|
![]() |
#1 | ||||||||||
![]() ![]()
|
خدوا دي بقا وادعولي عشان انت مصرى لازم تعاني وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف احمد فؤاد نجم |
||||||||||
![]() |
![]() |
#2 | ||||||||||
![]() ![]()
|
لو حد حزب وطني هنا ميشوفهاش وربنا يستر علينا نوادر حسني مبارك الرئيس حسني مبارك بالطيارة قرر يرمي 100 جنيه يفرح بها عائلة مصرية قالت زوجته: خليهم خمسينتين وفرح عايلتين قال ابنه: خليهم 25 وفرح أربع عوايل قال كابتن الطيارة: يا عم أرم نفسك وفرح 70 مليون مصري. ---------------------------------------------------------------------- علاء مبارك شارك في من سيربح المليون ...... وصل لآخر سؤال، السؤال: من هو أكبر حرامي في مصر ؟ طلب مساعدة صديق واتصل بأخوه جمال وقاله السؤال رد عليه أخوه: انسحب باللي كسبتوا وما تخسرش أبوك!! ----------------------------------------------------------------------- مره حسنى مبارك راح مدرسه ابتدائى فلما جت فتره الاسئله ولد رفع ايده مبارك ساله اسمك ايه فقاله رامى فقاله ايه سؤالك يا رامى ؟ رامى : انا عندى اربع أسئلة 1. ليه انت رئيس بقالك 25 سنه ؟ 2. لسه معينتش نائب ؟ 3. ليه ولادك ماسكين كل حاجه فى البلد ؟ 4. ليه مصر حالتها الاقتصاديه زفت و انت مبتعملش حاجه؟ ساعتها بالضبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال؟ ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟ تامر : انا عندى 6 اسئله 1. ليه انت رئيس بقالك 25 سنه ؟ 2. لسه معينتش نائب ؟ 3. ليه ولادك ماسكين كل حاجه فى البلد ؟ 4. ليه مصر حالتها الاقتصاديه زفت و انت مبتعملش حاجه ؟ 5. ليه جرس الراحه رن ربع ساعه بدري ؟ 6.. وبعدين فين رامى ؟؟؟؟؟؟ !!!!! ------------------------------------------------------------------------------------------------------------------- مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم أبليس : طب هات ودنك وخد الفكره دي .....وش وش وش وش مبارك : لالا يا ابليس الفكره دي مش نافعه , عاوز حاجه أشد أبليس : طب خد دي ...... وش وش وش وش مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه وش وش وش وش وش ابليس : لا يا راجل حرام عليك --------------------------------------------------------------------- واحد اتحشر في زحمة المرور فلقى واحد بيخبطله على شباك السيارة فتح الشباك و سأله عايز ايه قاله : الرئيس حسنى مبارك خطفوه و الفدية 5 مليون $ دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟ الرجل سأل : " و في المتوسط الناس بتتبرع بكام" الرجل الثاني : " من 5 الى 10 لتر بنزين . ----------------------------------------------------------------------------------------------------- مرة سيادة الريس مد إيده في جيبه لقي 5 مليون جنيه !! فزعل قوي وخاف وقال: إيه الفلوس دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر الفاضل وقال له: اسأل الشيخ وهو يقول لك الحل . ما كدبش خبر وجري على طنطاوي وحكا له القصة فرد: 5 مليون بس .. إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله حتروح تمشي بالأحياء الفقيره ، كل ما تمشي 1 كيلو تتبرع بألف جنيه عن كل مليون جنيه وخلاص . الريس راح يمشي ، وهو بيمشي قام لقي عمنا صفوت الشريف بيمشي بنفس المكان فقال له : أنت بتعمل إيه هنا؟ أنت حتمشي كام؟ صفوت قاله 78 كيلو يا ريس. الريس: يخرب بيتك؟ ده أنت خربت البلد !! صفوت: أنت جاي علي أنا وتحاسبني؟ روح شوف علاء ابنك جايب موتوسيكل وبقاله 3 أيام بيمشي فيه -------------------------------------------------------------------------------------------------------------- كان حسني مبارك فى سرير المرض حينما أخذ يلقى بوصاياه الأخيرة لوزيره احمد نظيف : - وصيتك الحكم من بعدى يا احمد ... - فى رقبتى يا ريس .. كله تمام والسلطة هياخدها جمال ... - ثم راح فى غيبوبة .. أفاق منها بعد قليل ... - وصيتك الشعب من بعدى يا احمد . - ما تخافش يا ريس .. الشعب ياكل الزلط ... - ثم راح فى غيبوبة .. أفاق منها بعد قليل ... - احمد ... - نعم يا ريس؟ - بس ماتنساش .. توكيل الزلط لعلاء --------------------------------------------------------------------------------------------------- كان حسني مبارك بيخطب في الشعب ... فكل شويه واحد يقوم ويقول ... عاش حسني مبارك موحد الاديان ويقعد ... يروح حسني مكمل كلامه وشويه ويقوم الراجل ... ويقول عاش حسني مبارك موحد الاديان ... اتمسك من امن دوله وطااااااااخ ... ويقولوله ايه الي انت بتقوله إيه دا ... ازاي موحد الاديان ؟؟؟ ... دي مصر فيها مسيحين ويهود ومسلمين وطااااااخ ... فرد عليهم يا باشا .... ماهوه موحد الأديان علشان هوه اللي مكفرنا كلنا ------------------------------------------------------------------------------------------------ واحد سأل المغنى سعد الصغير ... إنت ما غنيتش للريس ليه زى الباقيين .... سعد الصغير قاله : إزاى طبعاً غنيت !!! قاله : غنيت إيه ؟؟؟ سعد الصغير قاله : غنيت له طبعاً " بحبك يا حمار " ... ----------------------------------------------------------------- بيقولك واحد تانى لقى الفانوس السحرى ودعكه طلعله العفريت و قالــــــه: شبيك لبيك تطلب أيه ؟ قاله الراجل : أنا عايز كوبرى بين القاهره و أسوان العفريت قاله : دى صعبه قوى .. نقى حاجه تانيه الراجل قاله : خلاص خلى حسنى مبارك يسيب الحكم العفريت قاله : أنت عايز الكوبرى رايح جاى ولا رايح بس ------------------------------------------------------------------------------------------------- إخبرنى بصراحة يا نظيف ولا داعى للمجاملة أو النفاق . نظيف : أمرك يا ريس الريس : أنا الأفضل و لا عبدالناصر ؟ نظيف : انت طبعا يا ريس .. جمال مين دا اللى كان بيخاف من الروس !! الريس : طيب أنا الأفضل ولا السادات ؟ نظيف : سادات مين دا ياريس اللى كان بيخاف من الأمريكان !! الريس : طيب أنا الأفضل ولا عمر بن الخطاب ؟ نظيف : انت طبعا يا ريس .. عمر بن الخطاب دا كان بيخاف من ربنا .. إنما انت لأ ... !!! |
||||||||||
![]() |
![]() |
#3 | |||||||||||
![]() ![]()
|
اقتباس:
|
|||||||||||
![]() |
![]() |
#4 | |||||||||||
![]() ![]()
|
اقتباس:
|
|||||||||||
![]() |
![]() |
#5 | ||||||||||
![]() ![]()
|
اتنين مساطيل قاعدين بيحششوا فى الترب.. الحكومه كبست عليهم..واحد هرب والتانى مسكوه الظابط قاله انتا بتعمل ايه هنا.....قاله لا انا واحد ميت طالع ادخل الحمام و راجع تانى |
||||||||||
![]() |
![]() |
#6 | |||||||||||
![]() ![]()
|
:d اقتباس:
|
|||||||||||
![]() |
![]() |
#7 | ||||||||||
![]() ![]()
|
والله موضوع جامد وخدو ديه مره اتنين راكبين موتوسيكل بيتخانقو مين اللي يقعد جنب الشباك |
||||||||||
![]() |
![]() |
#8 | ||||||||||
![]() ![]()
|
[size="5"]مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا kalbواحد بيخاف من صوت الرصاص فقالو لصاحبوه خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني أول ما ضرب نار elkalb اعد يزغرط مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد في الكوخ ده فمحدش يقرب منه أحسنله ، السكان فضلوا خايفين يطلعوا السطح لحد مايوم الشجيع بتاعهم طلع وراح فاتح الكوخ راح نازل جري ووشه أصفر السكان قالولوه ايه شوفته ، قالهم لأ أنا شوفت الطبق اللي بياكل فيه بس اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش. مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك." ويا رب النكت تعجبكم وياسلام لو الموضوع ده يتثبت :D:D |
||||||||||
![]() |
![]() |
#9 | |||||||||||
![]() ![]()
|
اقتباس:
انا فاكر مرة اني قريتها في فلاش ههههههههههههههههههه لا لا ده في الجون بجد لوووووووووووووول |
|||||||||||
![]() |
![]() |
#10 | ||||||||||
![]() ![]()
|
قبل كدا واحد دخل على مراتو لقى 2 معاها فى السرير فقالها ايييييييييه دا قام واحد فيهوم قالو احنا الكاميرا الخفية نزيع ولا لا ...... قالو يا عم زيع خلى الناس تنبسط هههههههههههه |
||||||||||
![]() |
![]() |
#11 | ||||||||||
![]() ![]()
|
لا جامدة اةى نكت حسنى دى يا سيزكو |
||||||||||
![]() |
![]() |
#12 | ||||||||||
![]() ![]()
|
هههههههههههههههههههه مكنتش اعرف ان السيرفر دمه خفيف كده والله انا مبسوط علشان احنا كده بنقرب من بعض skizo انتا كده روحت فى ابو بلاش موتنا من الضحك و مت بلكونه وقعه فوق دماغك قضاء و قدر :) |
||||||||||
![]() |
![]() |
#13 | ||||||||||
![]() ![]()
|
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههه انا بقالي نص ساعة قاعد أضحك من النكت بجد نكت مضحكة هههههههههههههههههههههههههههههه عايزين تاااني عايزين تاااني |
||||||||||
![]() |
![]() |
#14 | ||||||||||
![]() ![]()
|
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي وبحبو زيك بالظبط قالها لما انتي بتحبي كلتي ليه مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته |
||||||||||
![]() |
![]() |
#15 | ||||||||||
![]() ![]()
|
الله يخليك يا Rockerده من زوقك |
||||||||||
التعديل الأخير تم بواسطة panto ; 10-01-2010 الساعة 01:56 PM
![]() |
![]() |
يتصفح الموضوع حالياً : 1 (0 عضو و 1 زائر) | |
|
|
![]() |
||||
الموضوع | كاتب الموضوع | المنتدى | الردود | آخر مشاركة |
ببدل افاتارGuardian angel wing dress فى سيرفر اليكس ميل ب اكونت على سيرفر اليكس | RoOoMyoOo | Bellona | 7 | 16-04-2011 01:30 AM |
صور اعضاء اليكس (صغار) | Mohamed1163 | Bellona | 12 | 11-10-2010 03:55 PM |
حصريا ابو الليف كينج كونج فى سيرفر اليكس | Little_Boy | Bellona | 15 | 12-03-2010 08:08 PM |
لو سمحت ممكن كل اعضاء سيرفر اليكس الدخول | mig25 | قسم المواضيع المكررة و المخالفة | 18 | 25-02-2010 01:13 AM |
Guild Heaven محتاج اعضاء مصريين بس تعالوا بسرعه | Tiger_Boy32 | Flora | 20 | 17-02-2009 05:36 AM |