته البرية في سيناء و اصطياد الطائرات المعادية التي تخرج من بعض المطارات بصواريخ سام 7 الخفيفة و القيام بعمليات الاستطلاع خلف خطوط العدو و لقد انطلقت الطائرات الهليكوبتر من مطاراتها بدون حماية جوية من المقاتلات

و كانت الخسائر في الهليكوبتر أثناء عودتها من مهامها أو أثناء إنزال القوات في أول يوم للحرب كبيره جدا حوالي 40% نظرا لانطلاقها بدون حماية جوية و قبل غروب الشمس و لقد كانت ف الخطة الاصليه خروج الهليكوبتر في حماية طائرات الضربة الجوية الثانية و التي ألغيت و لهذا خرج الهليكوبتر وحده بدون حماية جوية، كما هاجمت طائرات هليكوبتر بالصواريخ والمدافع مستودعات البترول في منطقة بلاعيم في خليج السويس بمساعده المجموعه 39 صاعقه بقياده الشهيد العميد ابراهيم الرفاعي

وقد كان من المقرر القيام بضربة جوية ثانية ضد العدو يوم السادس من أكتوبر قبل الغروب بقليل، و لكن نظرا لنجاح الضربة الأول في تحقيق كل المهام التي أسندت إلى القوات الجوية المصرية لذا قررت القيادة العامة (حدث هنا تضارب بالاراء في ان محمد حسني مبارك هو من امر بإلغاء الضربة الثانية لعدم الحاجة إليها و لتوفير القوة الجوية و الاقتصاد فيها قدر الإمكان و هو مبدأ صحيح في العلم العسكري. ولكن الغاء تلك الضربة ادي الي خسائر فادحة في القوات الصاعقة التي خسرت فيها حاولي 24 :36 طياره بمن فيهم من صاعقه

وايضا تقليل عدد طلعات الدعم الارضي للجيوش الميدانيه لكني اختلف مع بعض الاراء التي تقول ان مبارك هو من اخطاء في تلك النقطة ..
لانه من الطبيعي ان عدد طلعات الاسناد الجوي والمعروفه بأسم CAS Close air Support بيتكون بناء علي طلب قاده الجيوش الفرق الميدانيه - ولم يحدث ان طلب اي قائد ميداني دعم جوي الا وحصل عليه لكن عدد الطائرات في الطلعه الواحده يحددها قاده الاسراب والالويه الجويه بناء علي تعليمات قائد القوات الجويه

[| - CreSpO - |]

انت جبت ايجابيات الطاغيه المخلوع مبارك .. ليه مجبتش سلبيات ؟
وحاجه كمان .. اغلب النقط فلوس زى

: زادت قيمة الصادرات الصناعية‏(‏ بدون البترول ومنتجاته‏)‏ من نحو ‏0.5‏ مليار دولار إلى نحو ‏6.6‏ مليار دولار‏
68: زادت إيرادات قناة السويس من نحو‏909‏ ملايين دولار إلى ‏3.4‏ مليار دولار‏.
69: تضاعفت قيمة الصادرات إلي دول الاتحاد الأوروبي في الست سنوات الأخيرة ووصلت إلى نحو‏2.7‏ مليار دولار‏.‏
70: تضاعف إنتاج الغاز الطبيعي منذ بداية التسعينات ليصل ‏23.6‏ مليون طن‏.

تقدر تقولى الفلوس دى كانت فين ؟؟؟
يبنى انصحك والله متنزلش مواضيع حباً فى مبارك عشان انت و سعد الناس الوحيده اللى بتعملو كدا .. بس سعد مش بينزل مواضيع زيك و بينزل مواضيع حلوه للقسم كلنا بنرد عليه بحب و كل حاجه .. انت لما تعمل مواضيع اكيد 90% من الاعضاء بيجلها اكتئاب بقيت اليوم

[Metro]

غاز اية يا ابو غاز الهي ربنا يرزقك بأنبوبة غاز تشحورك


-واحد لقي مصباح علاء الدين ودعكه..
فطلع الجني وقاله انت تطلب ايه..
قاله: تطلع امريكا من العراق...
الجني: بس انا مليش دعوه بالسياسه..
قال:طيب انا خريج 1999 وعايز شغل
الجني:تحب اطلع امريكا من العراق امتي..

[Solitaires]

شكرا

[a7mad63]

اى كلام فاضى معقول
ومتقوليش مساء الفل

[xTHE_Draagon]

بص يا صاحب الموضوع ....في الاول
انا بحب مبارك كشخص و مش كرئيس

وزي ما توجو قال ...دة نقطة إصلاح في بحر الفساد

دلوقتي دة بقالة 30 سنة ....هل 30 سنة ميخلهوش يعمل كل الحجاات دي ؟
دة لو كل 6 شهور عمل حاجة و قدمها للشعب هيطلعو اكتر من دول....

انت ممكن تقرأ الموضوع عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]و الموضوع دة مختصر جداً جداً ....
انا هختصرهولك اكتر

الراجل رئيس ماليزيا دة مسك البلد و كان فيها اكتر من 18 ديانة متنافسة
مسك البلد و كانة عبارة عن شوية غابات استوائية
مسك البلد و لناس فيها كانو كل اللي بيعلوة يطلعو يصتادو سمك و يبعوة علشان يعيشو
مسك البلد و هي بتصدر مطاط و موز و فواكة كدة مش هم اللي زارعنها كمان ...هي اللي طالعة لوحدها
مسك البلد و كان متوسط دخل الفرد اقل من ألف دولار في السنة

مش حقلك هو عمل ايه طبعاً في 21 سنة علشان لازم تقرأ الموضوع الصغير اللي ادتهولك
بس بإختصار:-
مستوي دخل الفرد بقا حوالي 16 ألف دولار
الدولة دي دلوقتي بتصنع اجهزة كمبيوتر و بتصدرها
حجم الصادرات 200مليار دولار

و في الاخر و بعد 21 سنة مش هتصدق عمل ايه.... ! قدم إستقالتة...بالرغم من انو كان يقدر يقعد اكتر
مش فضل ماسك في الحكم بالعافية...!


ياتري مبارك بالـ30 سنة اللي قاعدهم عرف يعمل ربع اللي عملو الراجل دة؟
مبارك كان ماسك بلد مش وحشة زي ما ماليزيا ...مبارك كان ماسك بلد فيها فلوس ...
مبارك كان ماسك بلد واقفة علي رجليها...مش عبارة عن غابات

هو دة اللي كنت عاوز اوصلو لليك ...و كل واحد ليه رأي مختلف وانا احترم رأيك طبعاً

[total20102010]

-واحد لقي مصباح علاء الدين ودعكه..
فطلع الجني وقاله انت تطلب ايه..
قاله: تطلع امريكا من العراق...
الجني: بس انا مليش دعوه بالسياسه..
قال:طيب انا خريج 1999 وعايز شغل
الجني:تحب اطلع امريكا من العراق امتي..[/QUOTE]



iههههههههههههههههههههههههههههههههههههههههههههههههه هههههههه

[| - CreSpO - |]

بص انت جبت إيجابيات حسنى صح ؟

طب شوف المساوئ بقا

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وبجد لو انت عاندت يبقا معلش معندكش دم و مش بتحس

[درش]

70: تضاعف إنتاج الغاز الطبيعي منذ بداية التسعينات ليصل ‏23.6‏ مليون طن‏.
71: تضاعف احتياطي الغاز الطبيعي أكثر من أربع مرات منذ بداية التسعينات ليصل إلى ‏65‏ تريليون قدم مكعبة
وفيه حاجات كتير غير ديه والله انا مش عارفها ده غير اللى مش مذكور‏

هههههههههههههههههههههههههههههههههههههههههههههههههه هههه الله يحظك

فعلا انت في حاجات كتير متعرفهاش


والاهم والاهم هو اول ضربة جوية اللى جابتلنا الحرية

تصحيح بس .. صاحب الضربة الجوية سعد الدين الشاذلي


الاعلام: قال عليكم شباب كنتاكى ايام نظام مبارك وقالوا على الثورة انهم ما يعدوش 50 الف ولما نظام مبارك سقط الان بيقولوا على مؤيدين مبارك فلول نظام وانهم الاف فقط .... النفاق خلاص بقى ادمااااااااااااااااااان

دة اكبر دليل ان نظام مبارك كان فاسد .. علشان الاعلام اللي كان بيقول كدة الاعلام المصري يعني التلفزيون المصري يعني تلفزيون الحكومة يا حبيبي

الدستور : الدستور بيقول عدم ملاحقة الرئيس بعد تنحيه عن الرئاسة الا فى المادة 85 وهى الخيانة العظمى لكن اللى
عاوزين يحاكموه عاوزين يمشوا اللى فى دماغهم بالعافية دون النظر لدستور البلد

علشان هما كانوا عاملين الدستور على مزاجهم

الكويت والامارات والسعودية رفضوا حذف اسم مبارك من التاريخ والكويت بتتريق علينا علشان بنهين رمزنا واننا بنهين اخر واحد قام بزل الاسرائيلين واننا موتنا عبد الناصر وبعده السادات ودلوقتى مبارك ^^ شعب سفاحين

زل الاسرائيلين هههههههههههههههههههههههههههههههههههههههههههههههههه هههه على اساس هواه صاحب قرار الحرب مثلا .. او هواه اللي راح زي الاسد لوحده وحارب الجيش بتاعهم يعني .....

يبني اساسا بالنسبة لنقطة الحرب دة .. دة واجب عليه ... يعني مش حاجة يشكر عليها .. دة واجب عليه انه يدافع عن وطنه يا حبيبي

ونسيت يا مصرى ونسوك وجاى دلوقتى بتشتم ابوك

ابو مين يابا ... لما يقتل اخوك يبقي ابوك

ولو زى ما بتقولوا معملش اى حاجة طول 30 يبقى شيلو كل اللى عمله ده وابدءو اعملوا انتو من جديد
يوم 4-5 يوم عيد ميلاد مبارك وسيتم الاحتفال به امام ماسبيرو من 12 ظهرا حتى 12 مساءا والاعتصام مفتوح حتى تحقيق المطالب[/quote]


بجد والله ياريت نشيل كل اللي عمله .. انا نفسي اشيل التلاتين سنة نفسهم من التاريخ


انا رديت على حاجات كدة بس علشان مش هضيع وقتي في الكلام دة علشان انا مش عايز اخد مخالفة ولا حاجة





هقولك على حاجة بس ........ انت اخوك او على الاقل يا عم صاحبك لاقدر الله مات في المظاهرات على ايد حد من القناصين .... بالله عليك يا اخي كنت هتقول الكلام دة ... ياريت بس ترد عليا وحياة ابوك

[lil romeo]

المؤيد يفضل مؤيد والمعارض يفضل معارض
مفيش اى مشكلة كده كده البلد خربت
واحنا مش هنسيب مبارك خالص لان يكفى ان طلعت السادات قال ان مبارك بطل بطل بطل بطل حرب اكتوبر
ديه تكفى وديه تمحى كل السلبيات

عيشنا وشوفنا شويه ناس نزلو عملوا ثورة علشان يحاربوا نظام داخلى يبقوا ابطال واللى حارب اليهود وحارب نظام خارجى يتهان ويتشتم
يكفى ان شباب 25 يناير مكنوش عاملين حسابهم ان فيه ضرب نار ولو عرفوا ان كان فيه ضرب نار كانوا هربوا
لكن مبارك رايح حرب يعنى فيها ضرب نار وصواريخ ومدافع يبقى مين البطل
قالوا 10 ... قالوا 100 ... بكره الاربع المليونية
وبتراهن معاكم ان مبارك مش هيتهان وهتشوفوا ولو فكروا يحاكموه هتبقى حرب اهلية فى مصر
الناس خلاااااااااص زهقت ووالله العظيم بيهددوا بالزحف للقصر الرئاسى للمشير
بكره الاحتفال بعيد ميلاد مبارك البطل الاربعاء 4-5 امام ماسبيرو الساعة 12 ظهراا^^

[brave_knight]

مترحمنا من مواضيعك اللي ملهش لازمه دي

[| - CreSpO - |]

واحنا مش هنسيب مبارك خالص لان يكفى ان طلعت السادات قال ان مبارك بطل بطل بطل بطل حرب اكتوبر
ديه تكفى وديه تمحى كل السلبيات

ماهو لو كان عارف إللى هيحصل بعد كدا كان اتحسر

وبتراهن معاكم ان مبارك مش هيتهان وهتشوفوا ولو فكروا يحاكموه هتبقى حرب اهلية فى مصر

على اعتبار انه لسا هيتهان ؟ انت شكلك مبتفتحش تليفزيون غير على القناه الاول و المصريه :elvis:

عشان كدا بتجيب الايجابيات .. مش هقولك افتح الجزيره ولا العربيه .. افتح مثلا Dream2 او ONTV او الحياه