انا خايف بجد. هو في عافريت فعلا ولا ..بس اتكلموا بجد من غير هزار

[MiMi]

سنوات خداعات يكذب فيها الصادق ويصدق فيها الكاذب
مش عارفة هل الحديث دة ينطبق على القصة دى ام انه واقع لابد من تصديقة

الى هحكية دلوقتى انا سمعتة

فى المنيا
كان فى شاب راجع من كليتة راح البيت لقى امه ميته دون اى مقدمات جرى على الارض علشان يبلغ ابوة لقى ابوة مات فى نفس التوقيت
حسب ماقال انه حزن لكنة ماستغربش لان كل واحد فينا معرض للموت فى اى لحظة

جلس فى البيت لوحدة وداوم على قراءة سورة يس ومن ارتياحه للسورة لانها قلب القرأن ظل يقرأها كل ليلة من العشاء الى الفجر
وبعد ماوصل للمرة السبعين لقراءتة للسورة سمع الباب بيخبط نزل يفتح مالقيش حد
لكنة سمع واحد بيقولة ان قرائتك لسورة يس جيدة
من شدة خوفة نام وهو بيظن انة كان نايم مش مدرك الى حصل كويس
وجاء المساء وبدأ فى قراءة سورة يس كالعادة
فأذ بصوت بيقولة ان صوتك فى قراءة سورة ياسين جميلة
لكنة مش شايف المتحدث
سأله مين انت
قاله انا جنى
استعاذ بالشيطان لكن لازال صاحب الصوت موجود
قاله اذاى معجب بقرائتى لسورة يس وانت جنى
اخبرة انه جنى مسلم وانة عاوز يحفظة سورة يس وبعض الصور واحضرلة الجنى ريشة وورق من الجلد وجعلة يكتب وحفظة بعض السور واخبرة ازاى يتعامل مع الجن وعمل معاه معاهدة (على حسب سردة للقصة) كيفية ترويد الجن بحيس انه لو امرة امر يطيعه
قال الراجل وهو الان عضو مجلس شعب من سنة2000 انة عالج الاف الحالت من مس الجن ومن بعض الظواهر الغريبة مثل اشعال النياران من غير معرفة السبب
والاغرب انة جايب جرايد فيها اخبار عن انجازاتة انما الاغرب انة جايب جريدة مكتوب فيها انه هو والشيخ الشعراوى هيفتحوا مركز للعلاج من الجن وجايبين صورتة وصورة الشيخ الشعراواى وبين اديهم مريض بيعالجوة

وليأكد كلامة اخبر المذيعه انه امتنع عن العلاج منذ 2000منذ اصبح عضو مجلس الشعب علشان كلام الجرائد الى احياننا بيكون ضدة لكن من شهرين كان فى حادث غريب فى سمالوط التابعه للمنيا
ان فى شابة22سنة كبت زيت مغلى بعد ماقلت بية فى الحمام ففى نفس الوقت فقدت الفتاة البصر واشتعلت النيران فى البيت احضروا رجال المطافى يطفوا فوق يولع تحت يطفوا تحت يولع قوق وهكذا وبعد ماسيطروا على الموقف اشتعل بيت الجيران وهكذا اشتعل شارع بأكملة والاغرب انه جايب معاه الجرائد الى ناشرة الخبر مع بعض الصور وصورة الفتاه الى فقدت البصر

محافظ المنيا والمسئولين عجزوا عن ايجاد حل
وبعدها لجأ المحافظ لذلك الرجل(نائب مجلس الشعب)لاقناعهة انه يشوف حل وافق لكن بعد ماشرط على المحافظ انه يكون معاه هو ورئيس الحزب الوطنى وبعض المسئولين اثناء معالجتة للموضوع
وذهبوا جميعا الى المكان الذى يشتعل ليلا ونهارا
واحضروا الفتاه
استطاع تحضير الجنى والى كان بيتكلم على لسان البنت وهى نايمة
وقال الجنى انها لما كبت الذيت المغلى مات احد ملوكهم فقرروا الانتقام
فأمرة انه يذهب ويكف شرة فنطفأت النيران وعاد للفتاه بصرها فى نفس الوقت
وكل مايتحدث عنة معاه مستندات لية صوت وصورة والجرائد المتحدثة

والله العظيم ان الراجل دة لخبط كيانى يمكن لو حد كان حكالى ماكنتش صدقت لكن انا كل حاجة شوفتها بعينى مع انى عمرى ماصدقت التخاريف دى ولابسمح لحد يكلمنى عنها لانى بخااااااف

هل احنا فى صراع مع البشر الان والا مع العفاريت البت ماكنش قصدها ترمى الزيت فى الحمام علشان كل المصايب دى
هل حد عندة معلومات عن الحادث دة؟
بجد نفسى حد ينفيلى الى انا سمعتة دة ؟
لكن الشيخ الشعراوى متصور معاه والجرائد كاتبة عن انجازاتة ولية22سنة بيعمل فى المجال واهل منطقتة كمان وثقوا فية لدرجة انتخابة مرتين نائب عنهم مش فاهمة الى بيحصل دة صح ولا غلط؟
ليا ناس اتكلمت عن وجود العفاريت فى حياتنا وان ليهم معاهم احداث واقعية
بس اقسم بالله ان لحد وقت قريب كنت فاكر ان دة هزار
قال الشيخ دة ان العفاريت دى مش بتظهر لكن بتتمثل فى شكل كلاب وقطط وثعابين
كان فى شيوخ كتير بيثبتوا بالقرأن ان مافيش الكلام دة وان الجن مخلقوش ليؤذوا الانسان

اااااااااااااااااااااااااااااة انا خايف بجد

ملحوظه
الموضوع قلب بهزار وبقي مخيف
وفيه صور مخيفه
بسبب الاعضاء

انا مش جيلي نوم بسببهم