ليه بنشوه صورة الاسلام بايدينا ؟؟؟

[Notorious]

بسم الله الرحمن الرحيم

انا عملت الموضوع ده عشان اتخنقت من اللي بشوفه في كل مكان, في التلفزيون والسينما وفي الحياة وبشكل خاص في المحلات اللي اسمها "التوحيد والنور"

ليه اغلب الأفلام والمسلسلات العربية بتطلعلك الاسلام والتدين زي مصيبة او لعنة بتحل عالواحد فترة وبعدين يرجع لطبيعته واللي مش فاهم انا بقصد ايه حقولك شوفت مسلسل "يتربى في عزو" لما الابن بيبقى متدين فترة ويرجع طبيعي بعدين في نهاية المسلسل.............ليه بنطلع الاسلام لحية طويلة ودشداشة بيضة وعدم اهتمام بالشكل وسبحة في ايدك 24 ساعة؟؟؟؟

لو اي حد راح لمحلات اللي اسمها "التوحيد والنور" حتلاقي جميع العمال اللي هناك بدون استثناء مضروب 3 او 4 جزم قبل مييجي الشغل وبيكلمك من ورا مناخيره ومطول لحيته بغباء وريحته منيله بستين نيله ولو خليته ينزلك حاجتين وطلعوا مش عاجبينك حتلاقي قلب وشه وعقد جبينه وشويه ويضربك قلمين كأنو بيمنن عليك مش ده شغله

يا اخي الرسول "صلى الله عليه وسلم" وصى بالشكل وبالحياء والابتسام في وجه الآخرين

مش شرط انك لما بتهتدي للطريق المستقيم انك متستحمش وتطول لحيتك وتتكلم عربي فصيح.........الايمان في القلب مش في الشكل

احنا بنزعل لما الغرب يقلد علينا ويطلعنا ارهابيين ويتكلم عالاسلام.............لكن لو فكرنا همه بيعرفوا الاسلام منين؟؟؟ مش احنا صورة الاسلام بالنسبة لهم؟؟؟ مش احنا اللي بنشوه الصورة دي لأ وكمان نطلعها في الافلام والمسلسلات

هو حرام انك تبقى متدين وتصوم وتصلي ومتقولش كلام بذيء وفي نفس الوقت تلبس جينز وتحط جيل على شعرك

ولا لما بتبقى متدين لازم تعمل كآبة وتطول لحيتك وتلبس دشداشة بيضة وتعمل كل ده

انا مش متدين لكن الحمدلله بفهم في الاسلام كويس وإن شاء الله ربنا يهديني ويهدينا جميعا للاسلام الحق مش للمظاهر اللي للأسف بقت هي التعبير الوحيد عن الاسلام

وفي الآخر بقول "الله جميل يحب الجمال"

الموضوع مفتوح للمناقشة