يا جماعه أنا الحمد قوى جدا فى اللغات سواء اللغه العربيه أو الإنجليزيه أو الفرنسيه لإنى بعشق اللغات بس هنا فى المنتدى ده أنا كل يوم بحس إن اللغه العربيه قربت تضيع وتندثر على إيد أبناء وطنً الغالى لإنى بشوف مهازل فى الكتابه الناس هنا مش بتعترف بحاجه إسمها ألف منونه يعنى زى (( طبعاً )) الناس بتكتبها طبعن ودى كارثه حدث عنها ولا حرج وبتظهر أد إيه مستوى التعليم إنحدر فى المدارس واللى بيكتب (( فعلن )) ومعندوش فكره عن حاجه إسمها لام منونه وإسمها الصح (( فعلاً ) واللى بيكتب (( ياترا )) ومعندوش فكره عن حاجه إسمها ألف لينه يعنى المفروض تتكتب ( ياترى )) ياريت ياجماعه شوية إهتمام باللغه العربيه وإلا حتكون النتيجه كارثه بكل المقاييس إن الجيل يطلع معندوش فكره عن طريقة الكتابه الصحيحه ويعلمها كمان للأجيال الجايه دى اللى بجد حتبقى المهزله العظمى لإنها بكده ضيعت لغتنا العربيه وقوميتنا وفخرنا بإننا ننتمى لأقوى لغه فى العالم وهى لغة القراءن .. جزاكم وجزانى الله كل خير يا خير أمة أخرجت للناس .
23-03-2011, 09:43 PM
المواضيع المتشابهه
.gif){kind=icon}
العرض الشجري