لازم نشوف حل ( اتمنى مشاركة الجميع )

[mostafa_ebrahim26]

بسم الله الرحمن الرحيم
بصراحة يا جماعة انا اليومين اللى فاتوا كانوا صعبين قوى عليا لانى اتسرقت وكل حاجة فى الأكونت بتاعى اتاخدت على الآخر ولحد فترة بسيطة مكنتش اعرف ايه سبب السرقة انا بفتح الأكونت فى بيتى مش قدام حد حتى اخويا الصغير ميعرفش حاجة عن الأكونت بتاعى وبشتغل من غير برامج بوت ولا حاجة وكل حاجة تمام
بس انا اكتشفت حاجة مهمة قوى يا جماعة انا كنت نسيها انا كنت شغال بالنو دى لحد فترة قريبة يعنى من حوالى شهر بس وبعدين لقيت نفسى باخد دى سى كتير قوى فعرفت ان العيب من الدى سى وبصراحة الدى سى الاخير ده زبالة فقلت اجرب اللودر ومكنتش اعرف حتى طريقة استخدامه والله لحد ما نزلته وجربته وعملت اكونت جديد وبقيت ألفل نفسى بنفسى وكنت فرحان جدا بده
وفى الأخر الأكونت بتاعى لفل 64 اتسرق واتاخد كل حاجة فيه ولقيت عندى على الجهاز من غير ما أحس تروجان وحاجة اسمها steel game وعرفت بعد كده ان دوول هما سبب السرقة .
طيب كده يبقى سبب سرقة الأكونت هو اللودر طيب ايه الحل بالظبط ، لما الدى سى مشكوك فيه واللودر فيه تروجان طيب ندخل اللعبة إزاى وهى كرودد جدا على طول وخصوصا انى فى سيرفر الكسندر اللى بقى كرودد على طول حتى الساعة أربعة الفجر
وهل أحسن حاجة ان الواحد يشتغل من غير أى برامج خالص ويريح دماغه ؟
ولا ايه بالظبط الحل ؟
اتمنى مشاركة الجميع لان الموضوع ده بيهمنا كلنا والله العظيم مش عايز حد يحصله اللى حصلى يا جماعة انا قربت أكره اللعبة دى من اللى بيحصل فيها
منتظر ردودكم ومشاركتكم الفعالة
شكرى للجميع