شرح لعبة لعبة جديدة جدا second life

[eslamnatsha]

مشكووووووووووووووووووووووووووووور

[Nodyy]

انا نزلت اللعبه بس كل لما اشغلها يقولى اللعبه تنصح باستخدام ويندوز vate و بعدين متشتتغلش انا بس مش عارفه ايه المشكله ما هو قال تنصح :3 .... المهم انا عاوزه اشغلها ف اسرع وقت ممك انا نزلتها تقريبا 5 مرات بس مش راضيه تشتغل وانا بعد لما قرأت الشرح وكل ده حبيت اللعبه جدا و نفسى بجد العب بيها اتمنى حد يلاقيلى حل

[Nodyy]

انا نزلت اللعبه بس مش راضيه تشتغل بيقولى ننصح بأستخدام ويندوز vate وانا ويندوز Xp وانا نزلتها 5 مرات بس مش عاوزه تشتغل ارجو الرد علشان انا من الشرح عجبتنى اوى اللعبه دى

[rona_star]

المشاركة الأصلية كتبت بواسطة SynaxOz عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يلا : خد نفس عميق وركز معايا

الحياة الثانية second life دا شعار الحياة الثانية




الحياة الثانية حياة شبيهه بالحياة الحقيقية ال انا وانت عايشينها .. لكن هيا حياة افتراضيه على

النت .. تقدر فيها تعيش حياتك زى ما انت عايز ( تبيع - تشترى - تصاحب - تتفسح - تدرس - تتعلم - تشتغل -

تحب - تكره - تمارس شعائرك الدينية - تقول رأيك بحرية - تتسوق - تبنى بيت - تمش فى الشارع -

تحلم - تزعل - تفرح - تبكى - تركب عربيتك - تطاردك الشرطه - تغنى - ترقص - تسهر - تفكر - تكتب

) كل دا تقدر تعمله بالماوس وانت على جهازك _ تقدر تعيش حياة كان نفسك تتمناها وأحلام عشت عمرك كله

تحاول تحققها ومقدرتش ... تحاول تصاحب حد وتحب حد لكن للأسف لا صاحبت ولا حبيت ؟؟؟

الحياه الثانية بتديك فرصه أينعم من خيالية بس جميله عيشها بكل تفاصيلها بدون حدود .

بعد المقدمة الطويله دى تيجوا نشوف القصة أعتقد ان البعض منكم عايز التفاصيل ... اوك

الحياة الثانية هو عالم افتراضي ثلاثي الأبعاد على الانترنت أطلقه فليب ليندن عام 2003 من مختبره في مدينة

سان فرانسيسكو الأمريكية، ويبلغ عدد سكانه 1.6 مليون نسمة طبقاً لاخر احصاء وتعداد سكنى ( متستغربش

الشركة بتعمل تعدادت كل شويه ) وتنتعش به السياحة حيث يزوره سنويا حوالي 7 مليون سائح.
طيب يعنى ايه الكلام دا هو برنامج 3D تقوم باختيار الاسم user والشكل Avator اللي يعجبك ..

طيب ايه ال ممكن تعمله فى السكند لايف second life طبعاً انا قلت ممكن تعمل ايه وضيف عليهم الكلام دا
1 - تقدر تعمل تشات مع الزوار وتضيف اصدقاء الى قائمتك .. تشات عام وخاص زى ما تحب
2 - ابنى بيتك ومكتبك فى السكند لايف .
3- قدم فى شركة واشتغل أى شغلانه تحبها

طيب تيجوا نعرف معلومات أكتر

1- عدد سكان سكند لايف حتى الان 8,625,493 نسمة

2-العملة المستخدمة في سكندلايف اسمها ليندن(على اسم الشركة المطورة) ولها تحويل الى الدولار (حقيقة

وليس افتراضيا) 250 ليندن = 1 دولار امريكي

3- فيه بزنس كبير وكل يوم بازدياد وهناك امثلة كثيرة على البزنس في سكند لايف منها : هناك شركة اسمها

Aimee Weber Studio وظيفتها تتخاطب مع الشركات اللي عندها رغبة تفتح فروع في سكند لايف

لأغراض البيع والشراء والتسويق ثم تصمم لهم المقر في سكند لايف والمحتوى كذلك. ومن الامثلة :هذي

الشركة Accident Designs تدير اعمالك بالنيابة في سكند لايف اضافة الى تصميم المقر والمحتوى

وغيرها من الشركات والافكار المتنوعة والشاطر يكسب

طيب الناس عملت ايه هيا والحكومات تعالوا نشوف

4- المالديف هي أول دولة تفتح سفارة في سكند لايف و السويد فتحت سفارة في سكند كثاني دولة لايف

وهيلاري كلنتون له مقر للحملة ورويترز عندهم مقر وكذلك سمعت ان هيئة الاستثمار في السعودية راح تفتح

موقع على السكند لايف .. يعني الفكرة راح تتطور اكثر واكثر ويمكن زي ما كانت بداية الانترنت ضعيفة على

الاقل هنا والاستخدام ماهو كبير .. ممكن سكند لايف نفس الطريقة. ومن فوائد فتح سفارة في سكند لايف مثلا

أن تتحدث مع مسئول في السفارة أو برنامج مباشرة حول استخراج فيزا او موضوع متلق بالسفارة يعني فيس

تو فيس وغيرها من الفوائد.

5- الجامعات فتحت فروع لها في سكند لايف وهذا يسهل الحصول على فرص تعليمية مجانية للطلاب حول

العالم كما يمكنك من تكوين فرق عمل ودراسة مع طلاب حول العالم في مادة معينة. اما عن طريق الجامعة أو

بمبادرة شخصية. من الجامعات التي فتحت لها فروع جامعة هارفرد وستانفورد واوهايو ستيت وهيوستن

ينيفيرستي ونيويورك يونيفيرستي ووووو.

طريقة عمل الـ Second Life ؟؟ سنشرحها بالتفصيل بعد ذلك

المشترك يبدأ حياته في "الحياة الثانية" بالتسجيل في خدمتها ليصبح أفاتار avatar وهي كلمة تعني بالهندية

التجسد، وبعد التسجيل يصبح شخصية افتراضية يمكنه التفاعل والتعايش مع أمثاله كما يمكنه ممارسة مختلف

أنواع الأنشطة

طيب فين مصر من السكندلايف

ما نسيتش الشركة انها تضيف بعض الأماكن لمصر طبعا بس كان اختيارها على مناطق معينة وهيا الغردقه

ومنتجع دهب ودى صورته



طيب تيجوا بقى نتفرج على بعض الصور من السكندلايف

دول بقى أحد اشخاص السكندلايف ( انت ها تبقى بعد ما تسجل زى دا ) ويمكن بشكل أحسن كمان هههههههه



دى بقى مكان عام تقدر تقابل فيه ناس وتتعرف عليهم



ودا بقى فندق لوفت ال ممكن تحجز فيه وتبات ( بس مش ها اوريك هوا من جوا ايه هههههههه ) ها تعرف ما تخافش



ودى داخل مبنى وكالة رويتر ال انت ممكن تشتغل فيها ( بجد مش هزار ها تعرف بعد كدا )



ودا مقر شركة أى بى ام IBM



ودا فى مركز هيلارى كلنتون الانتخابى



ودى صورة لشخص جوا المسجد بيصلى ( ما تستغربش )



ودى صورة لمنتجع دهب السياحى المصرى ( الشركة فيها خير افتكرت مصر )




ودى ريفانا احدى المقيمات فى الحياة الثانية ها تقابلها وتتكلم معاها



دلوقت بقى مش عارف الموضوع ها يعجبكم ولا لا

ومش عارف اكمل الموضوع للآخر ونعرف ازاى نشترك فى الحياة الثانية ولا لا

ومش عارف هل ها تقتنعوا إن الخيال ممتع لو نعيش فيه لحظات .....

عموما أحلامك بين ايديك

جواك

حبيت تحلمها .... احلمها على السكندلايف .... ما حبتش تبقى خسرت كتير أقلها ( انك تبعد عن دنيا جميله زى دى ) الخيال

دلوقت منتظر ردودكم وهل أكمل شرح طريقة التسجيل فى second life

عموما انا ها اديكم الموقع ... أى حد عايز استفسار يبعتلى رساله خاصة أو يكتب استفساره فى الموضوع وانا تحت أمره

اسيبكم تحلموا



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ...
انا بشكر حضرتك جدا جدا جدا جداا لانك ساعدتنى على دخولى للعبة بجد شكرا لحضرتك اوى :) وشكر مرة تانية عشان الكتابة الطويلة دى ^^